Address https://gelex.eu/eli/EU/act/2008/452@2008-04-23/mt

Contents

1. Preamble
2. Artikolu 1 Suġġett
3. Artikolu 2 Definizzjonijiet
4. Artikolu 3 Setturi
5. Artikolu 4 Azzjonijiet statistiċi
6. 1.
7. Artikolu 5 Trażmissjoni ta’ mikrodata dwar individwi
8. Artikolu 6 Miżuri ta’ implimentazzjoni
9. 1.
10. 2.
11. Artikolu 7 Kumitat
12. Artikolu 8 Dħul fis-seħħ
13. ANNEX
14. Settur 1 Sistemi ta’ edukazzjoni u taħriġ
15. 3.
16. Settur 2 Il-parteċipazzjoni ta’ l-adulti fit-tagħlim tul il-ħajja
17. 3.
18. Settur 3 Statistika oħra dwar l-edukazzjoni u tagħlim tul il-ħajja
19. 2.

IL-PARLAMENT EWROPEW U L-KUNSILL TA’ L-UNJONI EWROPEA,

Wara li kkunsidraw it-Trattat li jistabbilixxi l-Komunità Ewropea, u b’mod partikolari l-Artikolu 285(1) tiegħu,

Wara li kkunsidraw il-proposta mill-Kummissjoni,

Wara li kk onsultaw il-Kumitat Ekonomiku u Soċjali Ewropew,

Filwaqt li jaġixxu skond il-proċedura stabbilita fl-Artikolu 251 tat-Trattat,

Billi:

(1) Ir-Riżoluzzjoni tal-Kunsill tal-5 ta’ Diċembru 1994 dwar il-promozzjoni ta’ l-istatistika dwar l-edukazzjoni u t-taħriġ fl-Unjoni Ewropea talbet lill-Kummissjoni sabiex, b’kooperazzjoni mill-qrib ma’ l-Istati Membri, tħaffef l-iżvilupp ta’ l-istatistika dwar l-edukazzjoni u t-taħriġ.

(2) Il-Kunsill Ewropew imlaqqa’ fi Brussell fit-22 u fit-23 ta’ Marzu 2005 qabel li jniedi mill-ġdid l-Istrateġija ta’ Liżbona. Huwa kkonkluda li l-Ewropa trid iġġedded il-bażi tal-kompetittività tagħha, iżżid il-potenzjal għat-tkabbir u l-produttività tagħha u ssaħħaħ il-koeżjoni soċjali, b’enfasi ewlenija fuq il-konoxxenza, l-innovazzjoni u l-ottimizzazzjoni tal-kapital uman. F’dak ir-rigward il-kapaċità għax-xogħol, l-addattabbiltà u l-mobbiltà taċ-ċittadini huma vitali għall-Ewropa.

(3) Sabiex jintlaħqu dawn l-objettivi, is-sistemi Ewropej ta’ l-edukazzjoni u t-taħriġ għandhom jadattaw għar-rekwiżiti tas-soċjetà bbażata fuq il-konoxxenza u għall-ħtieġa ta’ livell imtejjeb ta’ edukazzjoni u impjiegi ta’ kwalità aħjar. L-istatistika dwar l-edukazzjoni, it-taħriġ u t-tagħlim tul il-ħajja hija ta’ importanza kbira bħala bażi għad-deċiżjonijiet politiċi.

(4) It-tagħlim tul il-ħajja huwa element essenzjali fl-iżvilupp u l-promozzjoni ta’ ħaddiema ta’ sengħa, imħarrġa u adattabbli. Fil-Konklużjonijiet tal-Presidenza tal-Kunsill Ewropew tar-Rebbiegħa 2005 ġie enfasizzat li l-kapital uman huwa l-iżjed riżors importanti ta’ l-Ewropa. Il-Linji Gwida Integrati għat-Tkabbir u Impjiegi inklużi l-linji gwida għall-politika ta’ l-impjiegi ta’ l-Istati Membri, approvati mill-Kunsill fid-Deċiżjoni Nru 2005/600/KE tiegħu, jimmiraw lejn kontribuzzjoni aħjar għall-istrateġija ta’ Liżbona u lejn it-twaqqif ta’ strateġiji komprensivi ta’ tagħlim tul il-ħajja.

(5) L-adozzjoni fi Frar 2001 tar-Rapport tal-Kunsill Objettivi tas-sistemi ta’ l-edukazzjoni u t-taħriġ u l-adozzjoni fi Frar 2002 tal-programm ta’ ħidma għal dan id-deċennju dwar is-segwitu ta’ dan ir-rapport huma pass importanti għat-twettiq ta’ l-impenn biex tiġi modernizzata u mtejba l-kwalità tas-sistemi edukattivi u tat-taħriġ ta’ l-Istati Membri. L-indikaturi u l-livelli ta’ referenza ta’ prestazzjoni medja Ewropea (benchmarks) huma fost l-istrumenti tal-metodu miftuħ ta’ koordinament li huma importanti għall-programm ta’ ħidma Edukazzjoni u Taħriġ 2010. Il-Ministri ta’ l-Edukazzjoni għamlu pass deċisiv f’Mejju ta’ l-2003 billi ftiehmu dwar ħames benchmarks Ewropej li għandhom jintlaħqu sa l-2010, filwaqt li enfasizzaw li huma la jiddefinixxu l-miri nazzjonali u lanqas ma jippreskrivu d-deċiżjonijiet li għandhom jittieħdu mill-gvernijiet nazzjonali.

(6) Il-Kunsill adotta, fl-24 ta’ Mejju 2005 il-Konklużjonijiet dwar Indikaturi ġodda fl-Edukazzjoni u t-Taħriġ. F’dawn il-Konklużjonijiet il-Kunsill stieden lill-Kummissjoni biex tippreżenta strateġiji u proposti lill-Kunsill għall-iżvilupp ta’ indikaturi ġodda f’disa’ oqsma partikolari ta’ l-edukazzjoni u t-taħriġ u enfasizza wkoll li l-iżvilupp ta’ indikaturi ġodda għandu jirrispetta bis-sħiħ ir-responsabbiltà ta’ l-Istati Membri għall-organizzazzjoni tas-sistemi edukattivi tagħhom u m’għandux jimponi piżijiet amministrattivi jew finanzjarji mhux meħtieġa fuq l-organizzazzjoni u l-istituzzjonijiet konċernati, u lanqas m’għandu jwassal inevitabbilment għal żieda fin-numru ta’ indikaturi użati għall-monitoraġġ tal-progress.

(7) Il-Kunsill adotta wkoll, f’Novembru 2004, il-Konklużjonijiet dwar kooperazzjoni Ewropea fl-edukazzjoni u t-taħriġ vokazzjonali, u kien hemm qbil li l-prijorità għandha tingħata fil-livell Ewropew għat-titjib ta’ l-ambitu, tal-preċiżjoni u ta’ l-affidabbiltà ta’ l-istatistika dwar l-edukazzjoni u t-taħriġ vokazzjonali sabiex tkun tista’ ssir evalwazzjoni tal-progress.

(8) It-tagħrif statistiku komparabbli fil-livell Komunitarju huwa essenzjali għall-iżvilupp ta’ l-istrateġiji ta’ l-edukazzjoni u t-tagħlim tul il-ħajja u għall-monitoraġġ tal-progress fl-implimentazzjoni tagħhom. Il-produzzjoni ta’ l-istatistika għandha tkun ibbażata fuq qafas ta’ kunċetti koerenti u data komparabbli fid-dawl tat-twaqqif ta’ Sistema Ewropea ta’ Tagħrif Statistiku dwar l-edukazzjoni, t-taħriġ u t-tagħlim tul il-ħajja.

(9) Fl-applikazzjoni ta’ dan ir-Regolament, għandu jiġi meħud kont tal-kunċett ta’ persuni żvantaġġati fis-suq tax-xogħol imsemmija fil-Linji Gwida għall-politika ta’ l-impjiegi ta’ l-Istati Membri.

(10) Il-Kummissjoni (Eurostat) qiegħda tiġbor data dwar it-taħriġ vokazzjonali fl-intrapriżi skond ir-Regolament (KE) Nru 1552/2005 tal-Parlament Ewropew u tal-Kunsill tas-7 ta’ Settembru 2005 dwar l-istatistika li għandha x’taqsam mat-taħriġ vokazzjonali fl-intrapriżi. Madankollu hemm bżonn ta’ qafas legali usa’ biex jiġu żgurati l-produzzjoni u l-iżvilupp sostenibbli ta’ l-istatistika dwar l-edukazzjoni u t-tagħlim tul il-ħajja, li jkopru għall-inqas l-attivitajiet eżistenti u ppjanati rilevanti kollha. Il-Kummissjoni (Eurostat) qiegħda tiġbor data annwali dwar l-edukazzjoni mill-Istati Membri fuq bażi volontarja, permezz ta’ azzjoni konġunta mwettqa ma’ l-Istitut għall-Istatistika tal-Unesco (UIS) u ma’ l-Organizzazzjoni għall-Kooperazzjoni u l-Iżvilupp Ekonomiċi (OECD), solitament imsejħa ġbir ta’ data UOE. Il-Kummissjoni (Eurostat) qiegħda wkoll tiġbor data dwar l-edukazzjoni, it-taħriġ u t-tagħlim tul il-ħajja permezz ta’ sorsi domestiċi oħra bħall-Istħarriġ dwar il-Forza tax-Xogħol ta’ l-Unjoni Ewropea u l-istatistika Komunitarja dwar id-dħul u l-kondizzjonijiet ta’ l-għajxien kif ukoll permezz tal-moduli ad hoc tagħhom.

(11) Ladarba t-tfassil u l-monitoraġġ tal-politika fil-qasam ta’ l-edukazzjoni u t-tagħlim tul il-ħajja huma ta’ natura dinamika u jadattaw għal ambjent li qed jevolvi, il-qafas regolatorju statistiku għandu jaħseb għal ċertu livell ta’ flessibbiltà b’mod limitat u kontrollat, filwaqt li jqis il-piż għal min iwieġeb u għall-Istati Membri.

(12) Ladarba l-objettiv ta’ dan ir-Regolament, jiġifieri l-ħolqien ta’ standards statistiċi komuni li jippermettu l-produzzjoni ta’ data armonizzata, ma jistax jintlaħaq suffiċjentement mill-Istati Membri u jista’ għalhekk jintlaħaq aħjar fil-livell Komunitarju, il-Komunità tista’ tadotta miżuri, konformement mal-prinċipju tas-sussidjarjetà kif stabbilit fl-Artikolu 5 tat-Trattat. Konformement mal-prinċipju tal-proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li huwa neċessarju sabiex jintlaħaq dak l-objettiv.

(13) Il-produzzjoni ta’ statistika Komunitarja speċifika hija regolata mir-regoli stabbiliti fir-Regolament tal-Kunsill (KE) Nru 322/97 tas-17 ta’ Frar 1997 dwar Statistika Komunitarja.

(14) Dan ir-Regolament jiżgura rispett sħiħ għad-dritt għall-protezzjoni ta’ data personali kif stipulat fl-Artikolu 8 tal-Karta tad-Drittijiet Fundamentali ta’ l-Unjoni Ewropea.

(15) It-trażmissjoni tad-data suġġetta għall-kunfidenzjalità dwar l-istatistika hija regolata mir-regoli stipulati fir-Regolament (KE) Nru 322/97 u fir-Regolament tal-Kunsill (Euratom, KEE) Nru 1588/90 tal-11 ta’ Ġunju 1990 dwar it-trażmissjoni tad-data suġġett għall-kunfidenzjalità dwar l-statistika lill-Uffiċċju ta’ l-Istatistika tal-Komunitajiet Ewropej.

(16) Ir-Regolament tal-Kummissjoni (KE) Nru 831/2002 tas-17 ta’ Mejju 2002 li jimplimenta r-Regolament (KE) Nru 322/97 dwar Statistika tal-Komunità dwar l-aċċess għal data kunfidenzjali għal raġunijiet xjentifiċi stabbilixxa l-kondizzjonijiet li taħthom jista’ jingħata aċċess għal data kunfidenzjali trażmessa lill-awtorità Komunitarja.

(17) Il-miżuri meħtieġa għall-implimentazzjoni ta’ dan ir-Regolament għandhom jiġu adottati skond id-Deċiżjoni tal-Kunsill 1999/468/KE tat-28 ta’ Ġunju 1999 li tistabbilixxi l-proċeduri għall-eżerċizzju tas-setgħat ta’ implimentazzjoni konferiti lill-Kummissjoni.

(18) B’mod partikulari, il-Kummissjoni għandha tingħata s-setgħa li tagħżel u tispeċifika s-suġġetti ta’ din l-istatistika, il-karatteristiċi tagħhom fir-rigward ta’ ħtiġijiet tekniċi jew ta’ politika, l-analiżi dettaljata tal-karatteristiċi, il-perjodu ta’ osservazzjoni u l-iskadenzi għat-trażmissjoni tar-riżultati, ir-rekwiżiti ta’ kwalità inkluża l-preċiżjoni meħtieġa u l-qafas ta’ rrappurtar ta’ kwalità. Billi dawk il-miżuri huma ta’ ambitu ġenerali u huma mfassla sabiex jemendaw elementi mhux essenzjali ta’ dan ir-Regolament inter alia, billi jissupplimentawh biż-żieda ta’ elementi mhux essenzjali ġodda, għandhom jiġu adottati skond il-proċedura regolatorja bi skrutinju prevista fl-Artikolu 5a tad-Deċiżjoni 1999/468/KE.

(19) Il-Kumitat għall-Programmi Statistiċi, stabbilit bid-Deċiżjoni tal-Kunsill 89/382/KEE, Euratom, ġie konsultat skond l-Artikolu 3 ta’ dik id-Deċiżjoni,

ADOTTAW DAN IR-REGOLAMENT:

Artikolu 1 Suġġett

Dan ir-Regolament jistabbilixxi qafas komuni għall-produzzjoni sistematika ta’ l-istatistika Komunitarja fil-qasam ta’ l-edukazzjoni u t-tagħlim tul il-ħajja.

Artikolu 2 Definizzjonijiet

Għall-finijiet ta’ dan ir-Regolament:

(a) statistika Komunitarja tfisser kif definita fl-ewwel inċiż ta’ l-Artikolu 2 tar-Regolament (KE) Nru 322/97;

(b) produzzjoni ta’ statistika tfisser kif definita fit-tieni inċiż ta’ l-Artikolu 2 tar-Regolament (KE) Nru 322/97;

(ċ) awtoritajiet nazzjonali tfisser kif definita fit-tielet inċiż ta’ l-Artikolu 2 tar-Regolament (KE) Nru 322/97;

(d) edukazzjoni tfisser komunikazzjoni organizzata u sostnuta mfassla għat-tagħlim;

(e) tagħlim tul il-ħajja tfisser kull attività tat-tagħlim li ssir tul il-ħajja, bl-għan li jittejbu l-konoxxenza, il-ħiliet u l-kompetenzi f’perspettiva personali, ċivika, soċjali u/jew marbuta mal-impjieġ;

(f) mikrodata tfisser rekords statistiċi individwali;

(g) data kunfidenzjali tfisser data li tippermetti biss l-identifikazzjoni indiretta ta’ l-unitajiet statistiċi konċernati, skond ir-Regolament (KE) Nru 322/97 u r-Regolament (Euratom, KEE) Nru 1588/90.

Artikolu 3 Setturi

Dan ir-Regolament għandu japplika għall-produzzjoni ta’ l-istatistika fi tliet Setturi: Il-produzzjoni ta’ statistika f’dawk is-Setturi għandha titwettaq skond l-Anness.

(a) is-Settur 1 għandu jkopri statistika dwar is-sistemi ta’ l-edukazzjoni u tat-taħriġ;

(b) is-Settur 2 għandu jkopri statistika dwar il-parteċipazzjoni ta’ l-adulti fit-tagħlim tul il-ħajja;

(ċ) is-Settur 3 għandu jkopri statistika oħra dwar l-edukazzjoni u t-tagħlim tul il-ħajja, bħal statistika dwar kapital uman u dwar il-benefiċċji soċjali u ekonomiċi, mhux koperta mis-Setturi 1 u 2.

Artikolu 4 Azzjonijiet statistiċi

1. Il-produzzjoni ta’ l-istatistika Komunitarja fil-qasam ta’ l-edukazzjoni u tagħlim tul il-ħajja għandhom jiġu implimentati b’azzjonijiet statistiċi individwali kif ġej: Il-kapaċitajiet disponibbli fl-Istati Membri għall-ġbir u l-proċessar ta’ data u l-iżvilupp tal-kunċetti u l-metodi għandhom jittieħdu in konsiderazzjoni mill-Kummissjoni. Fejn ikun xieraq, għandha tingħata attenzjoni u kunsiderazzjoni speċjali lid-dimensjoni reġjonali tad-data miġbura. Fejn ikun xieraq, id-data għandha tiġi analizzata sistematikament skond is-sessi.

1.

(a) il-konsenja regolari ta’ statistika dwar l-edukazzjoni u tagħlim tul il-ħajja mill-Istati Membri, fil-limiti ta’ skadenzi speċifiċi għas-Setturi 1 u 2;

(b) l-użu ta’ sistemi oħra ta’ tagħrif statistiku u stħarriġ, biex jiġu prrovduti varjabbli statistiċi addizzjonali u indikaturi dwar l-edukazzjoni u t-tagħlim tul il-ħajja, li jikkorrispondu għas-Settur 3;

(ċ) l-iżvilupp, titjib u aġġornament ta’ standards u manwali dwar oqfsa, kunċetti u metodi statistiċi;

(d) it-titjib tal-kwalità tad-data fil-kuntest tal-qafas ta’ kwalità, inklużi:

ir-relevanza,

l-eżattezza, l-komparabbiltà,

it-tempestività u l-puntwalità,

l-aċċessibbiltà u ċ-ċarezza,

il-komparabbiltà, u

il-koerenza.

2. Kull meta jkun possibbli, il-Kummissjoni (Eurostat) għandha tfittex kooperazzjoni ma’ l-UIS, ma’ l-OECD u ma’ organizzazzjoniiet internazzjonali oħra bil-ħsieb li tiġi żgurata l-komparabbiltà internazzjonali tad-data u li tiġi evitata d-duplikazzjoni ta’ l-isforzi, b’mod partikolari fir-rigward ta’ l-iżvilupp u t-titjib ta’ kunċetti u metodi statistiċi u l-konsenja ta’ l-istatistika mill-Istati Membri.

3. Kull meta jiġu identifikati rekwiżiti ġodda u sinifikanti ta’ data jew kwalità insuffiċjenti ta’ data u qabel kwalunkwe ġbir ta’ data, il-Kummissjoni (Eurostat) għandha tniedi studji esperimentali li għandhom jitwettqu fuq bażi volontarja mill-Istati Membri. L-istudji esperimentali bħal dawn għandhom jitwettqu sabiex tiġi evalwata l-vijabbiltà tal-ġbir tad-data rilevanti, b’kont meħud tal-benefiċċji tad-disponibbiltà tad-data meta mqabbla ma’ l-ispejjeż tal-ġbir u l-piż fuq min iwieġeb. L-istudji esperimentali m’għandhomx neċessarjament iwasslu għal miżuri korrispondenti ta’ implimentazzjoni.

Artikolu 5 Trażmissjoni ta’ mikrodata dwar individwi

Meta jkun meħtieġ għall-produzzjoni ta’ statistika Komunitarja, l-Istati Membri għandhom jittrażmettu mikrodata kunfidenzjali li tirriżulta minn stħarriġ kampjunistiku lill-Kummissjoni (Eurostat) skond id-dispożizzjonijiet dwar it-trażmissjoni tad-data b’mod suġġett għall-kunfidenzjalità stabbilita fir-Regolament (KE) Nru 322/97 u fir-Regolament (Euratom, KEE) Nru 1588/90. L-Istati Membri għandhom jiżguraw li d-data trażmessa ma tippermettix l-identifikazzjoni diretta ta’ l-unitajiet statistiċi (individwi).

Artikolu 6 Miżuri ta’ implimentazzjoni

1. Il-miżuri li ġejjin, imfassla biex jemendaw elementi mhux essenzjali ta’ dan ir-Regolament billi jissuplimentawh, inklużi miżuri biex jittieħdu in konsiderazzjoni l-iżviluppi ekonomiċi u tekniċi rigward il-ġbir, it-trażmissjoni u l-ipproċessar tad-data, għandhom jiġu adottati skond il-proċedura regolatorja bi skrutinju msemmija fl-Artikolu 7(3) bil-għan li tkun żgurata t-trażmissjoni ta’ data ta’ kwalità għolja: Jekk dawn il-miżuri jwasslu għall-ħtieġa ta’ tkabbir sinifikanti ta’ ġbir eżistenti ta’ data jew għall-ħtieġa ta’ ġbir ġdid ta’ data jew ta’ stħarriġ, id-deċiżjonijiet ta’ implimentazzjoni għandhom ikunu bbażati fuq analiżi tal-benefiċċji meta mqabbla ma’ l-ispejjeż bħala parti minn analiżi komprensiva ta’ l-effetti u l-implikazzjonijiet, b’kont meħud tal-benefiċċji tal-miżuri, l-ispejjeż għall-Istati Membri u l-piż fuq min iwieġeb.

1.

(a) l-għażla u l-ispeċifikazzjoni tas-suġġetti koperti mis-Setturi u l-karatteristiki tagħhom bħala risposta għal ħtiġijiet tekniċi jew ta’ politika;

(b) l-aniliżi dettaljata tal-karatteristiċi;

(ċ) il-perjodu ta’ osservazzjoni u l-iskadenzi għat-trażmissjoni tar-riżultati;

(d) ir-rekwiżiti ta’ kwalità, inkluża l-preċiżjoni meħtieġa;

(e) il-qafas ta’ rrappurtar ta’ kwalità.

2. Il-miżuri msemmija fil-paragrafu 1 għandhom jieħdu kont ta’ dawn li ġejjin:

2.

(a) għas-Setturi kollha, il-piż potenzjali fuq istituzzjonijiet edukattivi u fuq individwi;

(b) għas-Setturi kollha, ir-riżultati ta’ l-istudji esperimentali msemmija fl-Artikolu 4(3);

(ċ) għas-Settur 1, l-aħħar ftehim bejn il-UIS, l-OECD u l-Kummissjoni (Eurostat) dwar kunċetti, definizzjonijiet, formats ta’ ġbir ta’ data, proċessar ta’ data, perjodiċità u skadenzi għat-trażmissjoni tar-riżultati;

(d) għas-Settur 2, ir-riżultati mill-Istħarriġ Esperimentali dwar l-Edukazzjoni għall-Adulti li sar bejn l-2005 u l-2007 u ħtiġijiet oħra ta’ żvilupp;

(e) għas-Settur 3, id-disponibbiltà, il-konvenjenza u l-kuntest legali ta’ sorsi eżistenti tad-data Komunitarji wara evalwazzjoni eżawrjenti tas-sorsi eżistenti kollha tad-data.

3. Jekk ikun meħtieġ, għandhom jiġu adottati derogi limitati u perjodi ta’ tranżizzjoni, li jridu jkunu bbażati fuq raġunijiet oġġettivi, għal xi Stat Membru jew aktar, skond il-proċedura regolatorja msemmija fl-Artikolu 7(2).

Artikolu 7 Kumitat

1. Il-Kummissjoni għandha tiġi assistita mill-Kumitat għall-Programmi Statistiċi.

2. Fejn issir referenza għal dan il-paragrafu, għandhom japplikaw l-Artikoli 5 u 7 tad-Deċiżjoni 1999/468/KE, b’kont meħud tad-dispożizzjonijiet ta’ l-Artikolu 8 tagħha. Il-perjodu stipulat fl-Artikolu 5(6) tad-Deċiżjoni 1999/468/KE għandu jkun ta’ tliet xhur.

3. Meta ssir referenza għal dan il-paragrafu, għandhom japplikaw l-Artikolu 5a (1) sa (4) u l-Artikolu 7 tad-Deċiżjoni 1999/468/KE, b’kont meħud tad-dispożizzjonijiet ta’ l-Artikolu 8 tagħha.

Artikolu 8 Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Strasburgu, 23 ta’ April 2008. Għall-Parlament Ewropew Il-President H.-G. Pöttering Għall-Kunsill Il-President J. Lenarčič

ANNEX

ANNESS SETTURI

Settur 1 Sistemi ta’ edukazzjoni u taħriġ

1. Għan L-għan ta’ dan il-ġbir ta’ data hu li tiġi pprovduta data komparabbli dwar l-aspetti ewlenin tas-sistemi ta’ edukazzjoni u taħriġ, speċifikament dwar il-parteċipazzjoni u t-tlestija ta’ programmi edukattivi, kif ukoll dwar l-ispejjeż u t-tip ta’ riżorsi ddedikati għall-edukazzjoni u t-taħriġ.

2. Ambitu Il-ġbir ta’ data għandu jkopri l-attivitajiet edukattivi lokali indipendentement minn jekk ikunux ta’ l-istituzzjonijiet ikkonċernati jew sponsorjati minnhom (kemm jekk pubbliċi kif ukoll jekk privati, nazzjonali u barranin) u indipendentement mill-mekkaniżmu ta’ l-għoti ta’ l-edukazzjoni. Bl-istess mod, il-kopertura tal-ġbir ta’ data għandha testendi għat-tipi ta’ studenti u l-gruppi ta’ l-etajiet kollha.

3. Suġġetti koperti Għandha tinġabar data dwar: liema data tippermetti l-kalkolu ta’ indikaturi dwar l-inputs, il-proċeduri u r-riżultati tas-sistemi ta’ edukazzjoni u ta’ taħriġ. Għandu jiġi trażmess mill-Istati Membri tagħrif xieraq (metadata) li jiddeskrivi l-partikolaritajiet tas-sistemi nazzjonali ta’ l-edukazzjoni u t-taħriġ u l-korrispondenza tagħhom għal klassifikazzjonijiet internazzjonali kif ukoll kwalunkwe devjazzjonijiet mill-ispeċifikazzjonijiet tat-talba għad-data jew kwalunkwe tagħrif ieħor li jkun essenzjali għall-interpretazzjoni tad-data u l-kumpilazzjoni ta’ indikaturi komparabbli.

3.

(a) ir-reklutaġġ ta’ studenti inklużi l-karatteristiċi ta’ l-istudenti;

(b) dawk li jidħlu;

(ċ) il-gradwati u l-gradwazzjonijiet;

(d) in-nefqa għall-edukazzjoni;

(e) il-persunal edukattiv;

(f) il-lingwi barranin mgħallma;

(g) id-daqs tal-klassijiet

4. Perjodiċità Għandhom jiġu fornuti kull sena, jekk ma jiġix speċifikat xorta oħra, data u metadata, fil-limiti ta’ l-iskadenzi miftiehma bejn il-Kummissjoni (Eurostat) u l-awtoritajiet nazzjonali b’kont meħud ta’ l-aħħar ftehim bejn il-UIS, l-OECD u l-Kummissjoni (Eurostat).

Settur 2 Il-parteċipazzjoni ta’ l-adulti fit-tagħlim tul il-ħajja

1. Għan L-għan ta’ dan l-istħarriġ għandu jkun li tiġi pprovduta data komparabbli dwar il-parteċipazzjoni ta’ l-adulti u n-nuqqas ta’ din fit-tagħlim tul il-ħajja.

2. Ambitu L-unità statistika għandha tkun l-individwu, u tkopri għall-inqas il-firxa ta’ l-etajiet tal-popolazzjoni ta’ 25-64 sena. Fil-każ ta’ ġbir ta’ tagħrif permezz ta’ stħarriġ, it-tweġibiet f’isem ħaddieħor għandhom jiġu evitati, kemm jista’ jkun.

3. Suġġetti koperti Is-suġġetti koperti mill-istħarriġ għandhom ikunu: Id-data dwar il-parteċipazzjoni f’attivitajiet soċjali u kulturali għandha tinġabar ukoll fuq bażi volontarja bħala varjabbli ta’ spjegazzjoni utli għal iktar analiżi tal-profili tal-parteċipanti u non-parteċipanti.

3.

(a) il-parteċipazzjoni u n-nuqqas ta’ din f’attivitajiet ta’ tagħlim;

(b) il-karatteristiċi ta’ dawn l-attivitajiet;

(ċ) tagħrif dwar ħiliet awtorappurtati;

(d) tagħrif soċjo-demografiku.

4. Sorsi ta’ data u daqs tal-kampjun Is-sors ta’ data għandu jkun stħarriġ kampjunistiku. Jistgħu jintużaw sorsi ta’ data amministrattivi biex jitnaqqas il-piż fuq min iwieġeb. Id-daqs tal-kampjun għandu jkun stabbilit fuq il-bażi ta’ rekwiżiti ta’ preċiżjoni li m’għandhomx jiirikjedu li d-daqsijiet effettivi ta’ kampjun nazzjonali jkunu akbar minn 5000 individwu, kalkulati bis-suppożizzjoni ta’ kampjunament każwali sempliċi. F’dawn il-limiti, is-subpopolazzjonijiet speċifiċi għandhom jeħtieġu konsiderazzjonijiet partikolari ta’ kampjunament.

5. Perjodiċità Id-data għandha tinġabar kull ħames snin. L-ewwel sena ta’ implimentazzjoni m’għandhiex tkun qabel l-2010.

Settur 3 Statistika oħra dwar l-edukazzjoni u tagħlim tul il-ħajja

1. Għan L-għan ta’ dan il-ġbir ta’ data għandu jkun li jipprovdi data komparabbli oħra dwar l-edukazzjoni u t-tagħlim tul il-ħajja biex tiġi appoġġata politika speċifika fil-livell Komunitarju mhux inklużi fis-Setturi 1 u 2.

2. Ambitu Statistika oħra dwar l-edukazzjoni u t-tagħlim tul il-ħajja għandha tirriferi għall-aspetti li ġejjin: Għall-aspetti elenkati hawn fuq, id-data meħtieġa għandha tinkiseb minn sorsi statistiċi Komunitarji.

2.

(a) statistika dwar l-edukazzjoni u l-ekonomija, meħtieġa fil-livell Komunitarju għall-monitoraġġ tal-politika dwar l-edukazzjoni, ir-riċerka, il-kompetittività u t-tkabbir;

(b) statistika dwar l-edukazzjoni u s-suq tax-xogħol, meħtieġa fil-livell Komunitarju għall-monitoraġġ tal-politika ta’ l-impjiegi;

(ċ) statistika dwar l-edukazzjoni u l-inklużjoni soċjali, meħtieġa fil-livell Komunitarju għall-monitoraġġ tal-politika dwar il-faqar, l-inklużjoni soċjali u l-integrazzjoni tal-migranti.

Versions

1. 2008-04-23