Deċiżjoni tal-Kummissjoni tat-22 ta' Awwissu 2006 dwar ċerti miżuri ta' protezzjoni kontra d-deni katarrali (innotifikata taħt dokument numru C(2006) 3849) (Test b'rilevanza għaż-ŻEE) (2006/577/KE)
Grade B
mapped from publisher markup. A grade says how a document's structure was obtained, not how reliable the law is.
Address https://gelex.eu/eli/EU/act/2006/577@2006-08-23/mt
Contents
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 li tirrigwarda kontrolli veterinarji u zootekniċi applikabbli fil-kummerċ intra-Komunitarju ta' ċerti bhejjem ħajjin u prodotti bil-ħsieb li jiġi komplut is-suq intern u b'mod partikolari l-Artikolu 10 (4) tagħha,
Billi:
(1) Fis-17, 19 u 21 ta' Awwissu 2006 rispettivament, l-Olanda, il-Belġju u l-Ġermanja għarrfu lill-Kummissjoni b'għadd ta' każijiet kliniċi suspetti ta' deni katarrali fl-irziezet tan-nagħaġ u l-ifrat f'żoni fl-Olanda, il-Belġju u l-Ġermanja li jinsabu f'raġġ ta' 50 km minn Kerkrade, l-Olanda, fejn ġie rrappurtat l-ewwel każ suspett.
(2) Il-Belġju, il-Ġermanja, il-Lussemburgu u l-Olanda żammew iċ-ċaqliq ta' bhejjem ta' l-ispeċi suxxettibbli għad-deni katarrali u s-semen, il-bajd u l-embrijoni miż-żoni affettwati, skond id-Direttiva tal-Kunsill 2000/75/KE ta' l-20 ta' Novembru 2000 li tistabbilixxi dispożizzjonijiet speċifiċi dwar il-kontroll u l-qerda tad-deni katarrali u d-Deċiżjoni tal-Kummissjoni 2005/393/KE tat-23 ta' Mejju 2005 dwar iż-żoni ta' protezzjoni u sorveljanza fir-rigward tad-deni katarrali u l-kondizzjonijiet li japplikaw għaċ-ċaqliq minn jew ġewwa dawn iż-żoni.
(3) Ġew adottati miżuri xierqa mill-Istati Membri affettwati minħabba l-qagħda entomoloġika, ekoloġika, ġeografika, meteoroloġika u epidemjoloġika.
(4) It-tixrid tad-deni katarrali miż-żona affettwata jista' jġib periklu serju għall-bhejjem fil-Komunità.
(5) F'isem iċ-ċarezza u t-trasparenza u sakemm isiru aktar investigazzjonijiet epidemioloġiċi u fil-laboratorju, huwa xieraq li jiġu adottati miżuri ta' kontroll tal-marda fuq livell Komunitarju li jikkonċernaw iċ-ċaqliq ta' bhejjem ta' speċi suxxettibbli għad-deni katarrali u s-semen, il-bajd u l-embrijoni tagħhom miż-żoni affettwati.
(6) Fid-dawl ta' l-evoluzzjoni tal-qagħda u r-riżultati ta' aktar investigazzjonijiet imwettqa, il-miżuri eżistenti għandhom jiġu riveduti f'laqgħa tal-Kumitat Permanenti dwar il-Katina Alimentari u s-Saħħa tal-Bhejjem ma' l-ewwel opportunità.
(7) Il-miżuri stipulati f'din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa tal-Bhejjem,
ADOTTAT DIN ID-DEĊIŻJONI:
Artikolu 1
1. L-Istati Membri li tagħhom hemm lista fl-Anness għandhom iwaqqfu ċ-ċaqliq ta' bhejjem ħajjin ta' l-ispeċi suxxettibbli għad-deni katarrali u s-semen, il-bajd u l-embrijoni tagħhom miġbura jew prodotti mill-1 ta' Mejju 2006 miż-żoni elenkati fl-Anness lejn partijiet oħra tal-Komunità jew pajjiżi terzi.
2. L-Istati Membri għandhom jikkonċedu l-eżenzjonijiet mill-projbizzjoni stipulata fil-paragrafu 1 msemmija fl-Artikoli 4 u 6 tad-Deċiżjoni 2005/393/KE.
3. Jekk meħtieġ, fid-dawl tal-qagħda entomoloġika, ekoloġika, ġeografika, meteoroloġika u epidemjoloġika, l-Istati Membri kkonċernati għandhom iwettqu eżamijiet komplemetari barra miż-żoni elenkati fl-Anness. L-Istati Membri kkonċernati għandhom jissukktaw japplikaw kull miżura xierqa li diġà kienu adottaw. Fuq il-bażi tar-riżultati ta' dawn l-eżamijiet l-Istati Membri kkonċernati għandhom jirrevedu dawn il-miżuri u jistgħu japplikaw miżuri addizzjonali xierqa.
Artikolu 2 L-Istati Membri għandhom jemendaw il-miżuri li huma japplikaw għall-kummerċ sabiex ikunu konformi ma' din id-Deċiżjoni u jippubblikaw dawn il-miżuri. Għandhom jgħarrfu minnufih lill-Kummissjoni dwar dan.
Artikolu 3 Din id-Deċiżjoni hija indirizzata lill-Istati Membri.
Magħmul fi Brussell, nhar it-22 ta' Awwissu 2006. Għall-Kummissjoni Markos Kyprianou Membru tal-Kummissjoni
ANNEX
Il-provinċja ta' Anversa
Il-provinċja tal-Brabanzja Flamminga
Il-provinċja tal-Brabanzja Vallonja
Il-provinċja ta' Brussell-Kapitali
Il-provinċja ta' Namur
Il-provinċja ta' Limburgu
Il-provinċja tal-Lussemburgu
Il-provinċja ta' Ljeġi
Il-provinċji tal-Fjandri tal-lvant u Hainaut: Iż-żona lejn il-Lvant tat-toroq li ġejjin:
L-N6 li tmur lejn it-tramuntana lejn l-R50 (il-Komun ta' Mons),
L-R50 li tmur lejn il-lvant lejn l-N56,
L-N56 li tmur lejn it-tramuntana lejn l-N525,
L-N525 li tmur lejn it-tramuntana lejn l-N57,
L-N57 li tmur lejn it-tramuntana lejn l-N42,
L-N42 li tmur lejn it-tramuntana u tgħaddi minn Wettersesteenweg (il-Komun ta' Oosterzele) lejn l-N465,
L-N465 li tmur lejn it-tramuntana lejn l-N9,
L-N9 li tmur lejn il-punent lejn l-R4,
L-N4 li tmur lejn it-tramuntana lejn l-N423,
L-N423 li tmur lejn it-tramuntana lejn il-fruntiera Olandiża.
Il-belt ta' Aachen
Id-distrett ta' Aachen
Il-belt ta' Bochum
Il-belt ta' Bonn
Id-distrett ta' Borken
Il-belt ta' Bottrop
Id-distrett ta' Coesfeld
Il-belt ta' Dortmund
Id-distrett ta' Düren
Il-belt ta' Düsseldorf
Il-belt ta' Duisburg
Id-distrett ta' Ennepe-Ruhr
Id-distrett ta' Erft
Id-distrett ta' Euskirchen
Il-belt ta' Essen
Il-belt ta' Gelsenkirchen
Il-belt ta' Hagen
Il-belt ta' Hamm
Id-distrett ta' Heinsberg
Il-belt ta' Herne
Id-distrett ta' Hochsauerland
Id-distrett ta' Kleve
Il-belt ta' Köln
Il-belt ta' Krefeld
Il-belt ta' Leverkusen
Id-distrett ta' Märkischer
Id-distrett ta' Mettmann
Il-belt ta' Mönchengladbach
Il-belt ta' Mülheim a.d.Ruhr
Id-distrett ta' Neuss
Id-distrett ta' Oberbergischer
Il-belt ta' Oberhausen
Id-distrett ta' Olpe
Id-distrett ta' Recklinghausen
Il-belt ta' Remscheid
Id-distrett ta' Rheinisch-Bergischer
Id-distrett ta' Rhein-Sieg
Id-distrett ta' Siegen-Wittgenstein
Id-distrett ta' Soest
Il-belt ta' Solingen
Id-distrett ta' Unna
Id-distrett ta' Viersen
Id-distrett ta' Wesel
Il-belt ta' Wuppertal
Id-distrett ta' Ahrweiler
Id-distrett ta' Altenkirchen
Id-distrett ta' Bernkastel-Wittlich
Fid-distrett ta' Birkenfeld it-territorju 'l-fuq mill-B 41
Id-distrett ta' Bitburg-Prüm
Id-distrett ta' Cochem-Zell
Id-distrett ta' Daun
Il-belt ta' Koblenz
Fid-distrett ta' Mainz Bingen il-muniċipalitajiet ta' Breitscheid, Bacharach, Oberdiebach; Manubach
Id-distrett ta' Mayen-Koblenz
Id-distrett ta' Neuwied
Id-distrett ta' Rhein-Hunsrück
Id-distrett ta' Rhein-Lahn
Il-belt ta' Trier
Id-distrett ta' Trier-Saarburg
Id-distrett ta' Westerwald
Fid-distrett ta' Merzig-Wadern il-muniċipalitajiet ta' Mettlach u Perl
Fid-distrett ta' Lahn-Dill il-muniċipalitajiet ta' Breitscheid, Diedorf, Haiger
Fid-distrett ta' Limburg-Weilburg il-muniċipalitajiet ta' Dornburg, Elbtal, Elz, Hadamar, Limburg a.d. Lahn, Mengerskirchen, Waldbrunn (Westerwald)
Fid-distrett ta' Rheingau-Taunus il-muniċipalità ta' Heidenrod
ANNESS
IL-LUSSEMBURGU:
It-territorju kollu
L-OLANDA:
Il-Kompartimenti 9 sa 20, kif iddefiniti fis-Sistema ta' Notifika tal-Mard tal-Bhejjem (Animal Disease Notification System — ADNS).