Regolament tal-Kummissjoni (UE) Nru 820/2010 tas-16 ta' Settembru 2010 li jistabbilixxi t-tnaqqis massimu fid-dazju għall-importazzjoni tas-sorgu fil-kuntest tas-sejħa għall-offerti msemmija fir-Regolament (UE) Nru 464/2010
Grade B
mapped from publisher markup. A grade says how a document's structure was obtained, not how reliable the law is.
Address https://gelex.eu/eli/EU/act/2010/820@2010-09-16/mt
Contents
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS), u b'mod partikolari l-Artikolu 144 tiegħu, b'rabta mal-Artikolu 4 tiegħu,
Billi:
(1) Ir-Regolament tal-Kummissjoni (UE) Nru 464/2010 fetaħ sejħa għall-offerti għat-tnaqqis massimu fid-dazju tal-importazzjoni fi Spanja tas-sorgu minn pajjiżi terzi.
(2) Skont l-Artikolu 8 tar-Regolament tal-Kummissjoni (KE) Nru 1296/2008 tat-18 ta’ Diċembru 2008 dwar regoli dettaljati għall-applikazzjoni ta’ kwoti ta’ tariffi għall-importazzjoni ta’ qamħirrum u sorgu fi Spanja u importazzjoni ta’ qamħirrum fil-Portugall, il-Kummissjoni tista', skont il-proċedura prevista fl-Artikolu 195(2) tar-Regolament (KE) Nru 1234/2007, tiddeċiedi li tistabbilixxi tnaqqis massimu fid-dazju tal-importazzjoni. Biex din il-kwantità tiġi stabbilita, għandhom jitqiesu l-kriterji mniżżla fl-Artikoli 7 u 8 tar-Regolament (KE) Nru 1296/2008.
(3) Il-konċessjoni għandha tingħata lil kull min tefa' offerta li ma taqbiżx l-ammont tat-tnaqqis massimu fid-dazju tal-importazzjoni.
(4) Il-miżuri pprovduti f'dan ir-Regolament huma konformi ma’ l-opinjoni tal-Kumitat ta' Ġestjoni għall-Organizzazzjoni Komuni tas-Swieq Agrikoli,
ADOTTAT DAN IR-REGOLAMENT:
Artikolu 1 Għall-offerti kkomunikati mis-27 ta’ Awwissu sas-16 ta’ Settembru 2010, fil-kuntest tas-sejħa għall-offerti msemmija fir-Regolament (UE) Nru 464/2010, it-tnaqqis massimu fid-dazju tal-importazzjoni tas-sorgu huwa stabbilit għal EUR 6,49 kull tunnellata għal kwantità massima totali ta' 44000 tunnellata.
Artikolu 2 Dan ir-Regolament għandu jidħol fis-seħħ fis-17 ta’ Settembru 2010.
Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussell, is-16 ta’ Settembru 2010. Għall-Kummissjoni, f'isem il-President Jean-Luc Demarty Direttur Ġenerali għall-Agrikultura u l-Iżvilupp Rurali