Deċiżjoni tal-Kunsill (UE) 2020/1383 tal-25 ta’ Settembru 2020 li taħtar membru u membru supplenti, proposti mir-Renju tan-Netherlands, fil-Kumitat tar-Reġjuni
Grade B
mapped from publisher markup. A grade says how a document's structure was obtained, not how reliable the law is.
Address https://gelex.eu/eli/EU/act/2020/1383@2020-09-25/mt
Contents
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 305 tiegħu,
Filwaqt li kkunsidra l-proposta mill-Gvern Netherlandiż,
Billi:
(1) Fl-10 ta’ Diċembru 2019, fl-20 ta’ Jannar 2020, fit-3 ta’ Frar 2020 u fis-26 ta’ Marzu 2020, il-Kunsill adotta d-Deċiżjonijiet (UE) 2019/2157, (UE) 2020/102, (UE) 2020/144 u (UE) 2020/511 li jaħtru l-membri u l-membri supplenti fil-Kumitat tar-Reġjuni għall-perijodu mis-26 ta’ Jannar 2020 sal-25 ta’ Jannar 2025. Fit-8 ta’ Ġunju 2020, il-Kunsill adotta d-Deċiżjoni (UE) 2020/766 li taħtar il-membri u l-membri supplenti fil-Kumitat tar-Reġjuni għall-perijodu mill-1 ta’ Frar 2020 sal-25 ta’ Jannar 2025.Fit-30 ta’ Lulju 2020, il-Kunsill adotta wkoll id-Deċiżjoni (UE) 2020/1153 li taħtar membri u membri supplenti tal-Kumitat tar-Reġjuni.
(2) Konsegwentement għal tmiem il-mandat tas-Sur Wim VAN DE DONK, sar vakanti s-siġġu ta’ membru fil-Kumitat tar-Reġjuni.
(3) Konsegwentement għal tmiem il-mandat tas-Sur Jack VAN DER HOEK, sar vakanti s-siġġu ta’ membru supplenti fil-Kumitat tar-Reġjuni,
ADOTTA DIN ID-DEĊIŻJONI:
Artikolu 1 Huma b’dan maħturin fil-Kumitat tar-Reġjuni għall-bqija tal-mandat attwali, jiġifieri sal-25 ta’ Jannar 2025: u
Artikolu 1
(a) bħala membru:
Is-Sur Martijn VAN GRUIJTHUIJSEN, Rappreżentant ta’ korp reġjonali b’responsabbiltà politika lejn Assemblea eletta: Provinciale Staten van de provincie Noord-Brabant,
(b) bħala membri supplenti:
Is-Sa Ilse ZAAL, Rappreżentanta ta’ korp reġjonali b’responsabbiltà politika lejn Assemblea eletta: Provinciale Staten van de provincie Noord-Holland.
Artikolu 2 Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, il-25 ta’ Settembru 2020. Għall-Kunsill Il-President M. Roth