Address https://gelex.eu/eli/EU/act/2007/64@2007-02-06/mt

Contents

1. Preamble
2. ANNEX
3. KRITERJI EKOLOĠIĊI
4. 1.
5. 6.
6. 7. Informazzjoni dettaljata
7. 7.

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament (KE) Nru 1980/2000 tal-Parlament Ewropew u tal-Kunsill tas-17 ta’ Lulju 2000 dwar skema riveduta għall-għoti ta’ ekotikketti tal-Komunità, u b’mod partikolari t-tieni subparagrafu tal-Artikolu 6(1) tiegħu,

Wara li kkonsultat mal-Bord tal-Unjoni Ewropea għall-Ekotikkettar,

Billi:

(1) Skont ir-Regolament (KE) Nru 1980/2000, saret analiżi f’waqta tal-kriterji ekoloġiċi, kif ukoll tar-rekwiżiti ta’ l-istima u tal-verifika relatati, stabbiliti mid-Deċiżjoni tal-Kummissjoni 2001/688/KE għall-għoti ta’ ekotikketti tal-Komunità għall-materjali li jtejbu l-ħamrija u għall-midja tat-tkabbir.

(2) Wara dik ir-reviżjoni, il-grupp tal-prodotti ġie maqsum f’żewġ gruppi ta’ prodotti separati u b’hekk id-Deċiżjoni 2006/799KE fuq il-materjali li jtejbu l-ħamrija ġiet addottata. Dik id-Deċiżjoni issostitwit id-Deċiżjoni 2001/688/KE safejn huma konċernati l-materjali li jtejbu l-ħamrija.

(3) Madankollu, huwa neċessarju li tiġi sostitwita d-Deċiżjoni 2001/688/KE safejn hija kkonċernata l-midja tat-tkabbir.

(4) Fid-dawl ta’ din ir-reviżjoni, huwa xieraq, sabiex tingħata kunsiderazzjoni lill-iżviluppi xjentifiċi u tas-suq, li jiġu riveduti l-kriterji u r-rekwiżiti relatati mal-midja tat-kabbir, li l-perjodu ta’ validità tagħhom jintemm fit-28 ta’ Awissu 2007.

(5) Il-kriterji u r-rekwiżiti ekoloġiċi riveduti se jkunu validi għal perjodu ta’ erba’ snin.

(6) Huwa xieraq li jiġi permess perjodu transizzjonali ta’ mhux aktar minn tmintax-il xahar għall-produtturi li l-prodotti tagħhom ingħataw ekotikketta qabel l-1 ta’ Ottubru 2006 jew li applikaw għat-tali aġġudikazzjoni qabel dik id-data, sabiex ikollhom biżżejjed żmien biex jaddattaw il-prodotti tagħhom ħalli jikkonformaw mal-kriterji u r-rekwiżiti riveduti.

(7) Il-miżuri stipulati f’din id-Deċiżjoni huma skont l-opinjoni tal-Kumitat istitwit mill-Artiklu 17 tar-Regolament (KE) Nru 1980/2000,

ADDOTTAT DIN ID-DEĊIŻJONI:

Artikolu 1 Il-grupp ta’ prodotti midja tat-tkabbir għandu jinkludi materjal minbarra l-ħamrija in situ, li fih jitkabbru l-pjanti.

Artikolu 2 Sabiex wieħed jingħata l-ekotikketta tal-Komunità għall-midja tat-tkabbir, taħt ir-Regolament (KE) Nru 1980/2000, il-prodott irid jaqa’ fil-grupp tal-prodotti midja tat-tkabbir kif definit fl-Artikolu 1, u jrid jikkonforma mal-kriterji ekoloġiċi stabbiliti fl-Anness għal din id-Deċiżjoni.

Artikolu 3 Il-prestazzjoni ambjentali tal-grupp tal-prodotti midja tat-tkabbir għandha tiġi stmata abbażi tal-kriterji ekoloġiċi speċifiċi stabbiliti fl-Anness.

Artikolu 4 Għal skopijiet amministrattivi, in-numru tal-kodiċi mogħti lill-grupp tal-prodotti midja tat-tkabbir se jkun 029.

Artikolu 5 L-ekotikketti li ingħataw qabel l-1 ta’ Ottubru 2006 għal prodotti li jaqgħu fil-grupp tal-prodotti materjali li jtejbu l-ħamrija u midja tat-tkabbir jistgħu jibqgħu jintużaw sat-30 ta’ April 2008. Fejn l-applikazzjonijiet ġew sottomessi qabel għall-għoti ta’ ekotikketta għal prodotti li jaqgħu taħt il-grupp tal-prodotti materjali li jtejbu l-ħamrija u midja tat-tkabbir ġew sottomessi qabel l-1 ta’ Ottubru 2006, dawk il-prodotti jistgħu jingħataw l-ekotikketta taħt il-kondizzjonijiet applikabbli sat-28 ta’ Awissu 2007. Fit-tali każijiet, l-ekotikketta tista’ tintuża sat-30 ta’ April 2008.

Artikolu 6 Din id-Deċiżjoni hija indirizzata lill-Istati Membri.

Magħmul fi Brussel, 15 ta' Diċembru 2006. F’isem il-Kummissjoni Stavros Dimas Membru tal-Kummissjoni

ANNEX

ANNESS QAFAS

It-testjar u t-teħid ta’ kampjuni għandu, fejn applikabbli, isir skont il-metodu tat-testjar żviluppat mill-Kumitat Tekniku CEN 223 materjali li jtejbu l-ħamrija u midja tat-tkabbir sakemm l-istandards orizzontali rilevanti elaborati taħt il-gwida tas-CEN Task Force 151 Orizzontali jsiru disponibbli. It-teħid ta’ kampjuni għandu jsir skont il-metodoloġiji stabbiliti minn CEN/TC 223 (WG 3) kif speċifikati u approvati mis-CEN fil-EN 12579 — Materjali li jtejbu l-ħamrija u midja tat-tkabbir — Teħid ta’ kampjuni. Fejn it-testjar jew it-teħid ta’ kampjuni huwa meħtieġ u mhux kopert minn dawn il-metodi u t-tekniki tat-teħid ta’ kampjuni, il-Korp Kompetenti jew korpi li qed jivvalutaw l-applikazzjoni (minn hawn ‘il quddiem imsejħa Korp Kompetenti) għandhom jindikaw liema metodi ta’ testjar u/jew ta’ teħid ta’ kampjuni jqisu aċċettabbli. Fejn xieraq, jistgħu jintużaw metodi ta’ testjar oħra li l-ekwivalenza tagħhom tiġi aċċettata mill-Korp Kompetenti. Fejn ma jissemma ebda test, jew jissemma għall-użu fil-verifikazzjoni jew il-monitoraġġ, il-korpi kompetenti għandhom jiddependu, skont il-każ, fuq id-dikjarazzjonijiet u d-dokumentazzjoni pprovduti mill-applikant u/jew fuq verifiki indipendenti. Meta jivvalutaw l-applikazzjonijiet u jimmonitorjaw il-konformità mal-kriterji f’dan l-Anness, il-korpi kompetenti huma rrakkomandati jqisu l-implimentazzjoni tal-iskemi tal-ġestjoni ambjentali rikonoxxuti, bħall-EMAS jew l-ISO 14001. (Nota bene: mhux meħtieġ li jiġu implimentati t-tali skemi ta’ ġestjoni.) L-għan ta’ dawn il-kriterji huwa, b’mod partikolari, l-promozzjoni ta’: Il-kriterji huma stabbiliti fuq livelli li jippromwovu t-tikkettar tal-midja tat-tkabbir li għandha impatt ambjentali aktar baxx matul iċ-ċiklu tal-ħajja kollu tal-prodott.

l-użu ta’ materjali rinnovabbli u/jew ir-riċiklaġġ ta’ materja organika derivati mill-ġbir u/jew l-ipproċessar ta’ materjal ta’ skart li b’hekk jikkontribwixxi għat-tnaqqis tal-iskart solidu fir-rimi finali (per eżempju fil-miżbla);

it-tnaqqis tal-impatt ambjentali fl-irkupru u l-produzzjoni ta’ materjali mhux rinovabbli.

KRITERJI EKOLOĠIĊI

1. Ingredjenti L-ingredjenti li ġejjin huma permessi:

1.

1.1. Ingredjenti organiċi Għall-għoti tal-ekotikketta għandhom jiġu kkunsidrati biss dawk il-prodotti li ma jkunx fihom pit u li l-kontenut ta’ materja organika tagħhom ikun derivat mill-ipproċessar u/jew l-użu mill-ġdid tal-iskart (kif definiti fid-Direttiva tal-Kunsill 75/442/KEE dwar l-iskart u fl-Anness I ta’ din id-Direttiva). L-applikant għandu jipprovdi lill-Korp Kompetenti l-kompożizzjoni dettaljata tal-prodott, u dikjarazzjoni tal-konformità mar-rekwiżit imsemmi hawn fuq.

1.2. Ħama Il-prodotti ma għandux ikollhom ħama tad-dranaġġ. Il-ħama (mhux tad-dranaġġ) huwa permess biss jekk jissodisfa l-kriterji li ġejjin: It-tip ta' ħama għandu jkun wieħed mit-tipi ta’ skart li ġejjin skont il-lista Ewropea tal-iskart (kif definita mid-Deċiżjoni tal-Kummissjoni 2001/118/KE li temenda d-Deċiżjoni 2000/532/KE): 02 03 05 ħama mit-trattament ta’ effluwenti fuq il-post fil-preparazzjoni u l-ipproċessar ta’ frott, ħxejjex, ċereali, żjut li jittieklu, kawkaw, kafè, tè u tabakk; fil-produzzjoni ta’ marmellati; fil-produzzjoni tal-ħmira u tal-estratti tal-ħmira, fil-preparazzjoni u l-fermentazzjoni tal-għasel iswed 02 04 03 ħama mit-trattament ta’ effluwenti fuq il-post fl-ipproċessar taz-zokkor. 02 05 02 ħama mit-trattament ta’ effluwenti fuq il-post fl-industrija tal-prodotti tal-ħalib. 02 06 03 ħama mit-trattament ta’ effluwenti fuq il-post fl-industrija tal-ħami u tal-ħelu. 02 07 05 ħama mit-trattament ta’ effluwenti fuq il-post fil-produzzjoni tax-xorb alkoħoliku u mhux alkoħoliku (minbarra kafè, tè u kawkaw). Il-ħama għandu jiġi minn sors wieħed, jiġifieri li ma jkunx sar xi taħlit ma’ effluwenti jew ħama ‘l barra mill-proċess ta’ produzzjoni speċifiku. Il-konċentrazzjonijiet massimi ta’ metalli tqal fl-iskart qabel it-trattament (mg/kg piż fin-niexef) jissodisfaw ir-rekwiżiti tal-kriterju 2. Il-ħama għandu jissodisfa l-kriterji tal-Ekotikketta l-oħra kollha speċifikati f’dan l-Anness, fliema każ jitqies bħala stabbli u diżinfettat biżżejjed. L-applikant għandu jipprovdi lill-Korp Kompetenti bil-kompożizzjoni dettaljata tal-prodott, u dikjarazzjoni tal-konformità ma’ kull wieħed mir-rekwiżiti msemmija hawn fuq.

1.3. Minerali Il-minerali ma għandhomx ikunu ġew estratti minn: L-applikant għandu jipprovdi lill-Korp Kompetenti b’dikjarazzjoni ta’ konformità mar-rekwiżiti maħruġa mill-awtoritajiet xierqa.

siti ta’ importanza għall-Komunità notifikati skont id-Direttiva tal-Kunsill 92/43/KEE dwar il-konservazzjoni tal-ħabitit naturali u tal-fawna u l-flora selvaġġa;

Żoni tan-netwerk Natura 2000, komposti minn żoni ta’ protezzjoni speċjali skont id-Direttiva tal-Kunsill 79/409/KEE dwar il-konservazzjoni tal-għasafar selvaġġi, u dawk iż-żoni taħt id-Direttiva 92/43/KEE flimkien, jew żoni ekwivalenti ‘l barra mill-Komunità Ewropea li jaqgħu taħt id-dispożizzjonijiet korrispondenti tal-Konvenzjoni tan-Nazzjonijiet Uniti dwar id-Diversità Bijoloġika.

2. Limitazzjoni tas-sustanzi perikolużi Fil-kostitwenti organiċi tal-midja tat-tkabbir, il-kontenut tal-elementi li ġejjin għandu jkun aktar baxx mill-valuri li jidhru hawn taħt, mkejla skont il-piż fin-niexef: Element mg/kg (piż fin-niexef) Zn 300 Cu 100 Ni 50 Cd 1 Pb 100 Hg 1 Cr 100 Mo 2 Se 1,5 As 10 F 200 Nota: Dawn il-valuri tal-limiti huma validi biss sakemm il-leġislazzjoni nazzjonali ma tkunx aktar stretta L-applikant għandu jipprovdi lill-Korp Kompetenti bir-rapporti tat-testijiet rilevanti, u dikjarazzjoni tal-konformità ma’ dan ir-rekwiżit.

3. Prestazzjoni tal-Prodott Il-prodotti ma għandomx jeffettwaw il-ħruġ jew it-tkabbir sussegwenti tal-pjanta. L-applikant għandu jipprovdi lill-Korp Kompetenti bir-rapport tat-testijiet rilevanti, u dikjarazzjoni tal-konformità ma’ dan ir-rekwiżit.

4. Saħħa u sigurtà Il-prodotti ma għandhomx jeċċedu l-livelli massimi tal-patoġeni primarji li ġejjin: L-applikant għandu jipprovdi lill-Korp Kompetenti bir-rapporti tat-testijiet u d-dokumentazzjoni rilevanti, u dikjarazzjoni tal-konformità ma' dawn ir-rekwiżiti.

Salmonella: neqsin f’25 g;

Helminth Ova: neqsin f’1,5 g.

E. Coli: <1000 MPN/g (MPN: numru l-aktar probabbli)

5. Żrieragħ/propaguli vijabbli Fil-prodott finali, il-kontenut ta’ żrieragħ ta’ ħaxix ħażin u l-partijiet riproduttivi veġetattivi ta’ ħaxix ħażin aggressiv ma għandomx jeċċedu żewġ unitajiet kull litru. L-applikant għandu jipprovdi lill-Korp Kompetenti b’dikjarazzjoni tal-konformità ma’ dawn ir-rekwiżiti, flimkien ma’ kwalunkwe rapport tat-testijiet u/jew dokumentazzjoni relatata.

6. Kriterji oħra Għas-swieq professjonali sostanzjali kollha (jiġifieri fejn il-bejgħ annwali tal-applikant fi kwalunkwe pajjiż fis-suq professjonali jeċċedi t-30000 m3), l-applikant għandu jagħti informazzjoni kompleta lill-utent dwar l-opzjonijiet disponibbli għat-tneħħija u l-ipproċessar tal-midja tat-tkabbir wara l-użu tagħha. Din l-informazzjoni għandha tkun tidher fl-iskedi deskrittivi li jakkompanjaw il-prodott. L-applikant għandu jinforma lill-Korp Kompetenti dwar l-opzjoni(jiet) li qed jiġu offruti u r-reazzjoni għalihom, b’mod partikolari għal dawn l-opzjonijiet li ġejjin: L-applikant għandu juri li ta’ mil-lanqas 50 % bil-volum tal-iskart tal-midja tat-tkabbir jiġi riċiklat wara l-użu tiegħu.

6.

(a) Il-konduttività elettrika tal-prodotti ma għandhiex teċċedi 1,5 dS/m.

b)

Applikabbli għall-midja tat-tkabbir biss:

deskrizzjoni tal-ġbir, l-ipproċessar u d-destinazzjonijiet. Fi kwalunkwe ħin, il-plastiks għandhom jiġu sseparati mill-minerali/organiċi u pproċessati separatament;

deskrizzjoni ġenerika annwali tal-volum tal-midja tat-tkabbir miġbura (mdaħħla) u proċessata (skont id-destinazzjoni).

7. Informazzjoni dettaljata

Informazzjoni provduta mal-prodott Informazzjoni ġenerali: L-informazzjoni li ġejja għandha tiġi pprovduta mal-prodott, jew bil-miktub fuq il-pakkett jew mal-iskedi deskrittivi li jakkompanjawh: Jekk applikabbli, l-informazzjoni li ġejja dwar l-użu tal-prodott għandha tiġi pprovduta mal-prodott, jew bil-miktub fuq il-pakkett jew fl-iskedi deskrittivi li jakkompanjawh: Informazzjoni tista’ titħalla barra biss jekk tingħata ġustifikazzjoni sodisfaċenti mill-applikant. Nota: Din l-informazzjoni għandha tiġi pprovduta sakemm il-leġislazzjoni nazzjonali ma titlobx xort’oħra. Parametru Metodi tal-ittestjar Kwantità EN 12580 pH EN 13037 Konduttività elettrika EN 13038 Proporzjon ta’ Karbonju ma’ Nitroġenu (C/N) C/N Metalli tqal (Cd, Cr, Cu, Pb, Ni, Zn) EN 13650 Hg ISO 16772 Salmonella ISO 6579 Helminth ova prXP X 33-017 E. Coli ISO 11866-3

7.

(a) l-isem u l-indirizz tal-korp responsabbli għall-marketing;

(b) deskrizzjoni li tiddentifika l-prodott bit-tip, inkluż il-kliem MIDJA TAT-TKABBIR;

(c) kodiċi ta’ identifikazzjoni tal-konsenja;

(d) il-kwantità (skont il-piż jew il-volum);

(e) il-materjali prinċipali tiegħu (dawk li jeċċedu 5 % bil-volum) li minnhom ġie mmanifatturat il-prodott;

(a) il-kondizzjonijiet rakkomandati ta’ ħażna u d-data uża sa rakkomandata;

(b) linji gwida dwar it-tqandil u l-użu sikur;

(c) deskrizzjoni tal-iskop li għalih huwa maħsub il-prodott u kwalunkwe limitazzjonijiet fuq l-użu;

(d) dikjarazzjoni tal-idoneità tal-prodott għal gruppi ta’ pjanti partikolari (per eżempju pjanti li ma jittollerawx il-ħamrija alkalina jew pjanti li jikbru fil-ħamrija alkalina);

(e) pH u l-proporzjon ta’ Karbonju ma’ Nitroġenu (C/N);

(f) dikjarazzjoni dwar l-istabbilità tal-materja organika (stabbli jew stabbli ħafna) skont l-istandard nazzjonali jew internazzjonali;

(g) dikjarazzjoni dwar il-metodi ta’ użu rakkomandati;

(h) f’applikazzjonijiet mhux professjonali: rata ta’ applikazzjoni rakkomandata espressa f’kilogrammi jew f’litri tal-prodott għal kull unità ta’ erja (m2) kull sena;

8. Informazzjoni li tidher fuq l-ekotikketta Il-kaxxa 2 tal-ekotikketta għandha tinkludi t-test li ġej:

jippromwovi r-riċiklaġġ tal-materjali;

jippromwovi l-użu ta’ materjali prodotti b’metodi aktar sostenibbli, u b’hekk inaqqas id-degradazzjoni ambjentali.

Versions

1. 2007-02-06