Address https://gelex.eu/eli/EU/act/2008/661@2008-07-08/mt

Contents

1. Preamble
2. (23)
3. (104) Tabella 1
4. (105) Tabella 2
5. (108) Tabella 3
6. (114) Tabella 4
7. (115) Tabella 5
8. (116) Tabella 6
9. (117) Tabella 7
10. (119) Tabella 8
11. (120) Tabella 9
12. (122) Tabella 10
13. (123) Tabella 11
14. (124) Tabella 12
15. (125) Tabella 13
16. (126) Tabella 14
17. (127) Tabella 15
18. Artikolu 1
19. 2. (a)——————————————————————————
20. Artikolu 2
21. 2. (a)——————————————————————————
22. Artikolu 3
23. ANNEX

IL-KUNSILL TA’ L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea,

Wara li kkunsidra r-Regolament tal-Kunsill (KE) Nru 384/96 tat-22 ta’ Diċembru 1995 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Komunità Ewropea (ir-regolament bażiku), u b’mod partikolari l-Artikoli 11(2) u 11(3) tiegħu,

Wara li kkunsidra l-proposta mressqa mill-Kummissjoni wara konsultazzjoni mal-Kumitat Konsultattiv,

Billi: PROĊEDURA Miżuri fis-seħħ

(1) Permezz tar-Regolament (KE) Nru 2022/95, il-Kunsill impona dazju antidumping definittiv fuq importazzjonijiet ta’ nitrat ta’ l-ammonju li joriġinaw mir-Russja li jaqgħu taħt il-kodiċijiet NM 31023090 u 31024090. Wara investigazzjoni ulterjuri, li stabbilixxiet li d-dazju kien qiegħed jiġi assorbit, il-miżuri ġew emendati mir-Regolament (KE) Nru 663/98. Wara talba għal reviżjoni interim u ta’ skadenza skond l-Artikoli 11(2) u 11(3) tar-Regolament bażiku, il-Kunsill, bir-Regolament (KE) Nru 658/2002, impona dazju antidumping definittiv ta’ EUR 47,07 kull tunnellata fuq importazzjonijiet ta’ nitrat ta’ l-ammonju li jaqgħu taħt il-kodiċijiet NM 31023090 u 31024090 u li joriġinaw mir-Russja. Fl-aħħarnett, twettqet reviżjoni interim fl-ambitu tal-prodott u, bir-Regolament (KE) Nru 945/2005, ġie impost dazju antidumping definittiv li jvarja bejn EUR 41,42 kull tunnellata u EUR 47,07 kull tunnellata fuq importazzjoni ta’ fertilizzanti solidi li joriġinaw mir-Russja b’kontenut ta’ nitrat ta’ l-ammonju li jaqbeż it-80 % bil-piż (AN), li jaqgħu taħt il-kodiċijiet NM 31023090, 31024090, ex31022900, ex31026000, ex31029000, ex31051000, ex31052010, ex31055100, ex31055900 u ex31059091.

(2) Fid-19 ta’ April 2007, il-Kunsill impona, bir-Regolament (KE) Nru 442/2007 miżuri antidumping definittivi fuq importazzjonijiet ta’ l-AN li joriġinaw mill-Ukraina.

Talba għal reviżjonijiet Reviżjoni interim parzjali tal-miżuri antidumping fis-seħħ fuq importazzjonijiet ta’ l-AN li joriġinaw mir-Russja u prodotti mill-Open Joint Stock Company (OJSC) Mineral and Chemical Company Eurochem, membru tal-grupp ta’ kumpaniji Eurochem.

(3) Fit-30 ta’ Awwissu 2005, il-Kummissjoni rċeviet talba għal reviżjoni interim parzjali skond l-Artikolu 11(3) tar-Regolament baziku (ir-reviżjoni interim). It-talba, limitata fl-ambitu għad-dumping, kienet tressqet mill-Open Joint Stock Company (OJSC) Mineral and Chemical Company Eurochem, produttur esportatur ta’ l-AN fir-Russja.

(4) Il-Eurochem allegat u pprovdiet biżżejjed evidenza prima facie li ċ-ċirkostanzi kienu nbidlu, u, b’mod partikolari, li tqabbil ta’ valur normali bbażat fuq id-data tiegħu stess ma’ prezzijiet għall-esportazzjoni tal-prodott ikkonċernat meta mibjugħ għall-esportazzjoni lejn il-Komunità jwassal għal tnaqqis ta’ dumping taħt il-livell b’mod sinifikanti tal-miżuri preżenti. Għalhekk, l-impożizzjoni kontinwa ta’ miżuri fil-livell eżistenti, li kien ibbażat fuq il-marġni ta’ dannu stabbilit qabel, ma jkunx aktar meħtieġ biex jagħmel tajjeb għad-dumping.

(5) Wara li ddeterminat, b’konsultazzjoni mal-Kumitat Konsultattiv, li kienet teżisti evidenza biżżejjed biex jingħata bidu għar-reviżjoni interim, il-Kummissjoni tat bidu għal din ir-reviżjoni fit-30 ta’ Novembru 2005.

Reviżjoni ta’ skadenza tal-miżuri antidumping fis-seħħ fuq importazzjonijiet ta’ l-AN li joriġinaw mir-Russja.

(6) Wara l-pubblikazzjoni ta’ avviż ta’ skadenza imminenti, fis-17 ta’ Jannar 2007 il-Kummissjoni rċeviet talba għal reviżjoni ta’ skadenza.

(7) It-talba tressqet mill-Assoċjazzjoni Ewropea tal-Manifatturi ta’ Fertilizzanti (EFMA, l-applikant), f’isem il-produtturi li jirrappreżentaw proporzjon kbir, f’dan il-każ aktar minn 50 %, tal-produzzjoni totali ta’ l-AN fil-Komunità.

(8) It-talba għar-reviżjoni ta’ skadenza kienet ibbażata fuq ir-raġuni li l-iskadenza tal-miżuri tista’ tirriżulta f’kontinwazzjoni jew rikorrenza ta’ dumping u dannu għall-industrija Komunitarja. Parti waħda sostniet li l-Kummissjoni kellha tiftaħ ex officio reviżjoni interim parallela li tikkonċerna kemm id-dumping kif ukoll id-dannu bil-għan li tqis tibdiliet fiċ-ċirkostanzi kkawżati mit-tkabbir ta’ l-UE li seħħ fl-2004 u l-2007. Il-Kummissjoni, permezz ta’ bosta avviżi li kienu ppubblikati fil-Ġurnal Uffiċjali ta’ l-Unjoni Ewropea, stiednet lill-partijiet interessati biex jitolbu l-bidu ta’ reviżjonijiet interim jekk huma jissottomettu evidenza li l-miżuri kienu jkunu differenti b’mod sinifikanti li kieku kienu bbażati fuq tagħrif li jinkludi l-Istati Membri l-ġodda. Ebda talba u evidenza sostanzjata bħal din ma ġew sottomessi lill-Kummissjoni. F’dan ir-rigward, ta’ min jinnota li t-tkabbir fih innifsu, fin-nuqqas ta’ din l-evidenza, mhux bażi biżżejjed biex tingħata bidu għar-reviżjoni. Għalhekk, din il-klejm kellha tiġi miċħuda.

(9) Wara li ddeterminat, b’konsultazzjoni mal-Kumitat Konsultattiv, li kienet teżisti biżżejjed evidenza biex jingħata bidu għar-reviżjoni ta’ skadenza, il-Kummissjoni tat bidu għal din ir-reviżjoni fl-14 ta’ April 2007.

Il-partijiet ikkonċernati mill-investigazzjonijiet

(10) L-investigazzjoni tar-reviżjoni interim hija limitata fl-ambitu għall-eżami tad-dumping sa fejn għandha x’taqsam il-Eurochem. Il-Kummissjoni infurmat uffiċjalment lill-produttur esportatur, ir-rappreżentanti tal-pajjiż esportatur u l-produtturi Komunitarji bil-bidu tar-reviżjoni interim parzjali.

(11) Fir-rigward ta’ l-investigazzjoni tar-reviżjoni ta’ skadenza, il-Kummissjoni infurmat uffiċjalment lill-produtturi esportaturi, ir-rappreżentanti tal-pajjiż esportatur, l-importaturi, il-produtturi Komunitarji, l-utenti u l-applikant (EFMA) bil-bidu tar-reviżjoni ta’ skadenza.

It-teħid ta’ kampjuni ta’ produtturi Komunitarji

(12) Fid-dawl tan-numru kbir ta’ produtturi Komunitarji (23) u importaturi fil-Komunità, ġie kkunsidrat xieraq fir-reviżjoni ta’ skadenza, b’konformità ma’ l-Artikolu 17 tar-Regolament bażiku, li jitqies jekk għandux jintuża t-teħid ta’ kampjuni. Bil-għan li l-Kummissjoni tkun tista’ tiddeċiedi jekk fil-fatt it-teħid ta’ kampjuni hux meħtieġ u, jekk dan ikun il-każ, biex jintgħażel kampjun, il-produtturi u l-importaturi Komunitarji ntalbu, skond l-Artikolu 17(2) tar-Regolament bażiku jippreżentaw ruħhom fi żmien 15-il jum mill-bidu ta’ l-investigazzjoni u biex jgħaddu lill-Kummissjoni t-tagħrif mitlub fl-avviż tal-bidu.

(13) Wara eżami tat-tagħrif mgħoddi, u billi 14-il produttur Komunitarju indikaw ir-rieda tagħhom li jikkooperaw, ġie deċiż li t-teħid ta’ kampjuni fir-rigward tal-produtturi Komunitarji kien meħtieġ.

It-teħid ta’ kampjuni ta’ importaturi Komunitarji

(14) Importatur wieħed biss wieġeb għall-avviż ta’ bidu u fil-bidu wera r-rieda tiegħu li jikkoopera. Madankollu, dan l-importatur eventwalment ma għadda xejn mit-tagħrif mitlub billi waqaf jimporta n-nitrat ta’ l-ammonju mir-Russja fl-2005.

Kwestjonarji u verifika

(15) Għar-reviżjoni interim intbagħat kwestjonarju lill-Eurochem, li kkoopera billi wieġeb il-kwestjonarju.

(16) Għar-reviżjoni ta’ skadenza ntbagħtu kwestjonarji lill-produtturi esportaturi kollha magħrufa fil-pajjiżi kkonċernati, importaturi relatati, il-produtturi Komunitarji fil-kampjun, l-utenti u l-applikant.

(17) F’dik li hija r-reviżjoni ta’ skadenza waslu tweġibiet għall-kwestjonarju mingħand:

(18) Tliet produtturi esportaturi/distributuri Russi. Dawn il-kumpaniji kienu: Eurochem, Acron (Acron), u JSC Minudiobreniya (Minudiobreniya).

(19) Erba’ produtturi Komunitarji fil-kampjun:

Grande Paroisse Société Anonyme (Pariġi, Franza),

Terra Nitrogen Limited (Stockton-on-Tees, ir-Renju Unit),

Yara (Il-Belġju, il-Ġermanja, Franza, l-Italja, l-Olanda u r-Renju Unit),

Zaklady Azotowe Pulawy (il-Polonja).

(20) Mill-55 importatur potenzjali ta’ nitrat ta’ l-ammonju fil-Komunità li ġew indirizzati, 3 kumpaniji biss wieġbu u indikaw li ma kellhom l-ebda importazzjonijiet tal-prodott ikkonċernat matul il-perjodu kkunsidrat.

(21) Waslu kummenti bil-miktub mill-Kumitat ta’ l-Organizzazzjonijiet Professjonali ta’ l-Agrikoltura fl-UE (COPA)/il-Konfederazzjoni Ġenerali tal-Kooperattivi Agrikoli fl-UE (COGECA), mill-Unjoni Nazzjonali tal-Bdiewa fl-Ingilterra u Wales u mill-Federazzjoni tal-Bdiewa Żvediżi.

(22) Fiż-żewġ investigazzjonijiet il-partijiet interessati ngħataw l-opportunità biex jesprimu l-opinjonijiet tagħhom bil-miktub u jitolbu għal seduta fiż-żmien stipulat fl-avviżi rispettivi tal-bidu. Ingħataw seduta dawk il-partijiet interessati kollha li għamlu din it-talba u wrew li kien hemm raġunijiet partikolari li għalihom għandhom jinstemgħu.

(23) Il-Kummissjoni fittxet u vverifikat it-tagħrif kollu li qieset meħtieġ għall-analiżi tagħha u wettqet żjarat ta’ verifika fil-bini tal-kumpaniji li ġejjin: Ma saret ebda żjara ta’ verifika, għaliex l-ebda importatur ta’ l-AN mill-pajjiż ikkonċernat ma wieġeb il-kwestjonarju.

(23)

(a) Produtturi esportaturi fir-Russja

Eurochem u ż-żewġ kumpaniji relatati tiegħu:

OJSC Azot (NAK Azot), Novomoskovsk, ir-Russja, u

OJSC Nevinnomyssky Azot (Nevinka Azot), Nevinnomyssk, ir-Russja;

Acron u t-tliet kumpaniji relatati tiegħu

Open Joint Stock Company (OJSC) Dorogobuzh

JSC Kubanagranova

ZAO Rostagranova

Minudiobreniya

(b) Produtturi Komunitarji fil-kampjun

Grande Paroisse Société Anonyme (Pariġi, Franza),

Terra Nitrogen Limited (Stockton-on-Tees, ir-Renju Unit),

Yara Société Anonyme (żjarat fl-uffiċċji ta’ Brussell, il-Belġju; Pariġi, Franza u Sluiskil, l-Olanda),

Zaklady Azotowe Pulawy (il-Polonja).

(ċ) Importatur relatat Eurochem GmbH – Zug (Żvizzera)

(d) Importaturi mhux relatati fil-Komunità

Perjodi rilevanti koperti mill-investigazzjonijiet ta’ verifika

(24) Il-perjodu ta’ investigazzjoni għar-reviżjoni interim parzjali skond l-Artikolu 11(3) tar-Regolament bażiku dwar l-importazzjonijiet mill-Eurochem kopra l-perjodu mill-1 ta’ Lulju 2004 sat-30 ta’ Ġunju 2005 (il-perjodu ta’ investigazzjoni għar-reviżjoni interimPIRI).

(25) Il-perjodu ta’ investigazzjoni għar-reviżjoni ta’ skadenza kopra l-perjodu mill-1 ta’ April 2006 sal-31 ta’ Marzu 2007 (il-perjodu ta’ investigazzjoni għall-verifika ta’ skadenza jew PIVS). L-eżami ta’ xejriet rilevanti għall-evalwazzjoni tal-probabbiltà ta’ kontinwazzjoni jew rikorrenza ta’ dannu kopra l-perjodu mill-1 ta’ Jannar 2003 sat-tmien ta’ l-PIVS (il-perjodu kkunsidrat).

Kxif u opportunità biex isiru l-kummenti

(26) Il-partijiet kollha interessati kienu mgħarrfa bil-fatti u l-kunsiderazzjonijiet essenzjali li fuq il-bażi tagħhom kien hemm il-ħsieb li tkun irrakkomandata l-emenda tal-miżuri antidumping imposti fuq il-kumpanija Eurochem u li jinżamm dazju antidumping definittiv fuq l-AN li joriġina mir-Russja. Ingħataw ukoll perjodu li matulu setgħu jagħmlu rappreżentazzjonijiet wara l-kxif. Il-kummenti tagħhom kienu kkunsidrati u fejn xieraq tqiesu.

IL-PRODOTT IKKONĊERNAT U L-PRODOTT SIMILI Il-prodott ikkonċernat

(27) Il-prodott ikkonċernat minn dawn ir-reviżjonijiet huwa l-istess bħall-prodott definit fir-Regolament tal-Kunsill (KE) Nru 945/2005, jiġifieri fertilizzanti solidi b’kontenut ta’ nitrat ta’ l-ammonju li jaqbeż it-80 % fil-piż, li jaqa’ taħt il-kodiċijiet NM 31023090, 31024090, ex31022900, ex31026000, ex31029000, ex31051000, ex31052010, ex31055100, ex31055900 u ex31059091 u li joriġinaw mir-Russja.

Il-prodott simili

(28) Bħal f’investigazzjonijiet preċedenti, instab li l-AN prodott u mibjugħ fis-suq intern fir-Russja u l-AN esportat lejn il-Komunità mir-Russja għandhom l-istess karatteristiċi u użijiet bażiċi fiżiċi u tekniċi. Għalhekk, huma prodotti simili għall-għanijiet ta’ l-investigazzjoni attwali fit-tifsira ta’ l-Artikolu 1(4) tar-Regolament bażiku.

(29) In-nitrat ta’ l-ammonju prodott mill-industrija Komunitarja fejn jidħlu l-karatteristiċi fiżiċi u tekniċi huwa prodott simili għan-nitrat ta’ l-ammonju esportat lejn il-Komunità mir-Russja.

IR-REVIŻJONI INTERIM PARZJALI: DUMPING Ġenerali

(30) Billi l-prodotti kollha mibjugħa mill-Eurochem lill-Komunità matul il-PIRI kienu esklussivament prodotti minn produttur relatat wieħed, NAK Azot, fir-rigward tal-valur normali u l-prezz ta’ l-esportazzjoni, saret l-analiżi b’rabta ma’ dan il-produttur biss. Il-marġni tad-dumping u dazju li jirriżulta, jekk hemm, li għandhom jiġu applikati għall-importazzjonijiet immanifatturi min-NAK Azot għandhom ikunu applikati wkoll għall-kumpanija relatata, Nevinka Azot.

Il-valur normali

(31) Tip ta’ prodott wieħed biss kien esportat lejn il-Komunità, għalhekk il-valur normali ġie stabbilit fir-rigward ta’ dan it-tip ta’ prodott. Ġie eżaminat jekk kienx sar biżżejjed bejgħ fl-andament normali tal-kummerċ skond l-Artikolu 2(4) tar-Regolament bażiku. Il-prezzijiet tal-bejgħ domestiku ta’ kull tranżazzjoni tqabblu ma’ l-ispiża totali tal-produzzjoni.

(32) F’dan ir-rigward, ta’ min jinnota li l-ispejjeż għall-enerġija, bħall-elettriku u l-gass, jirrappreżentaw parti kbira ta’ l-ispejjeż tal-manifattura u parti sostanzjali ta’ l-ispejjeż totali tal-produzzjoni. Bil-għan li jsir it-test ta’ l-andament ordinarju tal-kummerċ, kien sar eżami wkoll dwar jekk l-ispejjeż assoċjati mal-produzzjoni u l-bejgħ tal-prodott ikkunsidrat kinux raġonevolment riflessi fir-reġistri tal-partijiet ikkonċernati.

(33) L-investigazzjoni ma wriet ebda indikazzjoni li l-elettriku mhux se jkun raġonevolment rifless fir-reġistri. F’dan il-kuntest, huwa nnutat fost oħrajn li l-prezzijiet ta’ l-elettriku mħallsa mill-Eurochem matul il-PIRI kienu konformi mal-prezzijiet tas-suq internazzjonali, meta mqabbla ma’ pajjiżi oħra, bħall-Kanada u n-Norveġja. Madankollu, ma setax jingħad l-istess rigward il-prezzijiet tal-gass.

(34) Fejn għandha x’taqsam il-provvista tal-gass, fil-fatt, ġie stabbilit fuq il-bażi ta’ data ppubblikata minn għejun rikonoxxuti internazzjonalment speċjalizzati fis-swieq ta’ l-enerġija, li l-prezz imħallas mill-Eurochem kien madwar wieħed minn kull ħamsa tal-prezz għall-esportazzjoni ta’ gass naturali mir-Russja. Barra minn hekk, id-data kollha disponibbli tindika li l-prezzijiet domestiċi tal-gass fir-Russja kienu prezzijiet regolati, li huma ferm inqas mill-prezzijiet tas-suq imħallsa għall-gass naturali, pereżempju fl-Istati Uniti ta’ l-Amerika, il-Kanada, il-Ġappun u l-UE. Dawn l-erbat iswieq jammontaw għal total ta’ 46 % tal-konsum tal-gass dinji, u l-livelli prevalenti tal-prezzijiet domestiċi f’dawn l-erbat iswieq jidhru li raġonevolment jirriflettu l-ispejjeż. Dawn is-swieq tal-gass għalhekk jistgħu jkunu kkunsidrati bħala rappreżentattivi skond it-tifsira ta’ l-Artikolu 2(5) tar-Regolament bażiku. Tagħrif disponibbli jissuġġerixxi wkoll li l-prezzijiet domestiċi ta’ bejgħ tal-gass Russu lanqas biss ikopru l-ispejjeż tal-fornitur tal-gass, Gazprom.

(35) Fid-dawl ta’ dan t’hawn fuq, kien ikkunsidrat li l-prezzijiet tal-gass imħallsa min-NAK Azot matul il-perjodu ta’ investigazzjoni ma setgħux jintużaw għall-iskopijiet biex tkun determinata l-ispiża tal-produzzjoni tal-prodott ikkonċernat skond l-ewwel sentenza ta’ l-Artikolu 2(5) tar-Regolament bażiku. Għalhekk, kif stipulat fl-Artikolu 2(5) tar-Regolament bażiku, l-ispejjeż, jiġifieri f’dan il-każ, għall-provvisti tal-gass, tan-NAK Azot kellhom ikunu aġġustati biex jirriflettu l-ispejjeż assoċjati mal-produzzjoni u l-bejgħ tal-prodott simili, matul il-PIRI. Billi r-reviżjoni attwali kienet limitata għal eżami tal-livell ta’ dumping mill-Eurochem, ma setax isir aġġustament fuq il-bażi ta’ prezzijiet mhux mgħawġa mħallsa minn produtturi jew esportaturi oħra fir-Russja billi din id-data ma kinitx disponibbli. F’dawn iċ-ċirkostanzi, tqies xieraq li l-aġġustament ikun ibbażat, skond l-Artikolu 2(5) tar-Regolament bażiku, fuq tagħrif minn swieq rappreżentattivi oħra. F’dan il-każ, il-prezz aġġustat kien ibbażat fuq il-prezz medju tal-gass Russu meta mibjugħ għall-esportazzjoni fuq il-fruntiera Ġermaniża/Ċeka, nett mill-ispejjeż tat-trasport (il-prezz Waidhaus aġġustat).

(36) L-ispiża tal-produzzjoni mogħtija min-NAK Azot kienet għalhekk ikkalkulata mill-ġdid sabiex ikunu kkunsidrati l-prezzijiet aġġustati tal-gass. Fuq il-bażi ta’ dan il-kalkolu ġdid ta’ l-ispiża tal-produzzjoni, il-bejgħ kollu tal-prodott domestiku li kien jitqabbel direttament mat-tip ta’ prodott uniku esportat mill-kumpanija nstab li ma kienx jagħmel qligħ, jiġifieri mhux magħmul tul l-andament ordinarju tal-kummerċ. Għalhekk, il-valur normali kellu jinbena. Dan sar fuq il-bażi ta’ l-ispejjeż tal-manifattura tat-tip ta’ prodott esportat lejn il-Komunità, wara l-aġġustament għall-ispiża tal-gass imsemmija hawn fuq, b’żieda ta’ ammont raġonevoli għall-bejgħ, spejjeż ġenerali u amministrattivi (spejjeż SG&A) u għall-qligħ, skond l-Artikolu 2(3) u l-Artikolu 2(6) tar-Regolament bażiku.

(37) L-ispejjeż SG&A u l-qligħ ma setgħux jiġu kkalkulati fuq il-bażi ta’ l-ewwel sentenza ta’ l-Artikolu 2(6) tar-Regolament bażiku għaliex in-NAK Azot ma kellux bejgħ domestiku rappreżentattiv tal-prodott ikkonċernat fl-andament ordinarju tal-kummerċ. L-Artikolu 2(6)(a) tar-Regolament bażiku ma setax jiġi applikat, billi hemm prodott wieħed ieħor biss soġġett għall-investigazzjoni (Nevinka Azot). L-Artikolu 2(6)(b) ukoll ma kienx applikabbli, billi l-ispiża tal-manifattura tan-NAK Azot għal prodotti li jaqgħu taħt l-istess kategorija ġenerali tal-prodotti wkoll teħtieġ li tkun aġġustata fir-rigward ta’ l-ispejjeż tal-gass, għar-raġunijiet indikati hawn fuq. Għalhekk, l-ispejjeż SG&A u l-qligħ kienu stabbiliti skond l-Artikolu 2(6)(c) tar-Regolament bażiku.

(38) Skond l-Artikolu 2(6)(c) tar-Regolament bażiku, l-ispejjeż SG&A kienu bbażati fuq metodu raġonevoli. Is-suq ta’ l-Amerika ta’ Fuq wera volum sinifikanti ta’ bejgħ domestiku u livell konsiderevoli ta’ kompetizzjoni kemm minn kumpaniji nazzjonali kif ukoll barranin. F’dan ir-rigward, tqies it-tagħrif disponibbli pubblikament rigward kumpaniji kbar li joperaw fis-settur tal-kummerċ tal-fertilizzanti. Instab li d-data korrispondenti tal-produtturi mill-Amerika ta’ Fuq (Amerikani u Kanadiżi) tkun l-aktar xierqa għall-fini ta’ l-investigazzjoni, minħabba d-disponibbiltà kbira ta’ tagħrif finanzjarju pubbliku affidabbli u sħiħ minn kumpaniji rreġistrati f’dan ir-reġjun tad-dinja. Għalhekk, l-ispejjeż SG&A u l-qligħ ġew stabbiliti fuq il-bażi tal-medja mwieżna ta’ l-ispejjeż SG&A u l-qligħ minn tliet produtturi mill-Amerika ta’ Fuq, li nstabu li kienu fost l-akbar kumpaniji fis-settur tal-fertilizzanti tan-nitroġenu, fir-rigward tal-bejgħ domestiku tagħhom ta’ l-istess kategorija ġenerali ta’ prodotti (fertilizzanti tan-nitroġenu). Dawn it-tliet produtturi tqiesu li kienu rappreżentattivi tal-kummerċ tal-fertilizzanti tan-nitroġenu (b’medja ta’ aktar minn 80 % tad-dħul tat-taqsima tal-kumpanija/kummerċ) u għalhekk l-ispejjeż SG&A u l-qligħ tagħhom kienu rappreżentattivi ta’ dawk li normalment ikollhom il-kumpaniji li joperaw b’suċċess f’dik it-taqsima tal-kummerċ.

(39) Il-perċentwali ta’ l-ispejjeż SG&A kien ta’ 6,9 %. Il-medja tal-marġni ta’ qligħ ikkalkulata kienet ta’ 9,1 %. Ta’ min jinnota li l-ammont għall-qligħ hekk stabbilit ma qabiżx il-qligħ magħmul mill-produtturi Russi fuq il-bejgħ ta’ prodotti ta’ l-istess kategorija ġenerali fis-suq domestiku tagħhom.

Il-prezz għall-esportazzjoni

(40) Instab li l-bejgħ ta’ l-Eurochem tal-prodott ikkonċernat lill-Komunità matul il-PIRI sar fuq il-bażi ta’ ftehim ta’ aġent permezz ta’ żewġ negozjanti relatati, wieħed fl-Iżvizzera, Eurochem Trading, u l-ieħor fil-Gżejjer Verġni Britanniċi, Cumberland. Dan ta’ l-aħħar waqaf jopera fil-bidu ta’ l-2005.

(41) Il-prezz għall-esportazzjoni kien stabbilit skond l-Artikolu 2(8) tar-Regolament bażiku, fuq il-bażi ta’ prezzijiet għall-esportazzjoni effettivament imħallsa jew li kellhom jitħallsu għall-prodott meta mibjugħ għall-esportazzjoni mill-pajjiż esportatur lill-Komunità.

Tqabbil

(42) Il-valur normali u l-prezz għall-esportazzjoni tqabblu fuq bażi tal-prezz tal-fabbrika, fil-livell tan-NAK Azot. Ingħatat allokazzjoni xierqa fil-forma ta’ aġġustamenti għal differenzi li affettwaw il-prezz u t-tqabbil tal-prezz skond l-Artikolu 2(10) tar-Regolament bażiku. Għalhekk, saru aġġustamenti għal differenzi fit-trasport, l-immaniġġjar, it-tagħbija u l-ispejjeż anċillari, kreditu u kummissjonijiet, fejn applikabbli u sostnuti b’evidenza vverifikata. F’dan ir-rigward, billi l-bejgħ għall-esportazzjoni jsir permezz tan-negozjanti relatati msemmija hawn fuq, u billi dawn in-negozjanti relatati nstab li kellhom funzjonijiet simili għal dawk ta’ aġent li qiegħed jaħdem fuq bażi ta’ kummissjoni, sar aġġustament għal kull wieħed minn dawn in-negozjanti fil-prezz għall-esportazzjoni, skond l-Artikolu 2(10)(i) tar-Regolament bażiku. Fin-nuqqas ta’ kooperazzjoni minn importaturi Komunitarji, dan l-aġġustament sar fil-livell ta’ 1,5 % billi dan il-livell kien jirrifletti l-kummissjonijiet imħallsa lil aġenti indipendenti involuti fil-kummerċ tal-prodott ikkonċernat fl-investigazzjoni oriġinali.

Il-marġni tad-dumping

(43) Il-marġni tad-dumping ġie stabbilit fuq il-bażi ta’ tqabbil ta’ valur normali medju mwieżen ma’ prezz medju mwieżen għall-esportazzjoni, skond l-Artikolu 2(11) tar-Regolament bażiku.

(44) Il-marġni tad-dumping, imfisser bħala perċentwali tal-prezz CIF fuq il-fruntiera tal-Komunità, bid-dazju mhux imħallas, huwa ta’ 28,3 %.

In-natura dejjiema taċ-ċirkostanzi mibdula

(45) Skond l-Artikolu 11(3) tar-Regolament bażiku, saret analiżi dwar jekk it-tibdil fiċ-ċirkostanzi fir-rigward tad-dumping setax raġonevolment jingħad li huwa ta’ natura dejjiema.

(46) F’dan ir-rigward, ta’ min jinnota li l-valur normali fl-investigazzjoni oriġinali kien stabbilit fuq il-bażi ta’ prezzijiet għall-bejgħ bi qligħ fis-suq domestiku fl-Istati Uniti ta’ l-Amerika, billi r-Russja dak iż-żmien ma kinitx pajjiż b’ekonomija tas-suq. Fil-kuntest ta’ l-investigazzjoni tar-reviżjoni attwali, ir-Russja titqies pajjiż b’ekonomija tas-suq, u l-valur normali kien għalhekk stabbilit fuq il-bażi ta’ l-ispiża tal-produzzjoni ta’ l-Eurochem, aġġustata fejn meħtieġ. Ma setgħet tinstab ebda indikazzjoni li l-valur normali stabbilit matul ir-reviżjoni attwali ma setax ikun ikkunsidrat li huwa ta’ natura dejjiema.

(47) Bit-tqabbil tal-valuri normali u l-prezzijiet għall-esportazzjoni ta’ l-investigazzjonijiet preċedenti u dawk attwali, kien stabbilit li, filwaqt li jitqiesu tipi ta’ prodotti komparabbli, il-valur normali żdied konsiderevolment, iżda l-prezz medju għall-esportazzjoni żdied ħafna aktar, biex wassal għal livell inqas ta’ dumping. F’dawk li huma prezzijiet għall-esportazzjoni lejn swieq oħra, instab li huma ġeneralment konformi mal-prezzijiet għall-esportazzjoni lejn il-Komunità. Ma nstabet l-ebda evidenza li l-bejgħ għall-esportazzjoni ma kienx ser ikompli jsir bi prezzijiet iddampjati, għalkemm f’livell inqas milli kien fl-investigazzjoni oriġinali.

(48) Fuq din il-bażi, ġie konkluż li ċ-ċirkostanzi mibdula fir-rigward ta’ l-investigazzjoni oriġinali rigward id-dumping (issa bbażat fuq it-tqabbil bejn il-valur normali tiegħu u l-prezzijiet għall-esportazzjoni ta’ l-Eurochem) jistgħu raġonevolment ikunu kkunsidrati li huma ta’ natura dejjiema.

(49) Skond l-Artikolu 9(4) tar-Regolament bażiku, l-ammont ta’ dazju antidumping ma għandux jaqbeż il-marġni tad-dumping stabbilit, iżda għandu jkun inqas minn dak il-marġni kemm-il darba dan id-dazju inqas ikun adegwat biex jitneħħa d-dannu għall-industrija Komunitarja. Billi d-dazji eżistenti għar-Russja kienu kkalkulati fuq il-bażi tal-marġni ta’ dannu, u billi l-marġni l-ġdid ta’ dumping stabbilit matul din l-investigazzjoni huwa iktar baxx mill-marġni ta’ dannu kkalkulat preċedentement, id-dazju għandu jkun aġġustat għall-marġni ta’ dazju misjub f’din l-investigazzjoni, jiġifieri 28,3 %.

Konklużjoni

(50) Fid-dawl tal-konklużjonijiet milħuqa fir-rigward tad-dumping u n-natura dejjiema taċ-ċirkostanzi mibdula, id-dazju individwali antidumping fuq l-importazzjonijiet tal-prodott ikkonċernat fir-rigward ta’ l-Eurochem għandu jkun emendat bil-għan li jirrifletti l-marġni l-ġdid ta’ dumping li nstab.

(51) Billi l-livell tad-dumping li nstab huwa iktar baxx mill-marġni ta’ dannu stabbilit fl-investigazzjoni preċedenti, ir-rata tad-dazju għandha tkun stabbilita fuq il-livell tad-dumping misjub.

(52) Billi fl-investigazzjoni oriġinali d-dazju kien impost f’forma ta’ ammont speċifiku kull tunnellata, f’din l-investigazzjoni għandu jkollu l-istess forma. Għalhekk, id-dazju huwa ta’ EUR 32,82/tunnellata. Id-dazju għandu jkun applikat, skond ir-Regolament tal-Kunsill (KE) Nru 945/2005, fi proporzjon tal-kontenut ta’ AN u ta’ sustanzi u nutrijenti marġinali oħra, fil-każ ta’ komposti ta’ fertilizzanti ta’ l-AN b’kontenut ta’ nitroġenu li jaqbeż it-28 % fil-piż.

(53) Għalkemm dan id-dazju kien ibbażat fuq data min-NAK Azot, kif iddikjarat hawn fuq, huwa se japplika għall-bejgħ kollu magħmul mill-Eurochem, indipendentement minn liema fabbrika relatata immanifatturat il-prodott.

IR-REVIŻJONI TA’ SKADENZA IL-PROBABBILTÀ TA’ KONTINWAZZJONI JEW RIKORRENZA TA’ DUMPING

(54) Għal raġunijiet ta’ konsistenza, bħala l-ewwel pass, ġie eżaminat jekk fil-preżent kienx qiegħed isir dumping u jekk l-iskadenza tal-miżuri kinitx jew le se twassal għal kontinwazzjoni ta’ dumping.

Id-dumping ta’ importazzjonijiet matul il-PIVS Rimarka preliminari

(55) Kif ingħad hawn fuq, tliet produtturi esportaturi (Eurochem, Acron u Minudiobreniya) ikkooperaw fl-investigazzjoni.

Il-valur normali

(56) Il-Kummissjoni eżaminat jekk il-bejgħ domestiku setax ikun ikkunsidrat li qiegħed isir fl-andament ordinarju tal-kummerċ skond l-Artikolu 2(4) tar-Regolament bażiku. Għal dan il-għan, ġiet eżaminata l-ispiża tal-produzzjoni tal-prodott maħdum u mibjugħ mill-produtturi esportaturi fis-suq domestiku li kkooperaw.

(57) Il-gass huwa komponent ta’ materja prima ewlenija fil-proċess ta’ manifattura tal-prodott ikkonċernat u jirrappreżenta proporzjon sinifikanti ta’ l-ispiża tal-produzzjoni. Skond l-Artikolu 2(5) tar-Regolament bażiku, ġie eżaminat jekk l-ispejjeż assoċjati mal-produzzjoni u l-bejgħ tal-prodott ikkunsidrat kinux raġonevolment riflessi fir-reġistri tal-partijiet ikkonċernati.

(58) Kien stabbilit, fuq il-bazi ta’ data ppubblikata minn għejun speċjalizzati fis-swieq ta’ l-enerġija rikonoxxuti internazzjonalment, li l-prezzijiet imħallsa mill-produtturi Russi, ibbażati fuq regolament governattiv, kienu baxxi b’mod mhux normali. Biex tingħata idea, huma kienu jammontaw għal madwar wieħed minn kull erbgħa tal-prezz għall-esportazzjoni tal-gass naturali mir-Russja u kienu bil-bosta iktar baxxi mill-prezz tal-gass imħallas mill-produtturi Komunitarji.

(59) Billi l-ispejjeż tal-gass ma kinux raġonevolment riflessi fir-reġistri tal-produtturi li kkooperaw, kellhom ikunu aġġustati. Fin-nuqqas ta’ prezzijiet mhux mgħawġa tal-gass biżżejjed rappreżentattivi relatati mas-suq domestiku Russu, kien ikkunsidrat xieraq li l-aġġustament ikun ibbażat, skond l-Artikolu 2(5) tar-Regolament bażiku, fuq tagħrif minn swieq rappreżentattivi oħra. F’dan il-każ, il-prezz aġġustat kien ibbażat fuq il-prezz medju tal-gass Russu meta mibjugħ għall-esportazzjoni fuq il-fruntiera Ġermaniża/Ċeka, nett mill-ispejjeż tat-trasport u aġġustat biex jirrifletti l-ispejjeż ta’ distribuzzjoni lokali (il-prezz Waidhaus aġġustat). Waidhaus huwa ċ-ċentru ewlieni għall-bejgħ ta’ gass Russu lill-UE u huwa l-ikbar suq għall-gass Russu. Għalhekk, jista’ jitqies bħala suq rappreżentattiv.

(60) Fir-rigward tal-prezz Waidhaus aġġustat, tressqu għadd ta’ argumenti mill-esportaturi Russi.

(61) L-ewwelnett, intqal li kull aġġustament tal-prezz tal-gass tagħhom imħallas fis-suq domestiku ma jkunx iġġustifikat u allegaw li r-reġistri ta’ kontabbiltà tagħhom jirriflettu bis-sħiħ l-ispejjeż assoċjati ma’ l-attività ta’ produzzjoni u bejgħ tal-prodott simili fil-pajjiż ta’ l-oriġini. Bil-għan li tkun issostanzjata din id-dikjarazzjoni, ġie ppreżentat rapport minn ditta ta’ konsulenti indipendenti li jgħid li l-prezz tal-gass imħallas mill-esportaturi Russi jirrifletti l-ispiża sħiħa tal-produzzjoni u l-bejgħ tal-gass, li jagħmel il-fornitur tal-gass. Ta’ min jinnota li, kif jistabbilixxi l-istess studju, l-ispejjeż tal-gass kif ukoll l-ispejjeż għall-kunsinna tal-gass lill-produtturi Russi ta’ l-AN użat għaltqabbil kienu stimi ta’ spejjeż u għalhekk mhux spejjeż reali magħmulin matul il-PIVS. Mhux ċar ukoll jekk l-ispejjeż hekk stabbiliti kinux spejjeż totali kif stabbiliti skond ir-Regolament bażiku, jiġifieri li jinkludu l-ispejjeż kollha tal-manifattura u l-ispejjeż SG&A kollha marbutin mal-produzzjoni u l-bejgħ tal-gass. Fl-aħħarnett, ta’ min jinnota wkoll li t-tagħrif disponibbli dwar l-ispejjeż tal-fornitur tal-gass ma setax jiġi vverifikat fi ħdan il-qafas ta’ dan il-proċediment u t-tagħrif disponibbli ma jindikax li l-prezzijiet għall-bejgħ domestiku ta’ gass Russu jkopru l-ispejjeż tal-fornitur tal-gass, Gazprom, matul il-PIVS kollu.

(62) F’kull każ, huwa kkunsidrat li taħt l-Artikolu 2(5) tar-Regolament bażiku, il-fatt biss li l-prezz tal-gass mitlub mill-fornitur lill-klijenti tiegħu jkopri l-ispejjeż b’daqshekk mhux kriterju biex ikun stabbilit jekk l-ispejjeż ta’ produzzjoni tal-prodott simili kif irreġistat fil-kontabbiltà tal-kumpanija raġonevolment jirriflettu l-ispejjeż assoċjati mal-produzzjoni u l-bejgħ tal-prodott li qiegħed ikun investigat. Għar-raġunijiet stabbiliti hawn fuq (pubblikazzjonijiet ta’ għejun speċjalizzati fis-swieq ta’ l-enerġija rikonuxxuti internazzjonalment u tqabbil ta’ prezzijiet tal-gass fir-Russja ma’ prezzijiet ta’ gass Russu esportat) dan instab li ma kienx il-każ. It-tieni, il-produtturi Russi ta’ l-AN ma indirizzawx id-differenza sinifikanti apparenti bejn il-prezz għall-gass imħallas fis-suq domestiku Russu u l-prezz għall-esportazzjoni tal-gass naturali mir-Russja minn naħa u dak imħallas mill-produtturi Komunitarji min-naħa l-oħra. Lanqas ma indirizza l-fatt li l-prezzijiet domestiċi għall-gass naturali kienu regolati fir-Russja u ma setgħux ikunu kkunsidrati li jirriflettu raġonevolment prezz li normalment jitħallas fi swieq mhux mgħawġa. Għalhekk, anki jekk il-prezz tal-gass imħallas mill-produttur ta’ l-AN kien ikopri l-ispiża ta’ kull unità tal-produzzjoni u l-bejgħ tal-gass magħmul mill-fornitur tiegħu, dawn l-argumenti huma irrilevanti billi l-prezz fis-suq tal-gass mhux neċessarjament direttament marbut ma’ l-ispejjeż tad-dħul u l-bejgħ tiegħu u l-prezz li bih il-kumpaniji Russi kienu qegħdin jixtru l-gass matul il-PIVS għadu regolat mill-Istat u ferm taħt il-livell tal-prezz fi swieq mhux regolati kif spjegat hawn fuq (il-prezz tal-gass fir-Russja matul il-PIVS kien ta’ madwar wieħed minn kull erbgħa tal-prezz għall-esportazzjoni). Din it-talba għalhekk kellha tiġi miċħuda.

(63) Intqal ukoll li jekk isir aġġustament tal-gass, de facto biex ikun determinat il-valur normali kienet intużat metodoloġija li ma kinitx stipulata mir-Regolament bażiku. Għalhekk, bis-sostituzzjoni ta’ l-ispejjeż tal-gass domestiku bi spejjeż ibbażati fuq il-prezz Waidhaus aġġustat, u minħabba l-fatt li dawn l-ispejjeż jikkostitwixxu parti ewlenija ta’ l-ispejjeż totali tal-prodott simili u għalhekk anke tal-valur normali mibni, il-valur normali jkun de facto determinat minn data mingħand suq rappreżentattiv terz. F’dan ir-rigward, tressaq l-argument li għal pajjiżi b’ekonomija tas-suq, ir-Regolament bażiku jipprevedi biss il-metodoloġiji li ġejjin biex ikun determinat il-valur normali: (i) fuq il-bażi tal-prezz domestiku tal-prodott simili fl-andament ordinarju tal-kummerċ, jew alternattivament, fil-każ ta’ bejgħ mhux magħmul fl-andament normali tal-kummerċ, (ii) fuq il-bażi ta’ l-ispiża tal-produzzjoni fil-pajjiż ta’ l-oriġini (b’żieda ta’ ammont raġonevoli għall-ispejjeż SG&A u l-qligħ) jew (iii) prezzijiet rappreżentattivi għall-esportazzjoni tal-prodott simili lejn pajjż terz xieraq. L-esportaturi Russi kkonkludew li fuq din il-bażi, il-valur normali ma għandux ikun ibbażat fuq data minn suq rappreżentattiv terz.

(64) F’dan ir-rigward, ta’ min jinnota l-ewwelnett li l-valur normali kien stabbilit skond il-metodoloġiji elenkati fl-Artikolu 2(1) sa (6) tar-Regolament bażiku. Madankollu, sabiex jiġi stabbilit jekk il-bejgħ domestiku sarx fl-andament ordinarju tal-kummerċ skond il-prezz, jiġifieri jekk kienx bi qligħ, għandu l-ewwel ikun stabbilit jekk l-ispejjeż tal-produttur ta’ l-AN kinux bażi affidabbli skond l-Artikolu 2(5) tar-Regolament bażiku. Wara li l-ispejjeż ikunu ġew stabbiliti b’mod affidabbli, jista’ jiġi determinat liema metodoloġija għandha tintuża biex jiġi stabbilit il-valur normali. Huwa għalhekk ħażin li jkun sostnut li bid-determinazzjoni ta’ spejjeż affidabbli skond l-Artikolu 2(5) tar-Regolament bażiku kienet qed tiġi introdotta metodoloġija ġdida għad-determinazzjoni tal-valur normali. F’dan ir-rigward l-argumenti tal-produtturi Russi għalhekk kellhom jiġu miċħuda.

(65) Barra minn hekk intqal li, anke fil-każ li kellu jsir aġġustament fuq l-ispiża tal-gass naturali fis-suq domestiku, il-prezz Waidhaus għall-gass naturali Russu ma kienx bażi affidabbli għal dan l-aġġustament billi dak il-prezz huwa ffissat skond kuntratti fit-tul għall-gass li bihom il-formula għall-prezz hija marbuta mal-prezzijiet ta’ prodotti taż-żejt u għalhekk bla rabta ma’ l-ispejjeż ta’ produzzjoni u tqassim ta’ gass lill-Eurochem fir-Russja. Intqal ukoll li l-prezz Waidhaus għall-gass Russu mhux affidabbli għaliex huwa affettwat minn iffissar ta’ prezzijiet domestiċi tal-gass wisq għoljin u possibbilment mhux kompetittivi fil-Ġermanja, li qiegħed ikun investigat mill-Awtoritajiet Ġermaniżi ta’ l-Antitrust.

(66) L-ewwelnett, ta’ min jinnota, li wieħed mill-kriterji primarji għall-għażla tal-bażi li fuqha jkunu stabbiliti l-prezzijiet tal-gass kien li jirrifletti raġonevolment prezz li normalment jitħallas fi swieq mhux mgħawġa. Bla dubju din il-kundizzjoni tintlaħaq fir-rigward tal-prezzijiet f’Waidhaus. Aktar minn hekk, l-ikbar volum assolut ta’ gass mir-Russja huwa importat miċ-ċentru ta’ Waidhaus li għalhekk jirrappreżenta bażi xierqa għal aġġustament. Fuq din il-bażi, Waidhaus huwa kkunsidrat bħala suq rappreżentattiv u bażi raġonevoli għad-determinazzjoni ta’ l-ispejjeż tal-gass fi ħdan it-tifsira ta’ l-Artikolu 2(5) tar-Regolament bażiku. It-tieni, fih innifsu huwa irrilevanti jekk il-prezz jiddependix mill-ispiża sakemm ikun jirrifletti raġonevolment prezz li normalment jitħallas fi swieq mhux mgħawġa. F’dak li huwa l-prezz ta’ gass importat f’Waidhaus, ma hemm l-ebda ħjiel ta’ ndħil mill-Istat fl-iffissar tal-prezz u għalhekk din il-kundizzjoni tintlaħaq. Fl-aħħarnett, rigward dak li ntqal dwar l-iffissar ta’ prezzijiet domestiċi mhux kompetittivi għall-gass fil-Ġermanja ta’ min jinnota li l-investigazzjoni tal-Bundeskartellamt għadha għaddejja u ma ntlaħqet ebda konklużjoni. Barra minn hekk, l-investigazzjoni tikkonċerna prezzijiet li bihom distributuri ewlenin Ġermaniżi tal-gass ibiegħu l-gass fis-suq domestiku Ġermaniż u mhux il-prezz li bih jixtru l-gass importat mir-Russja. B’kuntrast ma’ dak li ntqal, dawn iż-żewġ prezzijiet m’humiex neċessarjament relatati billi l-interess ekonomiku tad-distributuri tal-gass u l-klijenti tagħhom huwa eżattament l-oppost. Għalhekk, jista’ jkun preżunt li d-distributuri huma intiżi li jżommu l-prezz tal-bejgħ mill-ġdid fl-ogħla livell possibbli filwaqt li huwa fl-interess ekonomiku tagħhom li jżommu l-prezz tax-xiri fl-iktar livell baxx bil-għan li jilħqu livelli massimi tal-qligħ. L-argument li l-persuni Ġermanizi kkonċernati ma għandhom l-ebda inċentiv biex jinnegozjaw prezzijiet baxxi għall-gass Russu importat f’Waidhaus hija sempliċi suppożizzjoni mingħajr bażi ta’ fatti. Għaldaqstant, dawn l-argumenti ġew miċħuda.

(67) Intqal ukoll li kieku kellu jsir aġġustament fuq l-ispiża tal-gass naturali fis-suq domestiku, dan l-aġġustament għandu jkun ibbażat fuq prezzijiet tal-gass mhux regolati disponibbli fir-Russja. L-ewwelnett, il-fatt li l-Kummissjoni setgħet għażlet bażi differenti ma jagħmilx l-għażla ta’ Waidhaus irraġonevoli. Il-kriterju ewlieni għall-għażla tal-bażi biex ikun stabbilit il-prezz tal-gass huwa li jirrifletti b’mod raġonevoli prezz li normalment għandu jitħallas fi swieq mhux mgħawġa. Hemm qbil li din il-kundizzjoni tintlaħaq fir-rigward tal-prezzijiet f’Waidhaus. It-tieni, il-fatt li l-volum ta’ gass mibjugħ bi prezzijiet mhux regolati fis-suq domestiku kien minimu matul il-PIVS (inqas minn 2 %) u li dawn il-prezzijiet kienu eqreb b’mod sinifikanti għal prezz domestiku regolat milli għall-prezz għall-esportazzjoni determinat liberament jindika bil-qawwa li dawn il-prezzijiet mhux regolati ġew mgħawġa mill-prezzijiet regolati prevalenti. Għalhekk, il-prezzijiet domestiċi mhux regolati ma setgħux jintużaw.

(68) Aktar minn hekk, tressaq l-argument li l-prezzijiet domestiċi għall-gass naturali fir-Russja regolati mill-Istat qed jogħlew kontinwament. Għalhekk, il-prezz fis-suq domestiku ma jistax ikun ikkunsidrat bħala mhux kompetittiv jew baxx b’mod irraġonevoli. F’dan il-kuntest, kien indikat li l-Gvern Russu adotta digriet li jistabbilixxi programm statali li għandu jwassal għal żidiet multipli tal-prezzijiet tal-gass fir-Russja għall-utenti industrijali fis-snin sa l-2011.

(69) Dan l-argument ma jreġix għax l-istandard korrett għall-għażla ta’ suq rappreżentattiv mhux jekk il-prezzijiet humiex fihom infushom bi qligħ jew jekk humiex qed jogħlew iżda jekk il-prezzijiet jirriflettux raġonevolment prezz li normalment għandu jitħallas fi swieq mhux mgħawġa. Dan mhux il-każ għall-prezzijiet regolati mill-Istat, anke jekk ikunu qed jogħlew kontinwament. Għalhekk, dawn l-argumenti ġew miċħuda.

(70) Ġie propost ukoll li jsir użu mill-prezz Russu għall-esportazzjoni lejn is-swieq ġirien bħala bażi alternattiva għall-aġġustament, madankollu mingħajr ma ngħata aktar tagħrif jew evidenza fuq dawn is-swieq. Kien ikkunsidrat li l-prezzijiet Russi għall-esportazzjoni tal-gass lejn l-Istati Baltiċi, fejn kien disponibbli xi tagħrif, ma kinux biżżejjed rappreżentattivi, minħabba l-volumi relattivament baxxi ta’ esportazzjoni lejn dawn il-pajjiżi. Barra minn hekk, ma kienx hemm id-data meħtieġa dwar l-ispiża tat-trasport u d-distribuzzjoni u għalhekk, fi kwalunkwe każ ma setgħux jiġu stabbiliti prezzijiet affidabbli għall-Istati Baltiċi. Għaldaqstant, dawn il-prezzijiet ma setgħux jintużaw bħala bażi għall-aġġustament.

(71) Alternattivament, sar l-argument li jekk kellu jintuża l-prezz għall-esportazzjoni f’Waidhaus, id-dazju Russu fuq l-esportazzjoni li għandu jitħallas fuq l-esportazzjonijiet kollha kellu jitnaqqas mill-prezz Waidhaus għaliex ma ġġarrabx internament.

(72) Tabilħaqq, il-prezz tas-suq f’Waidhaus, li kien ikkunsidrat bħala suq rappreżentattiv fi ħdan it-tifsira ta’ l-Artikolu 2(5) tar-Regolament bażiku, huwa l-prezz wara t-taxxi ta’ l-esportazzjoni u mhux il-prezz qabel dawn it-taxxi. Minn din il-perspettiva tax-xerrej huwa rilevanti l-prezz li għandu jħallas f’Waidhaus, u f’dan ir-rigward huwa irrilevanti x’perċentwali tal-prezz jikkostitwixxi taxxa ta’ esportazzjoni u x’perċentwali jitħallas lill-fornitur tal-gass. Dan ta’ l-aħħar, mill-banda l-oħra dejjem se jipprova jikseb il-prezz massimu tiegħu u għalhekk jitlob l-ogħla prezz li l-klijenti tiegħu lesti li jħallsu. Billi dan il-prezz huwa dejjem ferm ogħla mill-ispejjeż tiegħu tal-produzzjoni, biex b’hekk il-fornitur tal-gass jagħmel qligħ kbir, l-iffissar tal-prezz tiegħu mhux primarjament influwenzat mill-ammont tat-taxxa ta’ l-esportazzjoni iżda mil-liema prezz il-klijenti tiegħu lesti li jħallsu. Għaldaqstant ġie konkluż li l-prezz, inkluża t-taxxa ta’ l-esportazzjoni, u mhux il-prezz qabel dik it-taxxa, huwa l-prezz mhux mgħawweġ determinat mis-suq. Għaldaqstant, l-argumenti f’dan ir-rigward ġew miċħuda.

(73) F’dan il-kuntest, intqal ukoll li z-żieda fil-valur tad-distributur lokali ma għandhiex tiżdied mal-prezz għall-esportazzjoni f’Waidhaus billi jingħad li l-qligħ tad-distributuri jkun diġà inkluż fil-prezz f’Waidhaus. F’dan ir-rigward, tressaq l-argument li d-distributuri lokali fir-Russja kienu sussidjarji li huma proprjetà tal-fornitur tal-gass u għalhekk, żieda fil-qligħ ta’ dawn id-distributuri setgħet tikkostitwixxi għadd doppju. Intqal ukoll li għandu jkun ikkunsidrat il-vantaġġ komparattiv naturali tar-Russja. Intqal ukoll li, billi fir-Russja hemm ferm aktar gass milli fil-Komunità, il-prezzijiet domestiċi fir-Russja jkunu naturalment irħas mill-prezz tal-gass esportat, li għandu jkun ikkunsidrat meta jiġi determinat l-aġġustament tal-prezzijiet tal-gass imħallsa fis-suq domestiku. Barra minn hekk, intqal li parti interessata waħda matul il-PIVS ma għamlitx użu mis-sistema lokali ta’ linji tal-pajpijiet bi pressjoni baxxa tad-distributuri lokali biex tforni gass naturali mil-linji tal-pajpijiet prinċipali bi pressjoni għolja lill-impjanti ta’ produzzjoni tagħha. Għalhekk, l-aġġustament tal-prezz tal-gass ma għandux jinkludi l-prezzijiet għat-trasport reġjonali.

(74) L-ewwelnett ta’ min jinnota li ż-żieda fil-valur tad-distributuri lokali ma tinkludix biss il-marġni ta’ qligħ ta’ dawn il-kumpaniji iżda anke l-ispejjeż tagħhom bejn ix-xiri u l-bejgħ mill-ġdid tal-gass naturali.

(75) It-tieni, dan l-argument ma setax ikun aktar ivverifikat biżżejjed. Dan minħabba l-fatt li l-fornitur tal-gass fir-Russja u l-affiljati tiegħu ma kinux soġġetti għal din l-investigazzjoni u li għalhekk ma kienx hemm tagħrif biżżejjed dwar l-organizzazzjoni u l-istruttura ta’ l-ispejjeż tagħha. Ta’ min jinnota wkoll li s-sitwazzjoni fir-Russja f’dan ir-rigward minħabba, fost oħrajn, ir-rabtiet mill-qrib bejn il-fornitur tal-gass u l-gvern Russu mhix trasparenti biżżejjed biex tippermetti aċċess suffiċjenti għall-evidenza meħtieġa.

(76) Barra minn hekk, esportaturi Russi ma kinux f’pożizzjoni li jissottomettu aktar tagħrif jew evidenza li turi jekk u sa fejn spejjeż tad-distribuzzjoni kienu tassew inklużi fil-prezz Waidhaus. Madankollu, billi l-klijenti domestiċi kienu qed jixtru l-gass minn fornituri lokali, kellu jkun preżunt li huma kellhom iħallsu l-ispejjeż għad-distribuzzjoni lokali, ta’ l-inqas għal servizzi ta’ bejgħ, li m’humiex proprjament inklużi fil-prezz Waidhaus mhux aġġustat.

(77) F’dan ir-rigward, ta’ min jiġbed l-attenzjoni li, anke jekk l-aġġustamenti fil-prezz tal-gass ma kinux jinkludu l-ispejjeż tat-trasport, l-impatt fuq il-kalkolu tal-marġni tad-dumping kien ikun sostanzjali iżda l-marġni tad-dumping li jirriżulta xorta jkun sinifikanti u ma jbiddilx il-konklużjonijiet milħuqa fir-reviżjoni ta’ skadenza. Bi qbil ma’ dan, dan l-argument ġie miċħud. Madankollu, jekk il-produtturi Russi jagħtu biżżejjed evidenza verifikabbli li twassal għal tnaqqis tal-marġni tad-dumping, il-Kummissjoni tista’ tikkunsidra li tiftaħ investigazzjonijiet ta’ reviżjoni interim f’dan ir-rigward.

(78) F’dawk li huma l-vantaġġi komparattivi sostnuti fir-rigward tad-disponibbiltà ta’ gass naturali fir-Russja, ta’ min jinnota li l-kriterju ewlieni għall-għażla tal-prezzijiet Waidhaus bħala bażi li fuqha jiġu stabbiliti l-prezzijiet tal-gass huwa li jkunu jirriflettu b’mod raġonevoli prezz li normalment għandu jitħallas f’suq mhux mgħawweġ. Il-kundizzjonijiet tas-suq li jkun hemm fis-suq domestiku f’dan il-kuntest huma irrilevanti. Dan l-argument għalhekk ġie miċħud.

(79) L-ispejjeż SG&A u l-qligħ ma setgħux jiġu stabbiliti fuq il-bażi ta’ l-ewwel sentenza ta’ l-Artikolu 2(6) jew l-Artikolu 2(6)(a) tar-Regolament bażiku għaliex ħadd mill-esportaturi li kkooperaw ma għandu bejgħ domestiku rappreżentattiv tal-prodott ikkonċernat fl-andament ordinarju tal-kummerċ. L-Artikolu 2(6)(b) lanqas ma kien applikabbli, billi l-ispiża tal-manifattura tal-produttur esportatur għall-prodotti li jappartjenu għall-istess kategorija ġenerali tal-prodotti wkoll teħtieġ li tiġi aġġustata fir-rigward ta’ l-ispejjeż tal-gass, għar-raġunijiet indikati fil-premessa (58) u (59) hawn fuq. Għalhekk l-ispejjeż SG&A u l-qligħ ġew stabbiliti skond l-Artikolu 2(6)(c) tar-Regolament bażiku. Skond l-Artikolu 2(6)(c) tar-Regolament bażiku, l-ispejjeż SG&A kienu bbażati fuq metodu raġonevoli. Is-suq fl-Amerika ta’ Fuq wera volum sinifikanti ta’ bejgħ domestiku u livell konsiderevoli ta’ kompetizzjoni minn kumpaniji kemm lokali kif ukoll barranin. F’dan ir-rigward, tqies it-tagħrif disponibbli pubblikament dwar kumpaniji ewlenin li joperaw fis-settur kummerċjali tal-fertilizzanti. Instab li d-data korrispondenti mill-produtturi ta’ l-Amerika ta’ Fuq (Amerikani u Kanadiżi) kienet tkun l-aktar xierqa għall-għan ta’ l-investigazzjoni, minħabba d-disponibbiltà kbira ta’ tagħrif pubbliku affidabbli u sħiħ minn kumpaniji elenkati f’dan ir-reġjun tad-dinja. Għalhekk, l-ispejjeż SG&A u l-qligħ ġew stabbiliti fuq il-bażi tal-medja mwieżna ta’ l-ispejjeż SG&A u l-qligħ minn tliet produtturi mill-Amerika ta’ Fuq, li nstab li kienu fost l-akbar kumpaniji fis-settur tal-fertilizzanti tan-nitroġenu, fir-rigward tal-bejgħ domestiku tagħhom ta’ l-istess kategorija ġenerali ta’ prodotti (fertilizzanti tan-nitroġenu). Dawn it-tliet produtturi ġew ikkunsidrati li huma rappreżentattivi tal-kummerċ tal-fertilizzanti tan-nitroġenu u l-ispejjeż SG&A u l-qligħ għalhekk rappreżentattivi ta’ dawk li normalment ikollhom dawk il-kumpaniji li joperaw b’suċċess f’dik it-taqsima ta’ kummerċ. Ta’ min jinnota li l-ammont ta’ l-ispejjeż SG&A u l-qligħ hekk stabbiliti ma qabiżx l-ispejjeż SG&A li saru u l-qligħ magħmul mill-kumpaniji Russi li kkooperaw.

Il-prezzijiet għall-esportazzjoni

(80) Fil-każijiet kollha fejn il-prodott ikkonċernat kien esportat lejn klijenti indipendenti fil-Komunità, il-prezz għall-esportazzjoni ġie stabbilit skond l-Artikolu 2(8) tar-Regolament bażiku, preċiżament fuq il-bażi tal-prezzijiet għall-esportazzjoni attwalment imħallsa jew li jistgħu jitħallsu.

(81) F’każijiet fejn il-bejgħ sar permezz ta’ importatur relatat, il-prezz għall-esportazzjoni ġie ffissat fuq il-bażi tal-prezzijiet għall-bejgħ mill-ġdid ta’ dak l-importatur relatat lill-klijenti indipendenti. Saru aġġustamenti għall-ispejjeż kollha magħmula bejn l-importazzjoni u l-bejgħ mill-ġdid inklużi l-bejgħ, l-ispejjeż ġenerali u amministrattivi, u marġni ta’ qligħ raġonevoli, skond l-Artikolu 2(9) tar-Regolament bażiku.

It-tqabbil

(82) Il-valur normali u l-prezz għall-esportazzjoni tqabblu fuq bażi ta’ prezzijiet tal-fabbrika. Bil-għan li jkun garantit tqabbil ġust, saret konċessjoni xierqa fil-forma ta’ aġġustamenti għal differenzi li jaffettwaw it-tqabbil ta’ prezzijiet skond l-Artikolu 2(10) tar-Regolament bażiku. Għaldaqstant, saru aġġustamenti għal differenzi, fl-ispejjeż għat-trasport, l-assigurazzjoni, l-immaniġġjar, it-tagħbija u anċillari, il-kummissjonijiet, l-ippakkjar u l-kreditu, fejn applikabbli u sostnuti minn evidenza vverifikata.

Il-marġni tad-dumping

(83) Il-marġni tad-dumping kien stabbilit fuq il-bażi ta’ tqabbil ta’ valur normali medju mwieżen ma’ prezz għall-esportazzjoni medju mwieżen, skond l-Artikolu 2(11) u (12) tar-Regolament bażiku.

(84) L-investigazzjoni wriet li matul il-PIVS sar id-dumping. Meta sar tqabbil bejn il-prezzijiet attwali medji mwieżna għall-esportazzjoni mal-valur normali medju mwieżen, dan it-tqabbil wera marġni tad-dumping ta’ aktar minn 74 % għall-Eurochem, aktar minn 54 % għall-Acron u aktar minn 92 % għall-Minudiobreniya.

L-iżvilupp ta’ l-importazzjonijiet li kieku jiġu revokati l-miżuri

(85) L-importazzjonijiet mir-Russja naqsu b’madwar 785000 tunnellata fl-2003 għal madwar 155891 tunnellata fl-ERIP. Is-sehem tagħhom fis-suq (madwar 2 %) għadu sinifikanti. Dan it-tnaqqis kien influwenzat biż-żieda fil-Komunità ta’ 10 Stati Membri ġodda fl-2004 u żewġ Stati Membri ġodda fl-2007 li qabel dawn id-dati kienu qed jimpurtaw mir-Russja mingħajr dazji antidumping u bil-livell preżenti ta’ dazji fis-seħħ.

L-imġiba fl-imgħoddi

(86) Ta’ min ifakkar li esportaturi Russi kienu diġà ppruvaw b’mod illegali jżidu l-esportazzjonijiet tagħhom lejn il-Komunità, f’żewġ modi. Fl-1998, bir-Regolament (KE) Nru 663/98 id-dazji kienu żdiedu għal-livell preżenti tagħhom (EUR 47/tunnellata, jew madwar 40 % tal-prezz Russu attwali għall-esportazzjoni) għaliex instab li l-esportaturi kienu qed jagħmlu azzjoni ta’ assorbiment (jiġifieri, il-prezzijiet għall-esportazzjoni kienu tnaqqsu, biex b’hekk żdied id-dumping).

(87) F’Ġunju 2005, bir-Regolament (KE) Nru 945/2005, id-dazji ġew estiżi għal forom oħra ta’ l-AN esportati mir-Russja, li għalkemm iddikjarati bħala fertilizzanti komposti kienu essenzjalment AN. Dan juri li esportaturi Russi qegħdin jippruvaw sistematikament jgħollu l-volumi tagħhom ta’ l-esportazzjoni ta’ l-AN lejn il-Komunità bi prezzijiet iddampjati.

(88) Ta’ min jinnota wkoll li matul il-PIVS, madwar 50 % ta’ l-esportazzjonijiet lejn il-Komunità tal-produtturi Russi li kkooperaw saru lejn il-Bulgarija u r-Rumanija (li ma kinux soġġetti għad-dazji antidumping sa l-1.1.2007). Il-fatt li l-esportazzjonijiet lejn dawk il-pajjiżi qabel it-tkabbir kienu ddampjati, huwa indikazzjoni li, kemm-il darba jgħibu l-miżuri, huwa probabbli li jitwettaq id-dumping.

L-imġiba tal-prezz mill-esportaturi Russi meta jbiegħu lil pajjiżi terzi

(89) L-investigazzjoni wriet li esportaturi Russi qegħdin jiddampjaw meta jbiegħu lis-swieq f’pajjiżi terzi. Il-prezzijiet għall-esportazzjoni lejn dawn is-swieq huma, jekk xejn, konformi mal-prezzijiet għall-esportazzjoni lejn il-Komunità.

(90) Aktar minn hekk, importazzjonijiet ta’ l-AN mir-Russja huma soġġetti għal miżuri ta’ antidumping sinifikanti fl-Awstralja u fl-Istati Uniti ta’ l-Amerika. Dan kollu jindika xaqliba strutturali għall-prattika tad-dumping, u l-probabbilità li l-esportazzjonijiet lejn il-Komunità jsiru bi prezzijiet iddampjati, kemm-il darba jiskadu l-miżuri.

Il-kapaċitajiet żejda u l-użu probabbli tagħhom mill-esportaturi

(91) Matul il-PIVS, il-kapaċità żejda ta’ esportaturi magħrufin Russi kienet stmata li hija fuq medda ta’ bejn 1,7 sa 2,3 miljun tunnellata. Din il-kwantità tlaħħaq għal kważi wieħed minn kull erbgħa tal-konsum Komunitarju totali ta’ l-AN. Ma nstab l-ebda fattur fl-investigazzjoni li seta’ jwaqqaf l-attivazzjoni ta’ din il-kapaċità fi żmien qasir. L-użu probabbli ta’ din il-kapaċità żejda kien analizzat.

(92) L-ewwelnett, uħud mill-ikbar swieq għall-esportazzjoni ta’ l-AN fid-dinja huma protetti mill-importazzjonijiet mir-Russja. B’mod partikolari, importazzjonijiet ta’ l-AN mir-Russja huma soġġetti għal miżuri antidumping sinifikanti fl-Awstralja u fl-Istati Uniti ta’ l-Amerika kif ukoll huma bblokkati għal kollox fiċ-Ċina. Għalhekk, ġie konkluż li din il-kapaċità żejda, b’kull probabbiltà, ma tkunx assorbita minn dawn is-swieq.

(93) L-esportaturi Russi argumentaw li l-konsum fil-pajjiżi KSI qed jiżdied b’mod konsistenti mill-2005 u mistenni jkompli hekk fis-snin li ġejjin, u li l-produzzjoni Russa ta’ l-AN se tkun prinċipalment diretta biex tissodisfa għal kollox dawn is-swieq. Dawn l-allegazzjonijiet ma kinux sostanzjati adegwatament b’evidenza verifikabbli. Barra minn hekk, dehru mhux kompluti fis-sens li ma kkunsidrawx l-eżistenza ta’ produzzjoni ta’ l-AN fi Stati oħra tal-KSI, li jistgħu tabilħaqq jikkompetu mal-bejgħ Russu lejn dawn is-swieq. F’kull każ, l-iżvilupp allegat tal-konsum fil-KSI, skond l-istatistika ta’ l-IFA xorta tħalli biżżejjed kapaċità żejda disponibbli fiż-żmien qasir u fit-tul. Fl-aħħarnett, minħabba l-livell ta’ prezz eżistenti fil-Komunità, li, skond id-data mogħtija minn kumpaniji li kkooperaw hija sostanzjalment ogħla milli fir-Russja u fis-swieq tal-KSI, huwa probabbli li kumpaniji Russi jkollhom inċentiv biex jużaw kapaċità żejda għall-esportazzjonijiet lejn il-Komunità pjuttost milli għall-bejgħ fis-suq domestiku jew swieq tal-KSI.

(94) Ma saret ebda allegazzjoni fir-rigward tal-probabbiltà ta’ bejgħ ieħor lejn swieq ta’ pajjiżi terzi oħra li jassorbu l-kapaċità żejda msemmija hawn fuq. F’kull każ, l-investigazzjoni analizzat is-swieq ta’ pajjiżi terzi oħra fuq il-bażi tat-tagħrif mogħti mill-partijiet li kkooperaw u nstab li, fuq il-bażi tal-konsum tagħhom, l-għejun ta’ l-AN u l-livelli ta’ prezz, ma kienx probabbli li huma jassorbu esportazzjonijiet Russi addizzjonali tant li l-kapaċitajiet żejda disponibbli għall-esportazzjoni lejn il-Komunità ma jibqgħux aktar sinifikanti.

(95) Fl-aħħarnett, kien ikkonfermat li l-Komunità hija l-aktar suq importanti ta’ l-AN fid-dinja, li l-viċinanza mar-Russja tħaffef il-konsiderazzjonijiet loġistiċi, u li l-esportaturi Russi għandhom fiha kanali ta’ distribuzzjoni stabbiliti sew.

(96) Bħala konklużjoni, instab li ammont sostanzjali ta’ esportazzjonijiet addizzjonali lejn il-Komunità, fuq il-bażi ta’ l-użu tal-kapaċitajiet żejda disponibbli, probabbilment isiru mill-esportaturi Russi, kemm-il darba l-miżuri attwali jiġu rrevokati.

Inċentivi biex il-volumi tal-bejgħ jiġu diretti mill-ġdid lejn il-Komunità

(97) Id-differenzjali msemmija hawn fuq bejn il-livelli tal-prezz fil-Komunità u dawk fis-swieq ta’ pajjiżi terzi jenfasizzaw li l-esportaturi Russi jkollhom aktar qligħ jekk idawru l-volumi ta’ esportazzjoni minn pajjiżi terzi lejn il-Komunità. Għalhekk, kwantitajiet sinifikanti ta’ esportazzjoni jistgħu joħorġu minn dan is-sors.

Konklużjoni

(98) Għalhekk qed jiġi konkluż li, minħabba l-livelli relattivi tal-prezzijiet, il-kapaċitajiet żejda u l-inċentivi osservati hawn fuq, hemm il-probabbiltà: (i) ta’ dumping u (ii) ta’ żieda sostanzjali tal-kwantitajiet esportati lejn il-Komunità, kemm-il darba jitneħħew il-miżuri antidumping fis-seħħ.

IL-PROBABBILTÀ TA’ KONTINWAZZJONI JEW RIKORRENZA TA’ DANNU Id-definizzjoni ta’ produzzjoni Komunitarja u industrija Komunitarja

(99) Fi ħdan il-Komunità, il-prodott simili huwa manifatturat minn tlieta u għoxrin produttur li l-produzzjoni tagħhom tikkostitwixxi l-produzzjoni Komunitarja totali tal-prodott simili fi ħdan it-tifsira ta’ l-Artikolu 4(1) tar-Regolament bażiku.

(100) Ħdax-il produttur Komunitarju kkooperaw fl-investigazzjoni:

Achema A.B. (Jonavos, il-Litwanja),

Zaklady Azotowe Anwil S.A., (Wlocklawek, il-Polonja),

BASF A.G. (Ludwigshafen, il-Ġermanja),

DSM Agro B.V. (Sittard, l-Olanda),

Fertiberia S.A. (Madrid, Spanja),

Grande Paroisse S.A. (Pariġi, Franza),

Kemira Growhow Oyj (l-Uffiċċju Ċentrali f’Ħelsinki, il-Finlandja, produzzjoni fir-Renju Unit u l-Belġju),

Terra Nitrogen Limited (Stockton-on-Tees, ir-Renju Unit),

Yara S.A. (Uffiċċju Ċentrali fi Brussell, il-Belġju, produzzjoni fl-Olanda, Franza, il-Ġermanja, ir-Renju Unit u l-Italja),

Zaklady Azotowe Pulawy S.A. (Pulawy, il-Polonja),

Neochim PLC, (Dimitrovgrad, il-Bulgarija).

(101) Billi dawn il-ħdax-il kumpanija jammontaw għal aktar minn 75 % tal-produzzjoni Komunitarja totali matul il-PIVS, huwa għalhekk ikkunsidrat li huma jammontaw għal proporzjon ewlieni tal-produzzjoni Komunitarja totali tal-prodott simili. Għalhekk jitqies li jikkostitwixxu l-industrija Komunitarja fi ħdan it-tifsira ta’ l-Artikolu 4(1) u l-Artikolu 5(4) tar-Regolament bażiku u minn hawn il quddiem se jissejħu l-industrija Komunitarja.

(102) Kif indikat aktar il fuq, intgħażel kampjun magħmul minn erba kumpaniji. Il-produtturi Komunitarji kollha fil-kampjun ikkooperaw u bagħtu t-tweġibiet għall-kwestjonarju saż-żmien ta’ l-iskadenza. Barra minn hekk, il-bqija tal-produtturi li kkooperaw taw ċerta data ġenerali għall-analiżi tad-dannu.

Il-qagħda fis-suq Komunitarju Il-konsum fis-suq Komunitarju

(103) Il-konsum Komunitarju apparenti ġie stabbilit fuq il-bażi tal-volumi ta’ bejgħ ta’ l-industrija Komunitarja fis-suq Komunitarju, il-volumi ta’ bejgħ tal-produtturi Komunitarji l-oħra fis-suq Komunitarju, u data ta’ l-Eurostat għall-importazzjoni kollha ta’ l-UE. Minħabba t-tkabbir ta’ l-Unjoni Ewropea fl-2004 u l-2007, f’ġieħ iċ-ċarezza u l-konsistenza ta’ l-analiżi, l-indikaturi kollha tad-dannu kienu stabbiliti fuq il-bażi tas-suq UE-27 matul il-perjodu kkunsidrat.

(104) Tabella 1

Bejn l-2003 u l-2006, il-konsum Komunitarju naqas b’16 % sabiex ikun irkuprat parzjalment fil-PIVS. Kollox ma’ kollox, hija nnutata xejra ‘l isfel, riflessa minn nuqqas totali ta’ 10 % bejn l-2003 u l-PIVS. 2003 2004 2005 2006 ERIP Konsum totali KE f’tunnellati 8296644 7834089 7861796 6983467 7463863 Indiċi ta’ konsum totali KE (2003 = 100) 100 94 95 84 90

L-iżvilupp tal-volumi, l-ishma fis-suq u l-prezzijiet ta’ l-importazzjonijiet mir-Russja

(105) Tabella 2

Il-volumi, l-ishma fis-suq u l-prezzijiet medji ta’ l-importazzjonijiet mir-Russja żviluppaw kif muri hawn taħt: Ix-xejriet tal-kwantitajiet u l-prezzijiet li ġejjin huma bbażati fuq l-Eurostat. 2003 2004 2005 2006 ERIP Volum ta’ importazzjonijiet (tunnellati) 785045 616394 328972 217540 155891 Sehem fis-suq 9,5 % 7,9 % 4,2 % 3,1 % 2,1 % Prezzijiet ta’ l-importazzjonijiet (EUR/tunnellata) 73 99 122 123 124 Indiċi (prezzijiet) (2003 = 100) 100 136 167 168 170

(106) Il-volum ta’ importazzjonijiet mir-Russja naqas matul il-perjodu kkunsidrat. Anki s-sehem tagħhom fis-suq waqa’ minn 9,5 % fl-2003 għal 2,1 % fil-PIVS. Il-prezzijiet żviluppaw minn EUR 73 għal EUR 124/tunnellata matul il-perjodu kkunsidrat. Dan l-iżvilupp jirrifletti x-xejra ġenerali ‘l fuq osservata fis-suq dinji — iżda mhux iż-żieda fil-prezzijiet tal-materja prima ewlenija: il-gass.

(107) It-tqabbil wera li l-importazzjonijiet mir-Russja kienu qed iwaqqgħu l-prezzijiet ta’ l-industrija Komunitarja b’iktar minn 30 % jew mill-inqas EUR 60/tunnellata, mingħajr ma jitqies id-dazju antidumping li hemm. Anki meta jiżdied id-dazju antidumping fuq il-prezzijiet Russi għall-esportazzjoni, xorta għad hemm twaqqigħ ta’ aktar minn 7 % jew mill-inqas EUR 13/tunnellata.

Il-volumi u l-ishma fis-suq ta’ importazzjonijiet minn pajjiżi oħra

(108) Tabella 3

Il-volum ta’ importazzjonijiet minn pajjiżi terzi oħra matul il-perjodu kkunsidrat qed jintwera fit-tabella ta’ hawn taħt. Ix-xejriet li ġejjin fil-kwantitajiet u l-prezzijiet huma wkoll ibbażati fuq l-Eurostat. 2003 2004 2005 2006 ERIP Volum ta’ importazzjonijiet mill-Ukraina (tunnellati) 132091 65201 76867 43270 32421 Sehem fis-suq 1,6 % 0,8 % 1,0 % 0,6 % 0,4 % Prezzijiet ta’ importazzjonijiet mill-Ukraina (EUR/tunn) 83 114 123 139 136 Volum ta’ importazzjonijiet minn Ġeorġja (tunnellati) 100025 132457 153844 85870 121590 Sehem fis-suq 1,2 % 1,7 % 2,0 % 1,2 % 1,6 % Prezzijiet ta’ importazzjonijiet minn Ġeorġja (EUR/tunnellata) 113 137 164 177 176 Volumi ta’ importazzjonijiet mill-pajjiżi l-oħra kollha (tunnellati) 262909 74654 65965 124451 158524 Sehem fis-suq 3,2 % 1,0 % 0,8 % 1,8 % 2,1 % Prezzijiet ta’ importazzjonijiet mill-pajjiżi l-oħra kollha (EUR/tunnellata) 133 152 190 169 164

(109) Filwaqt li Ġeorġja żiedet il-volumi ta’ esportazzjoni mill-2003 sal-PIVS, l-Ukraina u pajjiżi terzi oħra naqqsuhom matul il-perjodu kkunsidrat. Ta’ min jinnota li importazzjonijiet mill-Ukraina huma soġġetti għal dazju antidumping li jammonta bejn EUR 29,26 kull tunnellata u EUR 33,25 kull tunnellata, li ġie estiż mir-Regolament (KE) Nru 442/2007. F’dan ir-rigward, ta’ min jinnota wkoll li l-prezzijiet għall-importazzjoni mill-pajjiżi terzi kollha kienu ogħla b’mod konsistenti minn dawk mir-Russja, matul il-perjodu kkunsidrat.

Il-qagħda ekonomika ta’ l-industrija Komunitarja

(110) Skond l-Artikolu 3(5) tar-Regolament bażiku, il-Kummissjoni eżaminat il-fatturi ekonomiċi u l-indiċijiet rilevanti kollha li kellhom impatt fuq l-istat ta’ l-industrija Komunitarja.

Rimarki preliminari

(111) Uħud mill-produtturi ta’ l-industrija Komunitarja li kkooperaw instabu li użaw il-prodott simili għal aktar applikazzjonijiet sekondarji. Il-prodotti li jirriżultaw ma jikkompetux fis-suq mal-prodott simili.

(112) Dawn it-trasferiment vinkolanti interni tal-produzzjoni ta’ nitrat ta’ l-ammonju ma jidħlux fis-suq miftuħ u għalhekk m’humiex f’kompetizzjoni diretta ma’ l-importazzjonijiet tal-prodott ikkonċernat. Ġie għalhekk eżaminat jekk u sa fejn l-użu sussegwenti tal-produzzjoni ta’ l-industrija Komunitarja tal-prodott simili kellha tkun ikkunsidrata fl-analiżi. L-investigazzjoni wriet li l-użu vinkolanti jirrappreżenta frazzjoni mhux insinifikanti tal-produzzjoni ta’ l-industrija Komunitarja, jiġifieri sa 25 % tal-produzzjoni totali matul il-perjodu kkunsidrat. Il-kwantitajiet ikkonċernati ġew injorati jew, fejn xieraq u kif indikat aktar ‘l isfel, ikkunsidrati separatament għall-fini ta’ l-analiżi ta’ l-indikaturi ta’ dannu rispettivi.

(113) Fejn sar rikors għat-teħid ta’ kampjuni, skond il-prattika stabbilita, ċerti indikaturi ta’ dannu (il-produzzjoni, il-kapaċità ta’ produzzjoni, il-bejgħ, is-sehem fis-suq, it-tkabbir, l-impjiegi u l-produttività) huma analizzati għall-industrija Komunitarja fit-totalità tagħha (C.I. fit-tabelli mehmuża), filwaqt li dawk l-indikaturi ta’ dannu relatati mar-rendiment tal-kumpaniji individwali, jiġifieri, il-prezzijiet, l-istokkijiet, l-ispejjeż tad-dħul, il-qligħ, il-pagi, l-investiment, il-qligħ fuq l-investiment, il-likwidità, il-kapaċità li jinġabar il-kapital huma eżaminati fuq il-bażi ta’ tagħrif miġbur fil-livell tal-produtturi Komunitarji meħuda fil-kampjun (S.P. fit-tabelli mehmuża).

Id-data relatata ma’ l-industrija Komunitarja fit-totalità tagħha Produzzjoni

(114) Tabella 4

Il-produzzjoni totali ta’ l-industrija Komunitarja, inklużi t-trasferimenti vinkolanti, baqgħet relattivament stabbli bejn l-2003 u l-2005 f’livell ta’ madwar 8,4 miljun tunnellata. Fl-2006 waqgħet għal madwar 7,7 miljun tunnellata u żdiedet fil-PIVS, u laħqet il-livell ta’ qabel ta’ l-2003. F’dik li hija produzzjoni użata għat-trasferimenti vinkolanti, din naqset bejn l-2003 u l-2006 u żdiedet fil-PIVS. Din iż-żieda fil-PIVS ġrat l-aktar minħabba li operatur wieħed għamel ristrutturazzjoni matul il-perjodu bil-għan li jiżviluppa l-konsum intern tiegħu. F’dik li hija produzzjoni maħsuba għall-bejgħ, din naqset b’5 % bejn l-2003 u l-PIVS. Sors: Tagħrif minn min ilmenta, tweġibiet għall-kwestjonarju tal-kampjun u tweġibiet ivverifikati tal-kwestjonarju 2003 2004 2005 2006 PIVS Produzzjoni tas-C.I. (tunnellati, inklużi t-trasferimenti vinkolanti) 8395678 8228283 8407904 7648770 8444436 Indiċi (2003 = 100) 100 98 100 91 101 – li minnhom produzzjoni tas-C.I. użata għat-trasferimenti vinkolanti 1758139 1686280 1638705 1526039 2122099 Indiċi (2003 = 100) 100 96 93 87 121 – li minnhom produzzjoni tas-C.I. użata għall-bejgħ 6637539 6542003 6769200 6122731 6322337 Indiċi (2003 = 100) 100 99 102 92 95

Il-kapaċità u r-rati ta’ użu tal-kapaċità

(115) Tabella 5

Il-kapaċità ta’ produzzjoni wriet xejra ta’ tnaqqis bejn l-2003 u l-2006. Hija żdiedet fil-PIVS meta wieħed mill-produtturi Komunitarji rristruttura l-faċilitajiet tiegħu għal użu vinkolanti. Kif kien diġà nnutat fl-investigazzjoni oriġinali, l-użu tal-kapaċità għal dan it-tip ta’ produzzjoni u industrija tista’ tintlaqat mill-produzzjoni ta’ prodotti oħra li jistgħu jiġu prodotti fuq l-istess makkinarju ta’ produzzjoni u għalhekk jagħmel inqas sens bħala indikatur ta’ dannu. 2003 2004 2005 2006 PIVS Kapaċità ta’ produzzjoni tas-C.I. (tunnellati) 12624286 12460988 12459886 12366776 12826621 Użu tal-kapaċità tas-C.I. 67 % 66 % 67 % 62 % 66 %

Il-volum ta’ bejgħ

(116) Tabella 6

Il-volumi ta’ bejgħ mill-industrija Komunitarja fis-suq tal-Komunità naqsu bi 8 % bejn l-2003 u l-PIVS. Dan l-iżvilupp huwa skond ix-xejra ġenerali ta’ tnaqqis fil-konsum fis-suq tal-Komunità. 2003 2004 2005 2006 PIVS Volum ta’ bejgħ tas-C.I. tal-KE (tunnellati) 5752934 5566383 5708591 4917321 5300075 Indiċi (2003 = 100) 100 97 99 85 92

Is-sehem fis-suq

(117) Tabella 7

Is-sehem fis-suq ta’ l-industrija Komunitarja żdied bi 3,3 punti perċentwali bejn l-2003 u l-2005, biex wara waqa’ b’1,6 punti perċentwali matul il-PIVS. B’kollox, kien hemm żieda ta’ 1,7 punti perċentwali. 2003 2004 2005 2006 PIVS Sehem fis-suq ta’ l-industrija Komunitarja 69,3 % 71,1 % 72,6 % 70,4 % 71,0 % Indiċi (2003 = 100) 100 102 105 102 102

It-tkabbir

(118) Billi t-tnaqqis fil-bejgħ kien ftit inqas mit-tnaqqis fil-konsum, l-industrija Komunitarja rebħet xi sehem fis-suq.

L-impjiegi

(119) Tabella 8

Il-livell ta’ impjiegi fl-industrija Komunitarja naqas bi 8 % bejn l-2003 u l-PIVS, u għalhekk iktar milli għamlet il-produzzjoni. Dan jirrifletti t-tħassib ta’ l-industrija li żżid kontinwament il-produttività u l-kompetittività tagħha. 2003 2004 2005 2006 PIVS Prodott ta’ l-impiegi tas-C.I. kkonċernat 2449 2403 2369 2256 2262 Indiċi (2003 = 100) 100 98 97 92 92

Il-produttività

(120) Tabella 9

Il-produttività ta’ kull persuna impjegata mill-industrija Komunitarja żdiedet kull sena b’9 % bejn l-2003 u l-PIVS, u b’hekk uriet l-impatt pożittiv ikkombinat ta’ tnaqqis fl-impjiegi u żieda fil-produzzjoni ta’ l-industrija Komunitarja. 2003 2004 2005 2006 PIVS Produttività tas-C.I. (tunnellati għal kull impjegat) 3428 3425 3549 3391 3734 Indiċi (2003 = 100) 100 100 104 99 109

Id-daqs tal-marġni tad-dumping

(121) Importazzjonijiet mir-Russja saru bi prezzijiet iddampjati b’mod sinifikanti. Il-volumi ammontaw għal sehem fis-suq ta’ madwar 2 % li, għal prodotti simili għal dawk tal-konsumatur bħall-AN jista’ jkollhom impatt sinifikanti fuq l-industrija Komunitarja fit-totalità tagħha. Madankollu, il-miżuri jidher li nnewtralizzaw parti sew minn dan l-impatt fil-każ trattat.

Id-data relatata mal-produtturi Komunitarji fil-kampjun Il-prezzijiet għall-bejgħ u fatturi li jaffettwaw il-prezzijiet domestiċi

(122) Tabella 10

Il-prezz nett medju għall-bejgħ tal-produtturi Komunitarji fil-kampjun żdied sostanzjalment bejn l-2003 u l-PIVS u kien jirrifletti l-kundizzjonijiet favorevoli tas-suq internazzjonali prevalenti ta’ l-AN matul l-istess perjodu iżda anki l-pressjoni biex jiżdiedu l-prezzijiet għall-bejgħ tiegħu minħabba spejjeż ogħla tal-produzzjoni (b’mod partikolari l-gass). 2003 2004 2005 2006 PIVS Prezz ta’ unità ta’ l-S.P. fis-suq tal-KE (EUR/tunnellata) 125 139 160 177 178 Indiċi (2003 = 100) 100 111 129 142 143 Volum ta’ bejgħ ta’ l-S.P. lil pajjiżi terzi (tunnellati) 287696 338001 314876 324795 385287 Indiċi (2003 = 100) 100 117 109 113 134

L-istokkijiet

(123) Tabella 11

Il-livell ta’ stokkijiet ta’ l-għeluq tal-produtturi fil-kampjun aktar milli rduppjaw bejn l-2003 u l-PIVS. Dan jista’ jirrifletti żieda fid-diffikultajiet għall-bejgħ f’kuntest ta’ tnaqqis fil-konsum. 2003 2004 2005 2006 PIVS S.P. Stokkijiet ta’ l-għeluq (tunnellati) 136769 105162 174197 281922 281656 Indiċi (2003 = 100) 100 77 127 206 206

Il-pagi

(124) Tabella 12

Bejn l-2003 u l-PIVS, il-paga medja ta’ kull impjegat żdiedet bi 13 %, kif turi t-tabella ta’ hawn taħt. Fid-dawl tar-rata ta’ l-inflazzjoni u t-tnaqqis komplessiv fl-impjiegi, din iż-żieda fil-pagi titqies moderata. 2003 2004 2005 2006 PIVS S.P. Spiża ta’ ħlasijiet annwali għal kull impjegat (EUR 000) 49,9 50,3 53,3 56,6 56,6 Indiċi (2003 = 100) 100 101 107 113 113

L-investimenti

(125) Tabella 13

L-investimenti annwali fil-prodott simili magħmula mill-erba’ produtturi fil-kampjun żviluppaw b’mod pożittiv matul il-perjodu kkunsidrat, jiġifieri żdiedu b’121 %, għalkemm urew xi ċaqliq. Dawn l-investimenti kienu fil-parti ‘l kbira relatati mal-modernizzazzjoni tal-makkinarju. Dan juri l-isforzi ta’ l-industrija Komunitarja biex kontinwament ittejjeb il-produttività u l-kompetittività tagħha. 2003 2004 2005 2006 PIVS Investimenti netti ta’ l-S.P. (EUR 000) 20016 23142 44719 38258 44305 Indiċi (2003 = 100) 100 116 223 191 221

Il-profitt fuq il-bejgħ u qligħ fuq il-kapital użat

(126) Tabella 14

Ġeneralment, il-profitt kien fil-medja ta’ 8 %. Din il-medja hija definita bħala l-livell li għandu jintlaħaq fin-nuqqas ta’ dumping li jagħmel dannu. Dan juri li l-miżuri kellhom effett pożittiv. Madankollu, fl-2006 u l-PIVS kien hemm riżultati inqas favorevoli, li jenfasizzaw il-fatt li hemm ċerta fraġilità f’dan ir-rigward. Il-qligħ fuq il-kapital użat (ROCE), imfisser bħala l-qligħ f’perċentwali tal-valur nett fuq il-kotba ta’ l-assi (wara d-deprezzament), ġeneralment segwa x-xejra tal-profitt matul il-perjodu kollu kkunsidrat. 2003 2004 2005 2006 PIVS Profitt ta’ l-S.P. tal-bejgħ tal-KE lil konsumaturi mhux relatati (% tal-prezz tal-bejgħ nett) 5,8 % 8,9 % 9,6 % 5,0 % 7,2 % Indiċi (2003 = 100) 100 152 163 86 123 L-ROCE ta’ l-S.P. (qligħ f’% tal-valur nett fuq il-kotba ta’ l-investiment) 11,5 % 21,5 % 25,8 % 13,0 % 19,5 % Indiċi (2003 = 100) 100 187 224 113 169

Il-likwidità u l-ħila li jinġabar il-kapital

(127) Tabella 15

Il-likwidità naqset ftit b’6 % matul il-perjodu kkunsidrat, wara li wriet xi ċaqliq u laħqet livell partikolarment baxx fl-2006. Ta’ min jinnota li l-profitt fuq bejgħ nett ukoll laħaq l-aktar livell baxx tiegħu fl-2006 u reġa’ rkupra b’xi mod fil-PIVS. 2003 2004 2005 2006 PIVS Likwidità ta’ l-S.P (EUR 000) 65390 77896 77326 26434 61528 Indiċi (2003 = 100) 100 119 118 40 94

(128) L-investigazzjoni ma wriet ebda diffikultà li ltaqgħu magħha l-produtturi Komunitarji fil-kampjun biex ġabru l-kapital. F’dan ir-rigward, ta’ min jinnota li billi bosta minn dawn il-kumpaniji jagħmlu parti minn gruppi kbar, huma jiffinanzjaw l-attivitajiet tagħhom fi ħdan il-grupp li jagħmlu parti minnu jew permezz ta’ skemi ta’ ġbir ta’ flus jew permezz ta’ self intern tal-grupp mogħti mill-kumpanija prinċipali.

Konklużjoni dwar il-qagħda ta’ l-industrija Komunitarja

(129) Bejn l-2003 u l-PIVS, l-indikaturi ta’ dannu wrew titjib, bi sfumaturi. Is-sehem fis-suq żdied, għalkemm mhux b’mod sinifikanti u mhux minħabba l-bejgħ (li naqas) iżda aktarx minħabba tnaqqis proporzjonali żejjed fil-konsum. Il-prezzijiet għall-bejgħ kull unità żdiedu, iżda l-aktar minħabba żidiet fl-ispejjeż tal-produzzjoni, u inqas milli seta’ jkun mistenni fil-kuntest ġenerali tal-prezzijiet għoljin tal-fertilizzant. Il-produzzjoni ma naqsitx anke jekk il-konsum waqa’ — milli jidher mhux minħabba l-pożizzjoni mtejba fis-suq ta’ l-industrija Komunitarja, iżda aktar minħabba żieda fit-trasferimenti vinkolanti, li milli jidher tirrifletti reazzjoni difensiva għal domanda dejjem tonqos. Il-profitt ġeneralment tjieb ukoll, iżda wera ċerta fraġilità fl-2006 u l-ERIP.

(130) Il-likwidità rriflettiet sa ċertu punt ix-xejriet osservati għall-qligħ. Il-pagi żviluppaw moderatament u l-industrija Komunitarja kompliet tinvesti. Il-produttività żdiedet, u irriflettiet l-isforżi ta’ l-industrija Komunitarja biex tirrazzjonalizza l-operazzjonijiet tagħha u ttejjibhom permezz ta’ investimenti.

(131) L-applikant allega wkoll li, fil-każ ta’ l-industrija tal-fertilizzanti, il-qligħ fuq il-bejgħ mhux indikatur xieraq għad-dannu fir-rigward tal-qligħ, u li l-qligħ fuq il-kapital użat u/jew qligħ fuq l-investiment huma aktar adegwati b’mod kwalitattiv għal evalwazzjoni bħal din. Barra minn hekk, ġie argumentat li, fuq il-bażi ta’ l-indikaturi ta’ l-aħħar, l-industrija Komunitarja kienet qed issofri dannu.

(132) Minħabba l-karatteristiċi partikolari ta’ l-industrija tal-fertilizzanti (fost oħrajn, l-intensità tal-kapital) u n-natura tas-suq tal-fertilizzanti (il-volatilità tal-prezzijiet tal-materja prima tiegħu u tal-prezzijiet tal-prodott finali), hemm qbil li l-qligħ fuq il-bejgħ waħdu, mhux neċessarjament l-indikatur l-aktar ċar rigward il-profitt, u li għandu jkun megħjun b’indikaturi bħall-qligħ fuq il-kapital użat u l-qligħ fuq l-investiment. Madankollu, l-applikant ma ppreżenta l-ebda evidenza li, fin-nuqqas ta’ l-importazzjonijiet iddampjati, l-indsutrija Komunitarja kienet tkun kapaċi li tagħmel qligħ fil-livelli mitluba. L-applikant lanqas wera x’marġni ta’ qligħ kien jintlaħaq mill-industrija Komunitarja minbarra l-importazzjonijiet iddampjati, kif il-Qorti tal-Prim’Istanza, fis-sentenza tagħha fil-Każ T-210/95 stabbiliet li għandu jsir. Fil-paragrafu 60 tiegħu, kien ikkonfermat li … il-marġni ta’ qligħ li għandu jintuża mill-Kunsill meta jikkalkola l-prezz immirat li jneħħi d-dannu kkonċernat għandu jkun limitat għall-marġni ta’ qligħ li l-industrija Komunitarja tista’ torbot fuqu f’kundizzjonijiet normali ta’ kompetizzjoni, fin-nuqqas ta’ importazzjonijiet iddampjati. Din it-talba għalhekk ġiet miċħuda. L-ammont ta’ tneħħija ta’ dannu li deher matul il-perjodu huwa fil-parti l-kbira minħabba l-eżistenza ta’ miżuri. Biż-żieda tal-prezzijiet tal-bejgħ mill-ġdid fil-Komunità, bil-miżuri ġiet evitata żieda fil-volumi ta’ esportazzjoni bi prezzijiet baxxi ħafna, biex b’hekk jippermettu lill-industrija Komunitarja tikseb it-titjib imsemmi hawn fuq.

Il-probabbiltà ta’ kontinwazzjoni/rikorrenza ta’ dannu Ġenerali

(133) F’dan il-kuntest, ġew analizzati żewġ parametri ewlenin: (i) il-volumi u l-prezzijiet probabbli ta’ esportazzjoni tal-pajjiż ikkonċernat u (ii) l-effett probabbli ta’ dawk il-volumi u l-prezzijiet imbassra mill-pajjiż ikkonċernat fuq l-industrija Komunitarja.

Il-volumi u l-prezzijiet probabbli ta’ esportazzjoni tal-pajjiż ikkonċernat

(134) Hemm kapaċità żejda magħrufa ta’ madwar 2 miljun tunnellata tal-produtturi Russi, li tirrappreżenta madwar kwart tas-suq Komunitarju. Din il-kapaċità żejda direttament disponibbli tindika li produtturi Russi għandhom il-possibbiltà li jżidu fiż-żmien qasir il-produzzjoni preżenti tagħhom u għalhekk anke l-esportazzjonijiet tagħhom ta’ l-AN.

(135) Barra minn hekk, minħabba li d-domanda fis-suq Russu kienet wieqfa f’livell relattivament baxx għal bosta snin, il-produtturi Russi qed jiddependu ħafna fuq esportazzjonijiet lejn pajjiżi terzi. Kif imfisser aktar ‘il fuq, dawn l-esportazzjonijiet saru bi prezzijiet sostanzjalment aktar baxxi mill-esportazzjonijiet lejn il-Komunità.

(136) Fil-kuntest ta’ dan t’hawn fuq, is-suq Komunitarju jkun jidher li huwa attraenti għall-produtturi esportaturi Russi f’termini ta’ prezzijiet kif imqabbla mas-swieq kollha l-oħra għall-esportazzjoni. Fuq din il-bażi, huwa raġonevolment mistenni li parti konsiderevoli tal-volumi esportati lejn pajjiżi terzi wisq probabbli jkunu diretti lejn is-suq Komunitarju, jekk il-miżuri jitħallew jiskadu. Il-viċinanza relattiva tas-suq Komunitarju, kif imqabbel ma’ swieq oħra għall-esportazzjoni minbarra l-pajjiżi KSI, xorta jagħmlu s-suq Komunitarju aktar attraenti u għalhekk iwassal għal direzzjoni mill-ġdid lejn il-Komunità ta’ l-esportazzjonijiet attwali mill-produtturi Russi lejn pajjiżi terzi.

(137) Parti waħda saħqet li, sa ċertu punt, is-suq Komunitarju tilef l-attrazzjoni tiegħu għall-produtturi Russi. Sostniet li wara t-tkabbir ta’ l-2004 u l-2007 is-suq Komunitarju jkun fornut mill-produtturi Komunitarji b’mod iktar konsistenti minn qabel. Barra dan, skond dik il-parti, xi Stati Membri bdew japplikaw restrizzjonijiet fuq l-użu ta’ l-AN. Dawn l-argumenti kellhom jiġu miċħuda. L-impatt ta’ kull użu iktar ristrett jaffettwa indaqs lill-produtturi Komunitarji u Russi. L-awto-provvista tas-suq Komunitarju jista’ jkun li żdiedet wara t-tkabbir ta’ l-2004 u l-2007, anke għaliex l-Istati Membri l-ġodda bdew jibbenefikaw mid-dazju antidumping li kien jeżisti. Tabilħaqq, l-importazzjonijiet mir-Russja raw tnaqqis bejn l-2005 u l-PIVS. Madankollu, minkejja kull allegata awto-provvista, matul l-istess perjodu l-prezzijiet fil-Komunità għolew. Il-prezzijiet għolew ħafna fil-Komunità għar-raġuni li spejjeż tad-dħul (il-gass) għolew drastikament. L-industrija Komunitarja kienet kapaċi tgħaddi dawn l-ispejjeż ogħla biss minħabba li l-miżuri antidumping li kien hemm urew xi effett. Bħala konsegwenza, minħabba l-livell għoli tal-prezz li hemm, is-suq Komunitarju għandu jkun attraenti ħafna għall-produtturi Russi li jiġġeneraw prezzijiet aktar baxxi kemm mis-suq domestiku tagħhom u s-swieq għall-esportazzjonijiet fil-pajjiżi terzi.

(138) Intqal li produtturi Komunitarji qed ikunu dejjem inqas esposti għall-allegata differenza fil-prezzijiet tal-gass. Sar l-argument li l-produtturi Komunitarji importaw kwantitajiet dejjem ikbar ta’ ammonju rħis matul il-perjodu kkunsidrat u li għalhekk kienu inqas dipendenti fuq il-gass. Anke, f’xi każijiet, tressaq l-argument li l-produtturi Komunitarji setgħu jixtru gass naturali b’kundizzjonijiet iktar favorevoli mill-kundizzjonijiet ta’ Waidhaus. Dawn il-pretensjonijiet kienu mingħajr bażi ta’ xejn. Għalkemm l-importazzjonijiet ta’ ammonju kienu telgħin, l-investigazzjoni ma sabitx użu miżjud b’mod sinifikanti għall-produzzjoni ta’ l-AN. Is-sehem ewlieni ta’ l-importazzjonijiet ta’ l-ammonju jidher li kien użat għal applikazzjonijiet oħra. L-investiment lanqas kixef kundizzjonijiet sinifikanti iktar favorevoli minn Waidhaus. Id-differenzjali fil-prezz tal-gass kif deskritt hawn fuq komplew ikunu sostanzjali ħafna, bl-impatt sinifikanti fuq l-ispiża (u għalhekk il-livelli tal-prezz) imsemmi hawn fuq. Dan joħloq sitwazzjoni fejn il-livelli tal-prezz fil-Komunità jkunu strutturalment iktar attraenti għall-esportaturi Russi fil-futur qrib.

(139) Bil-għan li jżidu s-sehem fis-suq tagħhom f’dan il-prodott simili għal wieħed ta’ konsum fejn il-kundizzjonijiet tal-prezz huma fattur ewlieni, huwa probabbli li l-esportaturi Russi jikkompetu f’termini ta’ prezz. Kif jingħad hawn fuq, hemm għadd ta’ fatti li jindikaw il-probabbiltà ta’ livelli baxxi ħafna ta’ prezz għall-esportazzjoni mill-esportaturi Russi. Minkejja l-miżuri li hemm fis-seħħ, jeżisti ċertu grad ta’ twaqqigħ ta’ prezzijiet, fejn dan it-twaqqigħ jista’ biss jogħla fid-dawl tal-waqa’ probabbli fil-prezzijiet.

(140) Barra minn hekk, ta’ min jenfasizza li produtturi Russi (sa fejn huma jibbenefikaw mid-differenza fil-prezz tal-gass iġġenerat mill-iffissar ta’ prezz doppju) jistgħu tabilħaqq jesportaw l-AN bi prezzijiet iddampjati baxxi ħafna lill-Komunità u xorta jkollhom qligħ qawwi minn fuq dawn l-importazzjonijiet iddampjati. Dan il-fattur jkompli jżid ma’ l-attrazzjoni tas-suq Komunitarju għall-produtturi Russi — anke bi prezzijiet baxxi ħafna.

(141) Fuq il-bażi ta’ dan t’hawn fuq, ikun għalhekk probabbli li volumi addizzjonali sinifikanti ta’ l-AN prodott fir-Russja jkunu esportati lejn il-Komunità (kemm mill-użu ta’ kapaċità żejda disponibbli u/jew mid-direzzjoni mill-ġdid ta’ l-esportazzjonijiet eżistenti) bi prezzijiet iddampjati li sostanzjalment iwaqqgħu l-prezzijiet ta’ l-industrija Komunitarja, jekk il-miżuri jitħallew jiskadu.

L-impatt probabbli fuq l-industrija Komunitarja tal-volumi mbassra ta’ esportazzjoni u l-effetti tal-prezzijiet f’każ ta’ revoka tal-miżuri

(142) Fid-dawl tal-probabbiltà stabbilita hawn fuq ta’ żieda sinifikanti fil-volumi għall-esportazzjoni mir-Russja lejn is-suq tal-Komunità bi prezzijiet iddampjati u mwaqqgħin, l-industrija Komunitarja fil-probabbiltà kollha jkollha tnaqqas b’mod sinifikanti l-prezzijiet tal-bejgħ tagħha biex iżżomm il-klijenti tagħha. Dan huwa partikolarment veru billi l-AN huwa prodott volatili ħafna li fih il-prezzijiet jistgħu jkunu affettwati b’mod sinifikanti b’volum ta’ importazzjoni bi prezzijiet iddampjati li jwaqqgħu l-prezzijiet ta’ l-industrija Komunitarja. Bħala konsegwenza, il-qligħ jonqos sew.

(143) Fir-rigward tal-kundizzjonijiet tas-suq favorevoli li ntwerew minn xi indikaturi matul l-2006 u l-PIVS, ta’ min jinnota li kellhom rwol importanti fiż-żamma tal-prezzijiet f’livell għoli, flimkien mal-miżuri applikabbli kontra d-dumping. Tabilħaqq, matul dak il-perjodu, kien hemm bilanċ strett dinji fil-provvista/domanda flimkien ma’ spejjeż ogħla tad-dħul (il-gass) fejn irriżultaw prezzijiet għoljin għall-fertilizzanti kollha tan-nitroġenu. L-AN, bħall-fertilizzanti l-oħra tan-nitroġenu, huwa prodott fejn l-iffissar tal-prezz tiegħu huwa influwenzat minn għadd ta’ fatturi li jvarjaw mill-prezz tal-gass volatili li għandu impatt konsiderevoli fuq il-provvista għaliex huwa l-element l-iktar importanti fl-ispejjeż, sal-kundizzjonijiet tat-temp, l-uċuħ tar-raba’ u l-livelli ta’ stokkijiet tal-qmuħ li jirriżultaw f’domanda mnaqqsa jew miżjuda. B’attenzjoni partikolari għas-suq tal-Komunità, id-domanda għall-AN hija mistennija li tonqos kemmxejn fis-snin li ġejjin. Fil-fatt, il-konsum totali diġà wera xejra ‘l isfel matul il-perjodu kkunsidrat. Billi l-prezzijiet mitluba mir-Russi kienu qed iwaqqgħu b’mod sinifikanti l-prezzijiet ta’ l-industrija Komunitarja, iż-żieda probabbli fil-volumi ta’ importazzjoni mir-Russja kienet ser iġġiegħel lill-industrija Komunitarja biex tnaqqas b’mod sinifikanti l-prezzijiet tagħha, u għalhekk il-qligħ tagħha, jew titlef sehem sinifikanti mis-suq u għalhekk dħul, jew it-tnejn. Il-proċess tar-ristrutturazzjoni b’suċċess ta’ l-industrija Komunitarja probabbilment jista’ biss ipatti parzjalment għal din id-dipressjoni probabbli tal-prezz u l-proċess kollu ta’ rkupru jitqiegħed fil-periklu. Għalhekk, kwalunkwe revoka tal-miżuri probabbilment tirriżulta f’deterjorament tal-prestazzjoni globali ta’ l-industrija Komunitarja.

Konklużjoni dwar il-probabbiltà ta’ rikorrenza ta’ dannu

(144) Dan ta’ hawn fuq iwassal għall-konklużjoni li jekk jiskadu l-miżuri, l-esportazzjoni mill-pajjiż ikkonċernat wisq probabbli ssir f’volumi sinifikanti u bi prezzijiet iddampjati li jwaqqgħu l-prezzijiet ta’ l-industrija Komunitarja. Probabbilment dan jista’ jkollu l-effetti li jdaħħal xejra depressiva tal-prezz fis-suq, b’impatt mistenni negattiv fuq is-sitwazzjoni ekonomika ta’ l-industrija Komunitarja. Dan jista’ b’mod partikolari, ixekkel l-irkupru finanzjarju li nkiseb parzjalment fil-perjodu kkunsidrat, u jwassal għal rikorrenza probabbli ta’ dannu.

L-INTERESS KOMUNITARJU Rimarki preliminari

(145) Skond l-Artikolu 21 tar-Regolament bażiku, ġie eżaminat jekk iż-żamma tal-miżuri antidumping attwali tmurx kontra l-interess tal-Komunità fit-totalità tagħha. Id-determinazzjoni ta’ l-interess tal-Komunità kienet ibbażata fuq l-apprezzament ta’ l-interessi kollha varji involuti.

(146) Ta’ min ifakkar li, fl-investigazzjoni oriġinali, l-adozzjoni ta’ miżuri kienet ikkunsidrata li ma tmurx kontra l-interess tal-Komunità. Barra minn hekk, il-fatt li l-din l-investigazzjoni hija verifika, u għaldaqstant tanalizza sitwazzjoni fejn miżuri antidumping diġà kienu jeżistu, tippermetti l-evalwazzjoni ta’ kull impatt negattiv mhux f’postu fuq il-partijiet ikkonċernati mill-miżuri attwali kontra d-dumping.

(147) Fuq din il-bażi, ġie eżaminat jekk, minkejja l-konklużjonijiet dwar il-probabbiltà ta’ rikorrenza ta’ dumping b’dannu, kinux jeżistu raġunijiet konvinċenti li setgħu jwasslu għall-konklużjoni li mhux fl-interess tal-Komunità li jinżammu l-miżuri f’dan il-każ partikolari.

L-interess ta’ l-industrija Komunitarja

(148) L-industrija Komunitarja tat prova li hija industrija strutturalment vijabbli. Dan kien ikkonfermat mill-iżvilupp relattivament pożittiv tas-sitwazzjoni ekonomika tagħha matul il-perjodu kkunsidrat. B’mod partikolari, l-industrija Komunitarja żammet marġni ta’ qligħ vijabbli minkejja spejjeż tad-dħul li dejjem jogħlew (b’mod partikolari l-gass) u kienet kapaċi li żżid is-sehem fis-suq matul il-perjodu kkunsidrat.

(149) Għalhekk huwa raġonevolment mistenni li l-industrija Komunitarja se tkompli tibbenefika mill-miżuri attwalment imposti u tkompli tirkupra billi żżomm u tistabbilizza l-profitt tagħha. Jekk il-miżuri ma jinżammux, huwa probabbli li jkun hemm żieda fl-importazzjonijiet bi prezzijiet iddampjati mill-pajjiż ikkonċernat, u b’hekk jikkaġunaw dannu lill-industrija Komunitarja billi jeżerċitaw pressjoni ‘l isfel fuq il-prezzijiet tal-bejgħ li jipperikolaw is-sitwazzjoni finanzjarja pożittiva attwali.

L-interess ta’ l-importaturi

(150) Kif imsemmi fil-premessa (23), ebda importatur mhux relatat li joriġina fil-pajjiż ikkonċernat ma kkoopera f’din l-investigazzjoni.

(151) Ta’ min ifakkar li fl-investigazzjonijiet preċedenti nstab li l-impatt ta’ l-impożizzjoni tal-miżuri ma jkunx sinifikanti sa tali punt li bħala regola, importaturi ma jinnegozjawx biss fl-AN iżda anke, b’mod sinifikanti, f’fertilizzanti oħrajn. It-tneħħija ta’ miżuri antidumping minn fuq fertilizzanti oħra jistgħu biss isaħħu dan ta’ hawn fuq. F’dak il-kuntest, miżuri antidumping applikabbli fuq importazzjonijiet ta’ urea li toriġina mir-Russja, u mill-Belarus, il-Kroazja, il-Libja u l-Ukraina tneħħew f’Awwissu 2007 u Marzu 2008 rispettivament. Ix-xejra ‘l isfel fl-importazzjonijiet mill-pajjiż ikkonċernat matul il-perjodu kkunsidrat twassal għall-konklużjoni li xi imporaturi setgħu tassew sofrew xi konsegwenzi negattivi bl-impożizzjoni tal-miżuri. Madankollu, fin-nuqqas ta’ kooperazzjoni mill-importaturi u għalhekk ta’ kull evidenza konklużiva li tippermetti evalwazzjoni ta’ kull konsegwenza negattiva sinifikanti, ġie konkluż li ma hemm ebda raguni konvinċenti kontra ż-żamma tal-miżuri attwali kontra d-dumping.

(152) Ma hemm l-ebda tagħrif disponibbli affidabbli li jindika li ż-żamma tal-miżuri se jkollha effett negattiv sinifikanti fuq importaturi u kummerċjanti.

L-interess ta’ l-utenti

(153) L-utenti ta’ l-AN fil-Komunità huma bdiewa. Xi assoċjazzjonijiet tal-bdiewa għamlu sottomissjonijiet, fejn sostnew li d-dħul tal-bdiewa kien taħt pressjoni għaliex il-prezzijiet tal-fertillizzanti għolew tul l-aħħar snin, xi prodotti raw il-prezzijiet jonqsu u r-regolamenti ambjentali żiedu l-piż ta’ l-ispejjeż. Dawn il-pretensjonijiet, madankollu, ma kinux sostanzjati.

(154) L-EFMA pprovdiet evidenza agronomika u ekonomika li wriet li l-AN jirrappreżenta parti żgħira ta’ l-ispejjeż totali tal-produzzjoni għall-bdiewa. Għalhekk, instab li, bħala bilanċ, il-miżuri attwalment fis-seħħ ma kellhom ebda effett sostanzjalment negattiv fuq il-qagħda ekonomika tagħhom; u li t-tkomplija tal-miżuri mhux se tolqot negattivament l-interessi finanzjarji tal-bdiewa.

Konklużjoni dwar l-Interess Komunitarju

(155) Minħabba dan ta’ hawn fuq, ġie konkluż li ma hemm ebda raġuni konvinċenti kontra ż-żamma tal-miżuri attwali kontra d-dumping.

IMPENJI

(156) Il-Kummissjoni fid-19 ta’ Diċembru 2006 tat bidu għal reviżjoni interim parzjali wara talba mressqa minn OJSC Acron u OJSC Dorogobuzh, membri ta’ Acron Holding Company. Ir-riżultati ta’ dik ir-reviżjoni interim tniżżlu fir-Regolament tal-Kunsill (KE) Nru 236/2008. Matul ir-reviżjoni interim l-Acron esprimiet interess li toffri impenn fil-prezzijiet iżda naqset li tissottometti offerta sostanzjata kif suppost sa l-iskadenza kif stipulat fl-Artikolu 8(2) tar-Regolament bażiku. Madankollu, kif iddikjarat fil-premessi (56) u (57) tar-Regolament tal-Kunsill hawn fuq imsemmi, il-Kunsill ikkunsidra li l-Acron għandha eċċezzjonalment titħalla tkompli bl-offerta ta’ l-impenn tagħha fi żmien għaxart ijiem mid-dħul fis-seħħ ta’ dak ir-Regolament minħabba l-kumplessità ta’ diversi kwistjonijiet, fosthom (1) il-volatilità tal-prezz tal-prodott ikkonċernat li jeħtieġ xi forma ta’ indiċi ta’ prezzijiet minimi, filwaqt li fl-istess ħin il-volatilità mhix imfissra biżżejjed mill-kawża ewlenija ta’ l-ispiża; u (2) il-qagħda partikolari tas-suq għall-prodott ikkonċernat. Wara l-pubblikazzjoni tar-Regolament (KE) Nru 236/2008 u sa l-iskadenza kif stipulat f’dak ir-Regolament, l-Acron issottomettiet impenn aċċettabbli ta’ prezz skond l-Artikolu 8(1) tar-Regolament bażiku.

(157) Matul il-kors tar-reviżjoni interim parzjali mibdija fit-30 ta’ Novembru 2005, l-Eurochem offriet impenn aċċettabbli ta’ prezz skond l-Artikolu 8(1) tar-Regolament bażiku.

(158) Il-Kummissjoni permezz tad-Deċiżjoni 2008/577/KE, aċċettat l-offerti ta’ impenn. Id-Deċiżjoni tistipula f’aktar dettall ir-raġunijiet għall-aċċettazzjoni ta’ l-offerti ta’ impenn. Il-Kunsill jirrikonoxxi li l-offerti ta’ impenn jeliminaw l-effett ta’ dannu tad-dumping u jillimitaw sa grad suffiċjenti r-riskju ta’ tgħawwiġ.

(159) Biex il-Kummissjoni u l-awtoritajiet tad-dwana jkunu aktar f’qagħda biex b’mod effettiv jimmonitorjaw il-konformità tal-kumpaniji ma’ l-impenji, meta tiġi ppreżentata t-talba għal rilaxx għall-moviment ħieles lill-awtoritajiet tad-dwana rilevanti, l-eżenzjoni mid-dazju antidumping tkun tiddependi minn (i) il-preżentazzjoni ta’ fattura ta’ impenn, li hija fattura kummerċjali li fiha ta’ l-inqas l-elementi elenkati u d-dikjarazzjoni stipulata fl-Anness; (ii) il-fatt li l-prodotti importati huma manifatturati, mibgħuta u fatturati direttament mill-kumpaniji msemmija lill-ewwel klijent indipendenti fil-Komunità; u (iii) il-fatt li l-prodotti ddikjarati u ppreżentati lid-dwana jaqblu eżattament mad-deskrizzjoni tal-fattura ta’ l-impenn. Fejn il-kundizzjonijiet ta’ hawn fuq ma jintlaħqux għandu japplika d-dazju antidumping xieraq fil-mument ta’ l-aċċettazzjoni tad-dikjarazzjoni ta’ rilaxx għall-moviment ħieles.

(160) Kull meta l-Kummissjoni tirtira, skond l-Artikolu 8(9) tar-Regolament bażiku, l-aċċettazzjoni tagħha ta’ impenn wara ksur billi tirreferi għal tranżazzjoni partikolari u tiddikjara l-fatturi ta’ l-impenn rilevanti bħala invalidi, għandu japplika debitu doganali fil-mument ta’ l-aċċettazzjoni tad-dikjarazzjoni ta’ rilaxx għall-moviment ħieles ta’ dawn it-tranżazzjonijiet.

(161) L-importaturi għandhom ikunu konxji li debitu doganali jista’ japplika, bħala riskju kummerċjali normali, fil-mument ta’ l-aċċettazzjoni tad-dikjarazzjoni ta’ rilaxx għall-moviment ħieles kif deskritt fil-premessi (159) u (160) anki jekk impenn offrut mill-fabbrikant li minn għandu kienu qed jixtru, direttament jew indirettament, kienet aċċettata mill-Kummissjoni.

(162) Skond l-Artikolu 14(7) tar-Regolament bażiku, l-awtoritajiet tad-dwana għandhom jinfurmaw immedjatament lill-Kummissjoni kull meta jinstabu indikazzjonijiet ta’ ksur ta’ l-impenn.

(163) Għar-raġunijiet imsemmija hawn fuq, l-impenji offruti mill-Eurochem u l-Acron huma għalhekk ikkunsidrati aċċettabbli mill-Kummissjoni u l-Eurochem u l-Acron ġew infurmati bil-fatti essenzjali, kunsiderazzjonijiet u obbligi li fuqhom hija bbażata l-aċċettazzjoni.

(164) Fil-każ ta’ ksur jew irtirar ta’ l-impenji, jew fil-każ ta’ irtirar ta’ l-aċċettazzjoni ta’ impenn mill-Kummissjoni, għandu japplika awtomatikament id-dazju antidumping li jkun ġie impost mill-Kunsill, skond l-Artikolu 9(4), permezz ta’ l-Artikolu 8(9) tar-Regolament bażiku.

DISPOŻIZZJONIJIET FINALI

(165) Il-partijiet kollha ġew infurmati bil-fatti u l-kunsiderazzjonijiet essenzjali li fuqhom kien maħsub li ssir rakkomandazzjoni li l-miżuri eżistenti fuq l-importazzjonijiet mir-Russja jinżammu u li l-livell tal-miżuri jkun emendat fejn meħtieg. Dawn ingħataw ukoll perjodu biex jissottomettu kummenti u pretensjonijiet wara l-għeluq. Ma ġie ppreżentat l-ebda kumment li jiġġustifika tibdil fil-konklużjonijiet ta’ hawn fuq.

Reviżjoni interim limitata għall-Eurochem

(166) Fid-dawl tal-konklużjonijiet milħuqa fir-rigward ta’ dumping u n-natura dejjiema taċ-ċirkostanzi mibdula, id-dazju antidumping individwali fuq l-importazzjonijiet tal-prodott ikkonċernat, fir-rigward ta’ l-Eurochem, għandu jkun emendat bil-għan li jirrifletti l-marġni l-ġdid misjub tad-dumping.

(167) Billi l-livell misjub ta’ dumping huwa aktar baxx mill-marġni ta’ dannu stabbilit fl-investigazzjoni preċedenti, ir-rata ta’ dazju għandha ssir fil-livell ta’ dumping misjub.

(168) Billi fl-investigazzjoni oriġinali d-dazju kien impost f’forma ta’ ammont speċifiku għal kull tunnellata, għandu jkollu l-istess forma fl-investigazzjoni attwali. Għalhekk, id-dazju huwa ta’ EUR 32,82/kull tunnellata. Id-dazju għandu jkun applikat, skond ir-Regolament (KE) Nru 945/2005, fil-proporzjon tal-kontenut ta’ AN u ta’ sustanzi u nutrijenti marġinali oħra, fil-każ ta’ komposti ta’ fertilizzanti ta’ l-AN b’kontenut ta’ nitroġenu li jaqbeż it-28 % bil-piż.

(169) Għalkemm dan id-dazju kien ibbażat fuq data min-NAK Azot, kif iddikjarat fil-premessa (30) hawn fuq, huwa japplika għall-bejgħ kollu magħmul mill-Eurochem, indipendentement f’liema fabbrika relatata l-prodott ikun ġie manifatturat.

Il-verifika ta’ skadenza

(170) Il-miżuri antidumping applikabbli għall-importazzjonijiet ta’ l-AN li joriġinaw mir-Russja għandhom jinżammu skond l-Artikolu 11(2) tar-Regolament bażiku.

Kunsiderazzjoni finali

(171) Billi, fil-kuntest tar-reviżjonijiet interim parzjali, żewġ esportaturi kienu ngħataw l-opportunità li joffru impenji, għandha tingħata kunsiderazzjoni speċjali, kif xieraq, għall-bidu tar-reviżjonijiet interim skond l-Artikolu 11(3) tar-Regolament bażiku, biex ikunu eżaminati aktar offerti ta’ impenji, kemm-il darba l-Kummissjoni tirċievi biżżejjed evidenza li dawn ir-reviżjonijiet huma meħtieġa.

ID-DAZJI

(172) Fid-dawl tal-konklużjonijiet milħuqa fir-rigward tat-tkomplija tad-dumping, il-probabbiltà ta’ rikorrenza ta’ dannu u l-interess Komunitarju, il-miżuri antidumping fuq l-importazzjonijiet ta’ l-AN li joriġinaw mir-Russja għandhom jinżammu biex tkun evitata rikorrenza ta’ dannu kkawżat lill-industrija Komunitarja mill-importazzjonijiet iddampjati,

ADOTTA DAN IR-REGOLAMENT:

Artikolu 1 Ir-reviżjoni interim parzjali tal-miżuri antidumping applikabbli għall-importazzjonijiet ta’ fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż li jaqgħu fi ħdan il-kodiċijiet NM 31023090, 31024090, ex31022900, ex31026000, ex31029000, ex31051000, ex31052010, ex31055100, ex31055900 u ex31059091 u li joriġinaw mir-Russja mill-produttur Open Joint Stock Company (OJSC) Mineral and Chemical Company EuroChem, hija hawnhekk mitmuma u l-Artikolu 1(2) tar-Regolament (KE) Nru 658/2002, kif emendat l-aħħar mir-Regolament (KE) Nru 945/2005, għandu jinbidel b’dan li ġej:

Artikolu 1

2. Ir-rata tad-dazju anti-dumping definittiv għandha tkun ammont iffissat kif speċifikat hawn isfel:

2. (a)——————————————————————————

Għal Open Joint Stock Company (OJSC) Mineral and Chemical Company Eurochem, membru tal-grupp ta’ kumpaniji Eurochem, Moska, ir-Russja, għal prodotti maħduma mill-kumpanija relatata tagħha JSC NAK Azot, Novomoskovsk, Russja, jew mill-kumpanija relatata tagħha JSC Nevinka Azot, Nevinnomyssk, ir-Russja, u mibjugħa minn Eurochem Trading GmbH, Zug, l-Iżvizzera, lill-ewwel klijent indipendenti fil-Komunità (kodiċi addizzjonali TARIC A522): Deskrizzjoni tal-prodott Kodiċi NM Kodiċi TARIC Ammont fiss ta’ dazju (Ewro kull tunnellata) Nitrat ta’ l-ammonju għajr għal f’soluzzjonijiet ta’ l-ilma 31023090 — 32,82 Taħlitiet ta’ nitrat ta’ l-ammonju mal-karbunat tal-kalċju jew sustanzi oħra inorganiċi mhux fertilizzanti, b’kontenut ta’ nitroġenu li jaqbeż it-28 % bil-piż 31024090 — 32,82 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż 31022900 10 32,82 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż 31026000 10 32,82 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż 31029000 10 32,82 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, mingħajr kontenut ta’ fosfru u ta’ potassju 31051000 10 32,82 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u/jew kontenut ta’ potassju evalwat bħala K2O ta’ inqas minn 3 % bil-piż 31051000 20 31,84 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u/jew kontenut ta’ potassju evalwat bħala K2O ta’ 3 % bil-piż jew iżjed iżda inqas minn 6 % bil-piż 31051000 30 30,85 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u/jew kontenut ta’ potassju evalwat bħala K2O ta’ 6 % bil-piż jew iżjed iżda inqas minn 9 % bil-piż 31051000 40 29,87 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u/jew kontenut ta’ potassju evalwat bħala K2O ta’ 9 % bil-piż jew iżjed iżda li ma jaqbiżx it-12 % bil-piż 31051000 50 28,88 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u kontenut ta’ potassju evalwat bħala K2O ta’ inqas minn 3 % bil-piż 31052010 30 31,84 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u kontenut ta’ potassju evalwat bħala K2O ta’ 3 % bil-piż jew iżjed iżda inqas minn 6 % bil-piż 31052010 40 30,85 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u kontenut ta’ potassju evalwat bħala K2O ta’ 6 % bil-piż jew iżjed iżda inqas minn 9 % bil-piż 31052010 50 29,87 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u kontenut ta’ potassju evalwat bħala K2O ta’ 9 % bil-piż jew iżjed iżda li ma jaqbiżx it-12 % bil-piż 31052010 60 28,88 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ inqas minn 3 % bil-piż 31055100 10 31,84 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 3 % bil-piż jew iżjed iżda inqas minn 6 % bil-piż 31055100 20 30,85 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 6 % bil-piż jew iżjed iżda inqas minn 9 % bil-piż 31055100 30 29,87 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 9 % bil-piż jew iżjed iżda li ma jaqbiżx l-10,40 % bil-piż 31055100 40 29,41 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ inqas minn 3 % bil-piż 31055900 10 31,84 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 3 % bil-piż jew iżjed iżda inqas minn 6 % bil-piż 31055900 20 30,85 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 6 % bil-piż jew iżjed iżda inqas minn 9 % bil-piż 31055900 30 29,87 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 9 % bil-piż jew iżjed iżda li ma jaqbiżx l-10,40 % bil-piż 31055900 40 29,41 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ potassju evalwat bħala K2O ta’ inqas minn 3 % bil-piż 31059091 30 31,84 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ potassju evalwat bħala K2O ta’ 3 % bil-piż jew iżjed iżda inqas minn 6 % bil-piż 31059091 40 30,85 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ potassju evalwat bħala K2O ta’ 6 % bil-piż jew iżjed iżda inqas minn 9 % bil-piż 31059091 50 29,87 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ potassju evalwat bħala K2O ta’ 9 % bil-piż jew iżjed iżda li ma jaqbiżx it-12 % bil-piż 31059091 60 28,88

(b)——————————————————————————

Għall-kumpaniji l-oħra kollha (kodiċi addizzjoniali TARIC A999): Deskrizzjoni tal-prodott Kodiċi NM Kodiċi TARIC Ammont fiss ta’ dazju (Ewro kull tunnellata) Nitrat ta’ l-ammonju għajr għal f’soluzzjonijiet ta’ l-ilma 31023090 — 47,07 Taħlitiet ta’ nitrat ta’ l-ammonju mal-karbunat tal-kalċju jew sustanzi oħra inorganiċi mhux fertilizzanti, b’kontenut ta’ nitroġenu li jaqbeż it-28 % bil-piż 31024090 — 47,07 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż 31022900 10 47,07 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż 31026000 10 47,07 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż 31029000 10 47,07 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż 31051000 10 47,07 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u/jew kontenut ta’ potassju evalwat bħala K2O ta’ inqas minn 3 % bil-piż 31051000 20 45,66 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u/jew kontenut ta’ potassju evalwat bħala K2O ta’ 3 % bil-piż jew iżjed iżda inqas minn 6 % bil-piż 31051000 30 44,25 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u/jew kontenut ta’ potassju evalwat bħala K2O ta’ 6 % bil-piż jew iżjed iżda inqas minn 9 % bil-piż 31051000 40 42,83 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u/jew kontenut ta’ potassju evalwat bħala K2O ta’ 9 % bil-piż jew iżjed iżda li ma jaqbiżx it-12 % bil-piż 31051000 50 41,42 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u kontenut ta’ potassju evalwat bħala K2O ta’ inqas minn 3 % bil-piż 31052010 30 45,66 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u kontenut ta’ potassju evalwat bħala K2O ta’ 3 % bil-piż jew iżjed iżda inqas minn 6 % bil-piż 31052010 40 44,25 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u kontenut ta’ potassju evalwat bħala K2O ta’ 6 % bil-piż jew iżjed iżda inqas minn 9 % bil-piż 31052010 50 42,83 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u kontenut ta’ potassju evalwat bħala K2O ta’ 9 % bil-piż jew iżjed iżda li ma jaqbiżx it-12 % bil-piż 31052010 60 41,42 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ inqas minn 3 % bil-piż 31055100 10 45,66 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 3 % bil-piż jew iżjed iżda inqas minn 6 % bil-piż 31055100 20 44,25 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 6 % bil-piż jew iżjed iżda inqas minn 9 % bil-piż 31055100 30 42,83 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 9 % bil-piż jew iżjed iżda li ma jaqbiżx l-10,40 % bil-piż 31055100 40 42,17 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ inqas minn 3 % bil-piż 31055900 10 45,66 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 3 % bil-piż jew iżjed iżda inqas minn 6 % bil-piż 31055900 20 44,25 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 6 % bil-piż jew iżjed iżda inqas minn 9 % bil-piż 31055900 30 42,83 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 9 % bil-piż jew iżjed iżda li ma jaqbiżx l-10,40 % bil-piż 31055900 40 42,17 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ potassju evalwat bħala K2O ta’ inqas minn 3 % bil-piż 31059091 30 45,66 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ potassju evalwat bħala K2O ta’ 3 % bil-piż jew iżjed iżda inqas minn 6 % bil-piż 31059091 40 44,25 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ potassju evalwat bħala K2O ta’ 6 % bil-piż jew iżjed iżda inqas minn 9 % bil-piż 31059091 50 42,83 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ potassju evalwat bħala K2O ta’ 9 % bil-piż jew iżjed iżda li ma jaqbiżx it-12 % bil-piż 31059091 60 41,42

Artikolu 2

1. Dazju definittiv antidumping huwa hawnhekk impost fuq importazzjonijiet ta’ fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż li jaqgħu fi ħdan il-kodiċijiet NM 31023090, 31024090, ex31022900, ex31026000, ex31029000, ex31051000, ex31052010, ex31055100, ex31055900 u ex31059091 u li joriġinaw mir-Russja.

2. Ir-rata tad-dazju antidumping definittiv għandha tkun ta’ ammont fiss kif speċifikat hawn isfel:

2. (a)——————————————————————————

Għal Open Joint Stock Company (OJSC) Mineral and Chemical Company Eurochem, membru tal-grupp ta’ kumpaniji Eurochem, Moska, ir-Russja, għal prodotti maħduma mill-kumpanija relatata tagħha JSC NAK Azot, Novomoskovsk, Russja, jew mill-kumpanija relatata tagħha JSC Nevinka Azot, Nevinnomyssk, Russja, u mibjugħa minn Eurochem Trading GmbH, Zug, l-Iżvizzera, lill-ewwel klijent indipendenti fil-Komunità (kodiċi addizzjonali TARIC A522): Deskrizzjoni tal-prodott Kodiċi NM Kodiċi TARIC Ammont fiss ta’ dazju (Ewro kull tunnellata) Nitrat ta’ l-ammonju għajr għal f’soluzzjonijiet ta’ l-ilma 31023090 — 32,82 Taħlitiet ta’ nitrat ta’ l-ammonju mal-karbunat tal-kalċju jew sustanzi oħra inorganiċi mhux fertilizzanti, b’kontenut ta’ nitroġenu li jaqbeż it-28 % bil-piż 31024090 — 32,82 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż 31022900 10 32,82 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż 31026000 10 32,82 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż 31029000 10 32,82 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, mingħajr kontenut ta’ fosfru u ta’ potassju 31051000 10 32,82 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u/jew kontenut ta’ potassju evalwat bħala K2O ta’ inqas minn 3 % bil-piż 31051000 20 31,84 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u/jew kontenut ta’ potassju evalwat bħala K2O ta’ 3 % bil-piż jew iżjed iżda inqas minn 6 % bil-piż 31051000 30 30,85 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u/jew kontenut ta’ potassju evalwat bħala K2O ta’ 6 % bil-piż jew iżjed iżda inqas minn 9 % bil-piż 31051000 40 29,87 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u/jew kontenut ta’ potassju evalwat bħala K2O ta’ 9 % bil-piż jew iżjed iżda li ma jaqbiżx it-12 % bil-piż 31051000 50 28,88 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u kontenut ta’ potassju evalwat bħala K2O ta’ inqas minn 3 % bil-piż 31052010 30 31,84 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u kontenut ta’ potassju evalwat bħala K2O ta’ 3 % bil-piż jew iżjed iżda inqas minn 6 % bil-piż 31052010 40 30,85 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u kontenut ta’ potassju evalwat bħala K2O ta’ 6 % bil-piż jew iżjed iżda inqas minn 9 % bil-piż 31052010 50 29,87 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u kontenut ta’ potassju evalwat bħala K2O ta’ 9 % bil-piż jew iżjed iżda li ma jaqbiżx it-12 % bil-piż 31052010 60 28,88 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ inqas minn 3 % bil-piż 31055100 10 31,84 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 3 % bil-piż jew iżjed iżda inqas minn 6 % bil-piż 31055100 20 30,85 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 6 % bil-piż jew iżjed iżda inqas minn 9 % bil-piż 31055100 30 29,87 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 9 % bil-piż jew iżjed iżda li ma jaqbiżx l-10,40 % bil-piż 31055100 40 29,41 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ inqas minn 3 % bil-piż 31055900 10 31,84 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 3 % bil-piż jew iżjed iżda inqas minn 6 % bil-piż 31055900 20 30,85 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 6 % bil-piż jew iżjed iżda inqas minn 9 % bil-piż 31055900 30 29,87 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 9 % bil-piż jew iżjed iżda li ma jaqbiżx l-10,40 % bil-piż 31055900 40 29,41 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ potassju evalwat bħala K2O ta’ inqas minn 3 % bil-piż 31059091 30 31,84 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ potassju evalwat bħala K2O ta’ 3 % bil-piż jew iżjed iżda inqas minn 6 % bil-piż 31059091 40 30,85 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ potassju evalwat bħala K2O ta’ 6 % bil-piż jew iżjed iżda inqas minn 9 % bil-piż 31059091 50 29,87 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ potassju evalwat bħala K2O ta’ 9 % bil-piż jew iżjed iżda li ma jaqbiżx it-12 % bil-piż 31059091 60 28,88

(b)——————————————————————————

Għall-kumpaniji l-oħra kollha (kodiċi addizzjoniali TARIC A999): Deskrizzjoni tal-prodott Kodiċi NM Kodiċi TARIC Ammont fiss ta’ dazju (Ewro kull tunnellata) Nitrat ta’ l-ammonju għajr għal f’soluzzjonijiet ta’ l-ilma 31023090 — 47,07 Taħlitiet ta’ nitrat ta’ l-ammonju mal-karbunat tal-kalċju jew sustanzi oħra inorganiċi mhux fertilizzanti, b’kontenut ta’ nitroġenu li jaqbeż it-28 % bil-piż 31024090 — 47,07 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż 31022900 10 47,07 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż 31026000 10 47,07 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż 31029000 10 47,07 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, mingħajr kontenut ta’ fosfru u ta’ potassju 31051000 10 47,07 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u/jew kontenut ta’ potassju evalwat bħala K2O ta’ inqas minn 3 % bil-piż 31051000 20 45,66 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u/jew kontenut ta’ potassju evalwat bħala K2O ta’ 3 % bil-piż jew iżjed iżda inqas minn 6 % bil-piż 31051000 30 44,25 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u/jew kontenut ta’ potassju evalwat bħala K2O ta’ 6 % bil-piż jew iżjed iżda inqas minn 9 % bil-piż 31051000 40 42,83 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u/jew kontenut ta’ potassju evalwat bħala K2O ta’ 9 % bil-piż jew iżjed iżda li ma jaqbiżx it-12 % bil-piż 31051000 50 41,42 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u kontenut ta’ potassju evalwat bħala K2O ta’ inqas minn 3 % bil-piż 31052010 30 45,66 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u kontenut ta’ potassju evalwat bħala K2O ta’ 3 % bil-piż jew iżjed iżda inqas minn 6 % bil-piż 31052010 40 44,25 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u kontenut ta’ potassju evalwat bħala K2O ta’ 6 % bil-piż jew iżjed iżda inqas minn 9 % bil-piż 31052010 50 42,83 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 u kontenut ta’ potassju evalwat bħala K2O ta’ 9 % bil-piż jew iżjed iżda li ma jaqbiżx it-12 % bil-piż 31052010 60 41,42 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ inqas minn 3 % bil-piż 31055100 10 45,66 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 3 % bil-piż jew iżjed iżda inqas minn 6 % bil-piż 31055100 20 44,25 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 6 % bil-piż jew iżjed iżda inqas minn 9 % bil-piż 31055100 30 42,83 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 9 % bil-piż jew iżjed iżda li ma jaqbiżx l-10,40 % bil-piż 31055100 40 42,17 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ inqas minn 3 % bil-piż 31055900 10 45,66 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 3 % bil-piż jew iżjed iżda inqas minn 6 % bil-piż 31055900 20 44,25 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 6 % bil-piż jew iżjed iżda inqas minn 9 % bil-piż 31055900 30 42,83 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ fosfru evalwat bħala P2O5 ta’ 9 % bil-piż jew iżjed iżda li ma jaqbiżx l-10,40 % bil-piż 31055900 40 42,17 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ potassju evalwat bħala K2O ta’ inqas minn 3 % bil-piż 31059091 30 45,66 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ potassju evalwat bħala K2O ta’ 3 % bil-piż jew iżjed iżda inqas minn 6 % bil-piż 31059091 40 44,25 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ potassju evalwat bħala K2O ta’ 6 % bil-piż jew iżjed iżda inqas minn 9 % bil-piż 31059091 50 42,83 Fertilizzanti solidi b’kontenut ta’ nitrat ta’ l-ammonju li jaqbeż it-80 % bil-piż, u kontenut ta’ potassju evalwat bħala K2O ta’ 9 % bil-piż jew iżjed iżda li ma jaqbiżx it-12 % bil-piż 31059091 60 41,42

3. F’każi fejn il-prodotti saritilhom ħsara qabel id-dħul fil-moviment ħieles u, għalhekk, il-prezz fil-fatt imħallas jew li għandu jitħallas tqassam għad-determinazzjoni tal-valur tad-dwana skond l-Artikolu 145 tar-Regolament tal-Kummissjoni (KEE) Nru 2454/93, l-ammont ta’ dazju antidumping imsemmi fil-paragrafu 2 għandu jitnaqqas b’perċentwali li jaqbel mat-tqassim tal-prezz fil-fatt imħallas jew li għandu jitħallas.

4. Minkejja l-ewwel paragrafu, id-dazju antidumping definittiv ma għandux japplika għal importazzjonijiet rilaxxati għall-moviment ħieles skond l-Artikolu 3.

5. Jekk mhux speċifikat mod ieħor, għandhom japplikaw id-dispożizzjonijiet fis-seħħ dwar id-dazji tad-dwana.

Artikolu 3

1. L-importazzjonijiet iddikjarati biex ikunu rilaxxati għall-moviment ħieles li huma fatturati mill-kumpaniji li minnhom impenji huma aċċettati mill-Kummissjoni u li l-ismijiet tagħhom huma elenkati fid-Deċiżjoni 2008/577/KE, kif emendata minn żmien għal ieħor, għandhom ikunu eżenti mid-dazju antidumping impost bl-Artikolu 2, bil-kundizzjoni li:

huma manifatturati, mibgħuta u fatturati direttament mill-kumpanija msemmija lill-ewwel klijenti indipendenti fil-Komunità; u

dawn l-importazzjonijiet huma akkumpanjati minn fattura ta’ impenn li hija fattura kummerċjali li fiha ta’ l-inqas l-elementi u d-dikjarazzjoni stipulati fl-Anness għal dan ir-Regolament; u

il-prodotti ddikjarati u ppreżentati lid-dwana jaqblu eżattament mad-deskrizzjoni fuq il-fattura ta’ l-impenn.

2. Għandu jitħallas debitu doganali fil-mument ta’ l-aċċettazzjoni tad-dikjarazzjoni ta’ rilaxx għall-moviment ħieles:

kull darba li huwa stabbilit, fir-rigward ta’ importazzjonijiet deskritti fil-paragrafu 1, li waħda jew aktar mill-kundizzjonijiet elenkati f’dak il-paragrafu m’humiex sodisfatti; jew

meta l-Kummissjoni tirtira l-aċċettazzjoni tagħha ta’ l-impenn skond l-Artikolu 8(9) tar-Regolament bażiku f’Regolament jew Deċiżjoni li tirreferi għal tranżazzjonijiet partikolari u tiddikjara l-fatturi ta’ impenn rilevanti bħala invalidi.

Artikolu 4 Dan ir-Regolament għandu jidħol fis-seħħ fil-jum wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussell, 8 ta’ Lulju 2008. Għall-Kunsill Il-President C. Lagarde

ANNEX

ANNESS

L-elementi li ġejjin għandhom jiġu indikati fil-fattura kummerċjali li takkumpanja l-bejgħ mill-kumpanija lill-Komunità ta’ prodotti li huma soġġetti għall-impenn:

1. L-intestatura FATTURA KUMMERĊJALI LI TAKKUMPANJA L-PRODOTTI SOĠĠETTI GĦAL IMPENN.

2. L-isem tal-kumpanija li toħroġ il-fattura kummerċjali.

3. In-numru tal-fattura kummerċjali.

4. Id-data tal-ħruġ tal-fattura kummerċjali.

5. Il-kodiċi addizzjonali TARIC skond liema prodotti fuq il-fattura għandhom jiġu rilaxxati mid-dwana fil-fruntiera tal-Komunità.

6. Id-deskrizzjoni eżatta tal-prodotti, li tinkludi:

in-numru tal-kodiċi tal-prodott (NKP) użat għall-għan ta’ l-impenn,

deskrizzjoni b’lingwa sempliċi tal-prodotti li jikkorrispondu mal-NKP ikkonċernat,

in-numru tal-kodiċi tal-prodott tal-kumpanija (KPK),

il-kodiċi Taric,

il-kwantità (tingħata f’tunnellati).

7. Id-deskrizzjoni tal-kundizzjonijiet tal-bejgħ, inkluż:

il-prezz għal kull tunnellata,

il-kundizzjonijet għall-ħlasijiet applikabbli,

il-kundizzjonijiet għat-tqassim applikabbli,

l-iskont totali u nżul fil-prezz.

8. L-isem tal-kumpanija li taġixxi ta’ importatur fil-Komunità li lilha l-kumpanija toħroġ direttament il-fattura kummerċjali li takkumpanja l-prodotti soġġetti għall-impenn.

9. L-isem ta’ l-uffiċjal tal-kumpanija li ħareġ il-fattura kummerċjali u d-dikjarazzjoni ffirmata li ġejja: Jiena, hawn taħt iffirmat, niċċertifika li l-bejgħ għall-esportazzjoni diretta lejn il-Komunità Ewropea tal-prodotti koperti minn din il-fattura qed isir fl-ambitu u skond il-kundizzjonijiet ta’ l-impenn offrut minn [KUMPANIJA], u aċċettat mill-Kummissjoni Ewropea permezz tad-Deċiżjoni 2008/577/KE. Niddikjara li l-informazzjoni mogħtija f’din il-fattura hija sħiħa u korretta.

Versions

1. 2008-07-08